هذي طريقته معتمدتها من الاخت المسافره
المقادير
- علبة ورق عنب كامله
- 2 كوب رز صنوايت مغسول ومنقوع في ماي بارد لمدة ساعه ومصفى
- 5 حبات ماجي للحشوه + حبة ماجي وحده للطبخ
- ملعقه صغيره متروسه كمون ناعم
- فلفل اسود حسب الرغبه
- نص كوب زيت زيتون او اكثر بشويه لحمس الحشوه + ثلث كوب زيت زيتون للطبخ
- ماي كافي لتغطيه ورق العنب بمقدار 2 سنتم فوق المستوى
- شدة بقدونس مفروم
- شدة كبيره شبنت مفروم
- نص شدة كزبره خضره مفرومه
- عصير ليمون ( الكميه حسب الرغبه ) الافضل 3 ليمونات
- بطاط حلقات سميكه
الطريقه
- بالقدر نحط نص كوب زيت زيتون وبعدين البصل ونحمسه دقيقتين او اقل لين تطلع ريحته
- نضيف 5 حبات ماجي ونخفف النار ونحرك شويه
- كمون + فلفل اسود + ليمون
- نضيف الرز ونحركه بحذر لايتكسر لين يتغير لونه
- نضيف البقدونس + الشبنت + الكزبره ونحركه دقيقه ونطفي النار
- نحط الحشوه في مصفاة عشان ينزل زيت الزيتون الزايد
- نصف بطاط حلقات في قاع القدر ونلف ورق العنب
- نصب ثلث كوب زيت زيتون فوق روق العنب
- في قدر ثاني نحط زيت الزيتون المتصفي من الحشوه + حبة ماجي + ماي بس لاتكثرين ماي .. ونخليه يغلي ونضيفه فوق ورق العنب بعد مانحط عليه غطا اصغر ونصب الماي شوي شوي ونحط شي ثقيل فوق الغطا مثل هاون حديد
- نحطه على نار عاليه 10 دقايق بعدين نقصر عليه واذا خف الماي نشيل الثقل ونغطيه عدل ومانكشفه عشان مايتسود ومدة الطبخ من البداية تقريبا ساعه الى ساعه ونص وعقب احطه في الصحن واوزع البطاطس فوقه ...
بس ملاحظتي ذوقي الملح والليمون على حسب رغبتج وبالنسبه للماي شيكي عليه عشان مايقل واذا احتاج زيديه اشوي
وبالعافيه :26: :26:
تعالو شوفو تطبيقي لبوفيه كريكره الله يحفظها
متابعة النقاش، صفحة 21