فجاه حياتي تغيرت وصرت وحده ثانيه

والله انك نزلتي دمعتي..
الله يعوض عليك وياليت تكملي

قصتك ابكتني وان شاءالله يكون لك شفيع

اسأل الله العظيم رب العرش العظيم ان يعوضك غيره ويرزقك الذريه الصالحه وكل محرومه يارب

والله حسيت بنفس احساسج يوم حضنتي الولد..وما حسيت بصيحة..سبحان الله تكونين انتي الأم أقوى من غيرج..رغم انك شلتيه ببطنك وحسيتي فيه وشلتيه وهو ميت وبعد حسيتي فيه..أنا لما شلت ولدي وهو ميت كان عندي احساس بالقوة..حبيته وااايد ولو تعرفين اش كثر مشتاقتله الحين..حبيبي في الجنه مع ولدج الحين ينتظرونا..عسى ربي يجمعنا وياهم في دار النعيم..
الحمدلله شو أكثر من هاي نعمة..ولدج في الجنة..والأم دايما تريد الأحسن لعيالها.
والله أنا لما توفى الولد..عزاني واحد من الدوام..وقالي بعطيج شريط لعائظ القرني اسمه (عند فراق الأحبة)..وقالي:تصدقين بوم سمعته تمنيت انه ولدي يموت.من الأجر العظيم والخير الكبير في الدنيا والأكثر في الآخرة.,.الحمدلله حمدا كثيرا..الله يعوضنا خير قولو آمين.

سبحان الله والله ان دمعت عيني من قريت القصة جداً مؤثرة وماتوقعت انا ماكنت اعرف عنج انج حملتي وعقيتي الله يعوضج بغيره حبيبتي وادري ان هذا شيء مب هين بس والله بيكون شفيع لج إن شاء الله يوم القيامة افرحي واستانسي ولدج في الجنة إن شاء الله



بنات هذا درس للجميع للمتأخرات عن الحمل وغيرهم إن الله سبحانه وتعالى يقدر يعطي ويحرم بثانية فخليج قوية ودائمة الذكر لله سبحانه وتعالى سبحان الله سبحان الله دائماً احمدوا النعمة اللي انتو فيها