اللي ساكنه عند اهل زوجها

اللهم امين يارب العالمين

مشاء الله عليك اختي عروس من ذهب تنومين للمغرب ليش مته تنومين؟ وخصوصا ان:arb: زوجك وراه دوام يعني ينوم بدري

ياختي نصيحني تنومين مع زوجك وتصحين الظهر قبل مايجي زوجك والله فشله يروح ويجي وانتي نايمه غريبه انه ساكت


اسفه قسيت معك شوي بس الصراحه راحه:42: :42:

اسأل الله أن يسر أمورنا00

الغاليه لا تكبرين السالفه وهي صغيره ..

بالعكس انا احسج ما تقصرين وياها وتمرين عليها على الاقل ..
ياما في أبناء ما يسلمون على أهلهم وهم وياهم في نفس البيت ولا يشوفون بعض ..

شوفي أنا ساكنه ويا اهل زوجي .. وريلي دوامه عادي من الصبح للظهر ..

طبعا انا ما اقوم بوقت محدد كل يوم .. اقوم حسب ما يقوم ولدي .. لانه مرات يرقد بوقت ومرات يسهرني ..
المهم سواء قمت بوقت او لا انا ما امر عليها الصبح لاني اكون مشغوله بامور بيتي من غسيل ملابس وتحميم ولدي وأكله وتنظيف الغرفه وغيره من هالامور وطبعا الوقت يطييييير خاصه اذا كان عندج عيال... ومرات اذا ريلي وصل بوقت نتغدا سوا وهو أغلب الايام يتأخر في الوصول للبيت بسبب الزحمه فأترياه على الغدا وهي تتغدا بروحها لانها تعودت على هالشي ومرتاحه على هالوضع .. من قبل لا اتزوج وهي جذه .. حتى ولدها الثاني متزوج وساكن عندنا بنفس البيت ويتغدون بروحهم ...
يعني كل حد منعزل هذا طبعهم .. المهم أنا مرااااااات أسير عندها الظهر قبل لا يوصل ريلي بس ما اطول وياها يعني بالكثير نص ساعه او ساعه .. والغالب اني اطلع وايلس وياها العصر ساعتين تقريبا أو لين يأذن المغرب ... ومرات اذا كنت مشغوله خلاص ما تشوفني لليوم الثاني العصر واذا كنت فاضيه اسيير وياها العشا .. وايلس على حسب وقتي ومزاج ولدي .. لو تشيطن ولدي وحسيته فوضوي ارجع على طول علشان ما يحرجني ويخرب بيتها وهي من النوع اللي تكره الفوضى والازعاج .. واذا كان هادي عادي ايلس واسولف وياها لين نمل ...

يعني ما فيها شي لو مريتي عليها مره او مرتين يوميا ..

وعلى فكره حتى انا يوم يكون ريلي موجود في البيت مستحيــــــل اطلع عنه .. الا اذا كان بيسير وياي نيلس سوا ويا اهله ... ولو كان راقد طبعا اسير عنه .. وبس

هلا اخت عروس بخبرج عن تجربتي بأول زواجي
كنت من اصحى الصبح الساعه عشر او عشر ونص اطلع اسويلي فطور وابدى الغداءمع ان عندهم شغاله بس قلت عيب دامني موجوده الاهو حطي هذا على ذاك وخلصتي المهم...اقعد مع عمتي لين يردوا عيالها من المدرسه والاهم لين يرد زوجي ..احط غداه..واكنت اجبره ياكل عندهم لانهم بالغصب يشوفونه يا بحجرته يا برى البيت...مع ان الغريب ان عمتي تمدح مرة اخوه الكبير لانها كانت تودي الاكل داخل وماكان يطلع عليهم الا نادرا؟؟؟؟؟؟؟؟؟وانا اعتبرتها مني كسل...بس الحمدلله الله يعطي كل واحد على نيته

المهم بعد الغدا..اذا مافيني نوم وزوجي نايم اكملها للعصر..والاغلب كنت احترم نفسي واروح غرفتي
بعد المغرب اروح واشوف اذا يبون عشا ولا خلوا الشغاله تسويه... واقعد لين عشر او تسع وارد غرفتي...وهكذا
بس الصراحه صارت لي مشاكل لان اهل زوجي مايحبون حد يطلع على خصوصياتهم وانا من غبائي كنت لازقه من كرهي للوحده..بس الصاله والمطبخ ممنوع ادش صوب غرفهم وحاطين باب كله مقفول ويكلمونج من وراه..
بس نصيحتي لج دام خالتج وتعرفينها زين ومرتاحه معاها...حاولي الصبح 10 او 11 تقومين وتساعدين بالغدا وعقبها تردين غرفتج...لاتطولين مثلي...صدقيني بتستانس عليج..امي تفرح يوم اتشوف حرمة اخوي تسوي الغدا اتحس انها من اهل البيت
يمكن تكون ثجيله بالبدايه بس بعدين بتتعودين...والعصر او المغرب الوقت اللي تحسيه يناسبج طلعي مره ثانيه وساعتين وردي غرفتج
انا حاليا بملحق بنفس البيت لاني ماتحملت طبعهم...بس اطلع عليهم اخر الاسبوع مره مرتين..وولدي كل يوم اخليه يروح لهم الصبح وعقب المغرب عشان مايقولون حرمتهم حفيدهم...وزوجي كل جمعه ممنوع اسويله غدا اخليه يجتمع مع اخوانه ببيتهم ويتغدون

هذه تجربتي وان شاءالله البنات يفيدونج اكثر
ومثل ماقالوا لاتضغطين على نفسج وااايد..بس في نفس الوقت لاتهملين...لانه اهمالج بينعكس على علاقتكم بالنهاية انتي وزوجج