شاركي في النقاش

سجلي الدخول لإضافة تعليق.

التعليقات

758
  1. @janam

    أم حاكم الأندلس
    هلا اختي سمر الله ييسرلك الزوج الصالح وهو أهم شيء الصالح والعادل .. ان كان معه وحدة ولا ثلاث .. وبرأيي قبل الزواج في اشياء تتضح عن الزوج اما ان كان موقف الرجال سليم وبعدين ظهرت عيوب له ..هذا شيء في علم الغيب .. وممكن يكون نفس الشيء حتى …
    السلام للجميع




    :26:
  2. @hlm_bgaa

    السلام عليكم جميعا
    اخواتي

    بطني يوجعن فعلا انا واثنين من العيال وهو في الغربة وهي هناك في السعودية

    الله يجزاك بالخير

    صاحبة الاميرات
    والله الواضح اني بنسى فكرة الحمل تماما والله يكتب اللي فيه خير
    ويعطيك العافية

    كرزة حمراء
    والله الغباء اللي في راسي هو اللي خلاني اقبل واسوي كذا ويمكن السذاجة
    الله يعطيك كل خير وعافية
    مسز حواء
    الله يجزاك بالخير ياليت والله تكملين
    امجاد ومنار
    الله يسمع منك امين ويوفقك لما فيه خير لك
    يبدو اني فعلا مثل ماقلتي راح اروح لاهي مثل ماذكرتي وذكرت اختي روج احمر
    انا فعلا مليت من هنا والصيف فكرت فيها راح يكون عطلة المدارس السعودية والانجليزية وراح اتقابل انا والعيال في البيت وهو ماعنده عطله وراح يكون عنده امتحان الفيفا للدكتوراة يعني مشغول وبصراح فعلا والله اشتقت لاهلي بس خايفة منه ومن سواياه فيني بس انتي صادقة المفروض اني ادعي واحسن الظن بالله ثم فيه.
    اختي روج احمر
    حتى انا قارنت نفس مقارنتك ولقيت ان التفكير ذبحني فقلت اشيل الموضوع من راسي اريح تعبت وانا افكر والله احس من يوم تزوجت كبرت خمس سنين من الهم
    الله يجزاك خير.
    اختي ما احب الوداع فعلا معاك حق انا غلطانة من البداية فعلا كان على بالي طرزان ومسويه نفسي اقدر اتحمل الى ان صار شكله يطمع اكثر واكثر
    بس والله انا سويت من مبدأ يسروا ولا تعسروا
    وخبرتي في الدنيا قليلة وما كنت ادري انه في جحود في الدنيا زي كذا بس الشكوى لله مقدر ومكتوب الحمد الله على كل حال.

    طيب خواتي ابي اسالكم سؤال جزاك الله خير
    امس تطاقيت انا وياه
    ليش؟
    لانه امس جالسين انا وياه والعيال في المدرسة السعودية
    قام قال بشغل الابتوب عادي قلت له ليش ضروري قال بس بوريك البحث حقي قلت اوكي
    المهم اتريه شبك على الماسنجر لانه هو حاطه تلقائي طلعت زوجته الاولى موجودة وشابكة واخته شابكة قال الكل شايك بس محد يرد انا سكت
    المهم شوي دقت علي جارة سعودية قالت بروح للمدرسة علشان بنتي عادي اترك الولد والبنت الصغار عندك قلت اشوف عاد قال هو قولي عادي طبعا زوجها برضو صديقه من زمن الماجستير
    المهم جو الصغار وقالي هو روح جيبي لنا عصير وجيبي لهم شيبس قلت اوكي وانا في المطبخ اسمعه يكلم احد على الماسنجر
    يوم جيت انقهرت وانا اصلا ما ادري يكلم مين
    قلت له تكلم مين قال فلانه اللي هي زوجتة الاولى
    وقتها عبست وناظرته بستغراب وبصراحة تضايقت
    وجلست مع الصغار وبعدين أخذ الابتوب وراح لمكتبه
    انا بصراحة مرة ولعت وقعدت استغفر واتعوذ من الشيطان
    وقرب وقت الغدا قلت للبنية تجين معي بصلح الغدا ورحت للمطبخ
    المهم شوي ناداه اخوها الصغير وطلعت من عندي
    بعد شوي جاء زوجي وكان مقفل منها وقام يسولف وانا ارد عليه وعيني على الطبخ وقام يقول ايه على فكرة وش فيك قبل شوي كأنه تغير وجهك وعصبتي
    قلت له ابدا سلامتك قال لا والله ترا انا افهم بلغة الوجيه صدق وش فيك
    قلت وش رايك جالس معي وتكلم غيري
    قال دخلت علي وانا شابك وش تبيني اسوي قلت كل شيء يتأجل اذا جو العيال و تغديتوا ادخل وكلمها على راحتك بس انت تعرف اني انتظر هذا الوقت بفارغ الصبر علشان اقعد معاك ياخي لو هي اختك او صديقك دخل معك على الماسنجر ترى انا اولى
    ياخي كان ماشبكت الماسنجر او حطته بالخارج مثلا
    قام عصب وصارخ وكاني سابه في امه ولا اهله
    قلت له كلمني بصوت واطي لو سمحت
    لو انا بصيف وصار لي نفس الشيء بترد علي
    قال لا بصكه بوجهك قلت له شكرا قال اكيد برد قلت وهذا اللي انا ابيه سوي اللي تشوفه يريحك بس اعدل بينا وماعليك قاصر
    قام يسب ويلعن
    وطلع ويوم تغدينا ظلت في نفسه بعد الغدا جاء عندي في المطبخ وسمعني كم كلمه
    سفهته علشان الموضوع مايطول ويسمعون عياله
    المهم في اليل ارسلت له ايميل قام كلمني بالماسنجر وقال لاترسلين شيء لو سمحتي وتراني ماقريتها وحذفتها قلت له جزاك الله خير
    ويوم طلع ينام جيت اتكلم معاه يقولي وخري عني قلت له انا جيتك من حق الله ماتنام وانت زعلان قال وين حق الله يوم تقولين لي صك السماعة في وجهة الحرمة قلت له لا تحرف في كلامي
    قال يعني زي كذا قلت له الدنيا لليل ولاترفع صوتك لو سمحت ترا انا اسمع قال انتي شفتي نفسك ورفعتي خشتك علشان امس ذاكرتي للولد وضبطتي لي البحث حقي قلتي خلاص.
    قلت له الله يعلم بنوايا واذا المناقشة معاك كذا ننام احسن قال نامي قلت له انت تسمع صوت نفسك وبس
    قالي ايه مجنون ماأستاهل احد يكلمني قلت له الله يهديك بس وطفيت الانوار ونمنا وفي الليل كل شوي يتقلب ويطلع اصوات وهو نايم يوم قربت منه ما ادري عنه بس كأنه يعني كنت شايف كابوس
    قلت اعوذبالله من الشيطان الرجيم وكملت نومي وكمل نومه ومن الصباح الله لايوريكم قالب خشته ولا يكلمني
    ولا ادري اسفهه او اكلمه او وش اسوي
    والمعذرة على التطويل شكلي ابي افضفض
    الله يصبركم علي بس والله انا في ديار الغربة لا اخت ولا اخ ولا حبيب ولا صديق جلست اسبوع في الرياض
    وعلى طول جيت هنا زوج وعيال اصبرو علي والله حالتي حال وكل لليله ابكي وما اهدى الا اذا صليت لي ركعتين
    الله يعطيكم العافيه جميعا:(
  3. قصتك محزنة يا حلم بجعة ولكن اقولك السبب ولا تزعلي مني السبب هو عدم رضا الوالدة انا من شهر ماكنت اعرف معنى رضا الاهل بالزواج لانه كان متقدم لي انسان وظنيت انه الرجل الوحيد الذي سيسعدني رغم بكاء امي وحزن والدي ربي يحفظهم واخيرا خضعت لقرارهم ورفضته وتقدم لي انسان رائع من مدة اسبوع وانخطبت له ووالدي ووالدتي سعداء جدا وانا سعيدة جدا واتضح بعدها الذي كان يريد خطبتي واهلي رفضوه كان يريدني لطمعه باهلي وانه وصولي ومنافق وغشاش الله لا يوفقه الله ينتقم منه ساكتب قصتي لتكون درس للبنات وربي يفرج كربك ويزيل همك
  4. @rooog_ahmr

    أم شهودة
    تحليلك للموضوع رائع .. الله يعطيك العافيه لفت نظري اللي اقتبسته من كلامك وبناء عليه حابه أطرح سؤال اعرف فيه رأيك رأي الأخوات حلو إن الواحد يعرف أكثر من رأي .. رجل طلق زوجته من 3 أشهر طلقه واحده .. إتباع السنه .. بعدها بفتره بدأت تلاحقه ب…
    ياأختي هي الحين وافقت على أساس أن مافيه بحياته إلا هي بس بسبب الظغوط رجع الثانيه طيب هل الثانيه لها أولاد منه وهل هي إنسانه صاحبت مشاكل أم أنها نادمه على أخطائها لأني أحس أنها ذلت نفسها بأنها تدخل أقاربه ووالدينه عشان ترجع السؤال ليش ذلت نفسها هل لأنها تحبه ام أنها حست بغلطتها ويوجد بينهم اطفال طيب صديقتك هل تتحمل الجاره وهل تستطيع أن تعيش مع ضره لأن بعض الحريم الغيره زائده عندهن فهن يغارن حتى من أخوات الزوج ومحارمه وهل يستاهل أن تضحي من اجل هذا الزوج أم لأ والأهم وشلون والدينه يظغطون عليه أن يرجعها وهو خاطب ويبي يتزوج الصراحه مالها تفسيررإلا أنه يوجد أطفال بينهم أوانه يحبها ولا واحد يرجع وحده طلقها وهو مايحبها طيب هي تبي ترجع يوم أو يومين هذا عمر وهي راح تنجب وراح يحط لها يوم وهكذا سلسله طويله ليست الدعوى مجامله إلا لسبب قوي مثل وجود الاطفال أو عدم وجود الكره بينهم
  5. @am_shhod_1

    روووج أحمر
    ياأختي هي الحين وافقت على أساس أن مافيه بحياته إلا هي بس بسبب الظغوط رجع الثانيه طيب هل الثانيه لها أولاد منه وهل هي إنسانه صاحبت مشاكل أم أنها نادمه على أخطائها لأني أحس أنها ذلت نفسها بأنها تدخل أقاربه ووالدينه عشان ترجع السؤال ليش ذلت ن…
    شكرااا يا قمر على الرد ..
    أنا قصدت الله يعطيك العافية هل الثانية ( يعني الجديده ) تكمل حياتها معه ..!

    أختي هو رجع طليقته بعد ضغظ أمه وأبوه عليه .. مافي اطفال بينهم الحمد لله .. ومن ناحية الحب ما اعتقد يحبها لأنه قال لأهله ووضح لزوجته الثانية ( الجديده )إن النفس طايبه من هذه اللي رجعها ماشاء الله لا قوة إلا بالله دوم إن شاء الله .. يعني المسأله رجعها بسبب أمه وابوه .. لأنها بعد الطلاق بفتره بسيطه حاولت بالإتصلات والرسائل ودخلت وسائط من بعيد عشان ترجع .. لكنه رفض .. لكنها ضغظت عليه عن طريق أمه وابوه .. أختي لو كان يبغاها كان رجعها من حاله أو بعد تحايلها عليه بالرسائل .. ولا كان خطب غيرها ..
    هو طلقها بسبب المشاكل .. هي من النوع الغيور .. هي ذلت نفسها بهذه الطريقه عشان ترجع لأنها أكيد لأنها تحبه ..
    هو باتأكيد مو مقتنع فيها لانه رجعها بعد الواسطات
    أنا اقول ما راح يكون لها أي كرامه أو قيمه عنده إن شاء الله لأن أعز ما على الإنسان كرامته وإذا راحت الكرامه ما صار للإنسان أي قيمة او أحترام ..

    إيش رأيك ..

تابعي تجارب أخرى من هذا القسم.