أخت زوجي تركب قدام وأنا وراء !!

بينها وبين زوجك 12
يعني بينك وبينها اكثر
احس يعني انك بعمر بنتها الكبيرة
كل هذا مقدمة عشان اقول تسامحي يا بنت الاجاويد ولا تكبرين الامور
يكفي انها تعذر لك بان اخوها هو اللي لزم يعني ما قعدت وبس

انتي زوجك لك طول الوقت وفي السيارة هي ماراح تاكله ولا راح تبخسك شي من حقوقك!
وش زوجي وانا احق فيه؟؟ هي بتاخذ منه شي؟
كل السالفة وسيلة تنقل وحتوصلوا مع بعض .
ايش رايك في اخت زوجي والله العظيم اني اطلع قبلها وتجي تركض تمسك باب السيارة وتدخل اي احد يمسك لها المقعد وتروح ...لحد ما تيجي على بالها باتسابق معاها عليه! وقسما بالله تركب ابن اخوها اللي عمره 4 سنوات عشان ما اركب جنب زوجي وبكل بجاحة كمان.وانا أكبر منها.

ياعيوني لاتسوين مشكله من لاشئ

هي اولى انها تركب قدام

وبعدين صراحة 12 سنه كبيرة مرة

يعني مايبي لها تفكير

ولو انها ركبت ورى تحلفين لها انها تركب قدام

ياختي لاتقولين لزوجك شئ

ترى المشاكل كثيرة اللي اكبر من هالشئ

عادي لو أخذنا الأمر ببساطة يكفي الواحد ينغص على نفسه الأمور البسيطة أحسن الواحد يمشيها
حصل لي موقف مرة سافرت معنا أخت زوجي وهي أكبر منه واولادها ورا وأنا وأولادي هم أول بعدين مروا علي بس بدأت أفكر بعدين تعوذت من إبليس وارتحت طول الطريق وكنت أصب لهم قهوة وحسيت الموضوع عادي بس حنا حساسيتنا زايدة لو نبطلها نرتاح وبالعكس لمن رجعت من عندي هديت ولدها وأرسلت لأم زوجي هدية وسلامتكم

حبيبتي الأولى انها تركب قدام مافيها شي