ليش مو راضية ارضى يالمكتوب ليش

السلام عليكم ورحمة الله وبركاته
قبل خمسة ايام كان موعد دورتي
تاخرت يوم
فرفر قليبي
تاخرت يومين فرحت وبديت اعيش الدور
تاخرت ثلاثة ايام وعشت الدور لحالي ، لاني اقنعت نفسي اني حامل
ماخبرت زوجي لاني اخاف عليه .
وحددت يوم الجمعه اذا ماجات خلاص بروح اشتري الجهاز لتحليل الحمل
واذا طلع حمل بهدي لزوجي هدية العمر المنتظرة
كنت كل اشوي اروح واجي الحمام
خايفة وفرحانه
ويوم الاربعاء الفجر نزلت خفيفة
قلت كثير يحملون وينزل عليهم دوم
اكيد هذا اعراض التعب
وجات وانا مو راضية اصدق الواقع
صدقت شعوري واحاسيسي
كنت احس اني مخنوقة
ابغى ابكي لكن مو قادرة
احمد الله ان زوجي كانت عنده محاضرات وطلع
لكني مو قادرة اصيح
لبست وطلعت رحت جامعتي الساعه 12 الظهر
وانا بالطريق منزلة راسي واسمع صوت اطفال تصرخ
حسيت اني اكهرهم
بالعاده اذا سمعت طفل على طول التفت له وبين فترة وفترة اطالع فية
هالمرة فعلا حسيت اني اكرهم
ابغى هالخنقة اللي فيني تطلع لكن مو راضية
عشت ساعات الدروس كيئبة
خلصت ولقيت زوجي جاي ياخذني
وطول الطريق يحاول يتكلم معي
وانا حتى نفسي مو متقبلتها الله يسامحني حتى ضحكة بوجهه ماضحكت وهو طول الطريق يضحك وينكت .
كنت اشوف السيارات في الطريق واقول لو اللحين ارمي نفسي وافتك
لكن استغفر الله
زوجي ظل يحاول يكلمني بعدين عرف ان العمة شرفت وسكت
لانه يعرفني في ايام الدورة حالتي تنقلب
حب يخليني على راحتي
الله يخليه لي ويحفظة ويغفر لي اني ماعطيته وجهه

جيت البيت وسويت له العشاء
وانا اطبخ الحمد الله كان وقت مغرب طلعت الخنقة اللي فيني وبكيت
والحمد الله زوجي كان يشتغل على الكمبيوتر

ودية اشوف اهلي
ودية اجلس مع خواتي
ما ابغى اطفال خلاص
ابغى ارضى باللي الله اكتبة لي
لي مو جاية ارضى بالمكتوب
ليش كل ماقلت خلاص ما ابغى ارجع احن لشيل طفل او سماع صوته
ادعولي ياوخياتي
ادعولي الله يوفقكم
نزلت هالموضوع بس ابغى ابغى افضفض وابغى دعوة منكم ومن امهاتنا الله يطول بعمرهن

36 تعليق 2,302 مشاهدة

شاركي في النقاش

سجلي الدخول لإضافة تعليق.

التعليقات

34
  1. حبيبتي الله كريم
    ان شاءالله يارب تحملين بأقرب فرصه
    الدعاااء ثم الدعاء ثم الدعاء
    نصيحة تقربي من ربج
    والله ماراح يخيب ظنج باذن الله
    مووووفقه
  2. @mshroaa_fylsof

    الله يعينك يااختي

    ويفرج همك ويكشف غمك ويرزقك الذرية الصالحة السليمة المعافاة عاجلا غير آجل

    ويجعلهم بارين بوالديهم ويجعلهم من حفظة كتابه الكريم

    ويدخلكم بصلاح ذريتكم جنات النعيم

    ويجعلكم ممن يلبسون تاج من نور يوم القيامة بحفظ ذريتكم كتاب الله


    طولي بالك يااختي فيه ناس قعدوا سنوات طويلة

    وبعدين ربي رزقهم من واسع فضلة واعطاهم من الذرية ماطاب به خاطرهم و أقر به ناظرهم .


    انت توك حتى عشر سنوات ماكملتِ ..

    لاتستعجلين و عليك بقيام الليل والبكاء وانت على سجادتك

    والاستغفار وماء زمزم بنية الذرية السليمة


    ولاتفطنين زوجك ولاتخلين قلبه يتعلق بالاطفال بكثرة انشغالك بهالامر

    اسأل الله ان يجعل مادعوته لك لااااااااااااا يحجب ولاااااااااااااا يرد
  3. حبيبتي لا تيأسي من رحمة الله ..
    وربما تأخير حملك لحكمه لا يعلمها الا الله ...
    وإمتحان لك ليرى مدى صبرك ورضاك بما قسمه الله عليك000
    وعليك بالدعاء والله يرزقك بالذريه الصالحه...........
  4. الغاليه لا تشغلى بالك , كلنا نعرف ان ما فى شئ يصير بها الدنيا الا باراده الخالق وحكمته
    فلا تضيعى وقتك بالتفكير ولا تشغلى قلبك بهذا الشئ وتطمنى رزقك عند رب العباد محفووظ والله يسعدك ويرزقك الذريه الصالحه !!
  5. nono172
    حبيبتي لا تيأسي من رحمة الله .. وربما تأخير حملك لحكمه لا يعلمها الا الله ... وإمتحان لك ليرى مدى صبرك ورضاك بما قسمه الله عليك000 وعليك بالدعاء والله يرزقك بالذريه الصالحه...........



    الله يرزقج بالذريه الصالحه


    حبيبتي كل مافكرتي بهالموضوع تذكري ان في ناس حالهم اسوأ من حالج وبيهون عليج حالج .. ورددي (الحمدلله على كل حال)


    ولا تنسين الدعاء في صلاة قيام الليل .. وحاولي تواظبين على قراءة سورة البقره يوميا .. في البدايه بتشوفينها صعـــــبه .. بس يوم ورا يوم راح تستسهلينها وتتعودين عليها ..

    قسميها بعد كل صلاه اقري 10 صفحات .. وبعد صلاة العشا راح تكونين مخلصه السوره كامله بإذن الله :)






تابعي تجارب أخرى من هذا القسم.