الخبر والدمام والبحرين

أخواتي العزيزات ......... السلام عليكم ورحمة الله وبركاته .......
أختكم بالله محتاجتكم .......... انشالله الشهر الجاي ناوية السفر مع زوجي وأطفالي للخبر زالدمام والبحرين بالسيارة ......... من الكويت ...........
وهذه أول مرة نسافر فيها بسيارتنا الخاصة ...... بيني وبينكم محتارة بس التوكل على الله وقل لا يصيبنا الا ما كتبه الله لنا .......
بعد كل المآسي اللي قاعدين نشوفها بالتلفزيون ......... الله المستعان قررنا هالمرة نتوكل على الله ونسافر بالسيارة ........... الآن ........... ممكن اتفيدوني بأساسيات لازم اتكون معانا عند السفر بالسيارة............ ووين انروح وشو نزور وطبعا أحسن الفنادق وأوفرها بالخبر والدمام ......... وبالنسبة للبحرين نفس الشي .......
وبعد................... كم يوم تحتاجها رحلتنا ............ والله يجزاكم كل الخير.......
أم خالد

14 تعليق 2,014 مشاهدة

شاركي في النقاش

سجلي الدخول لإضافة تعليق.

التعليقات

13
  1. عزيزتي الحنان الدافئ ابتداءً اتمنى لك سفرا محمود .
    بالنسبه لسكن أنا عادة انزل فندق في الدمام اسمه المنصور مميزاته:
    1-رخيص غرفه +حمام +مطبخ صغير 170ريال.
    2-نظيف.
    3-مجموعه كبيره من المطاعم تحيط بالفندق.
    4-قريب من الكرنيش.
    عيوبه:
    1-نسبة الهدوء متوسطه (يمكن لانه سيرميك)بس مو لدرجة الازعاج.
    2-الفخامه متوسطه.
    _________________
    اخر مره نزلت الدمام اكتشفت شاليهات تهبل (هوليدي ان)في شاطئ نصف القمر.
    الفله الصغيره تشمل غرفة نوم+ صاله+حمام 600ريال .
    الفله الكبيره3غرف+2حمام+(اظن)صاله.
    غرف الفندق تقريبا 300ريال في الليله.
    هذي الاسعار في غير المواسم في المواسم يتضاعف السعر.
    ___________________________
    بالنسبه للمطاعم :
    1-اهم شي لازم تروحين القريه الشعبيه بالدمام وهي على الكورنيش قريب جدا من فندق المنصور.فيها كل الاكلات الشعبيه وغير الشعبيه لذيذه جدا واسعارهم حلوه جدا والمكان يهبل.
    2-كوبر شندني مطعم هندي فيه بالدمام وفيه بالخبراكلهم لذيذ.(كم مره اروح ما اقدر ادخل زحمه)
    _________________
    الاسواق:
    1-الراشد بالخبر.(كل الماركات)
    2-الواحه بالدمام.كبير وحلو.
    ________________________
    اتمنى اكون افدتك ........(على فكره انا ساكنه في قريه تبعد 215ك عن الدمام وما اروح الا يومين في الشهر.عشان كذا معلوماتي قليله.)
  2. صاحبة الموضوع
    حبيبة قلبي lololo تسلمي يا رب ........... وانشالله آخذ بنصايحك ............ أخواتي مين عندهم معلومات عن البحرين ...... وبعد عن الخبر والدمام ........... ولكم جزيل الشكر

    أم خالد
  3. @hms_2

    هلا بك أختي

    فعلاَ شقق المنصور ممتاااااااااازة ونظيفة وراقية ، وتكيف مركزي

    وسعرها في غير الخميس والجمعة 170 وبنهاية الإسبوع 200 .......(( في غير وقت الموسم ))

    هذا إلي أعرفه

    :)
  4. @am_alsalhyn

    السلام عليكم ورحمة الله وبركاته
    حياك الله ياام خالد عندنا في الشرقية واقامة سعيدة بإذن الله تتمنوها دوم
    في الخبر عندك مجموعة من الاجنحة الفندقية حلوة ورخيصة ومكانها واضح ولنا احس احسن شي (مرسانا للأجنحة الفندقية)وكمان قريب من مجمع الراشد
    وفي الدمام على الكورنيش ايضا(بودل للاجنحة)كمان حلو بس انتي راح تجين في الموسم الاسعار تكون غالية شوي
    عندك في الدمام مجمع ابن خلدون صغير شوي بس مرتب وحلو
    والقرية الشعبية الصراحة لاتفوتينها حلوة مرة..
    وعندك في الخبر وفي الدمام قرية الالعاب للاطفال حلوة ورخيصة راح ينبسطوا الاولاد فيها.
    وفيه في الخبر مطعم الطاية اكلهم حلو ..
    هذا اللي اتذكره الحين واذا تذكرت شي بعدين راح اكتبه
    معليش معلوماتي مبعثرة بس ان شاء الله تفيدك ..
    وانا الاسبوع الجاي راح نزوركم في الكويت ياليت تفيدينا في معلومات عنها في موضوع الاخت همسة ...
    وجزاك الله خير :26:
  5. @ayla_f

    اهلين بالحنان الدافئ بتنورالشرقيه بجيتكم
    هذي الساعه المباركه اقلطي عندنا :26:
    شوفي انا بقولك اللي في الخبر
    اولا الفنادق0 عندك المريديان على الكورنيش
    وهوليدي ان
    وفندق الظهران الدولي يعني قديم بس مش بطال هذي احسن فنادق الخبر
    نجي للمطاعم
    فيه مطعم السنبوك للاكلات البحريه عند سيفوي الكورنيش رائع
    ومطعم تشيلز على الكورنيش اكيد معروف عندكم
    ومطعم فلامينجو جنب ساكو
    ومطعم روما شارع فيصل بن فهد
    ومجموعة مطاعم بالدور الثالث في الراشد
    الأسواق
    الراشد وفيه صالة العاب
    فؤاد سنتر وفيه توي تاون
    الخبر مول مميز بالاقمشه
    الجمعه سنتر

    البحرين
    اختي تسكن في فندق الدبلومات وتمدحه
    وانا اذا بتسوق اروح مجمع السيف
    وسلامتك

تابعي تجارب أخرى من هذا القسم.