مشكله صديقتي .. اتمنى المساعده

السلام عليكم
هذه اول موضوع اشارك فيه

المهم سابدء بمشكله لصديقه غاليه علي
واتمنى المساعده للضروره
واقدم قصتها بالتفصيل

وهي تقول
.. اهي فتاه ب19 سنه جميله وملتزمه وذو اخلاق عاليه . ومره جاء ولد عمها واخبرها بانه يحبها ويرد ان يتزوجها وقالها انها تفكر بالموضوع اوكي وهي طبعا قالتلها ليش ما تقول لاهلي قال لانك يمكن ما تبيني ويصير مشكله بين الاهل المهم اذا وافقتي انا اجي المهم هي صلت استخاره واحست بالراحه وقالت انها موافقه . وقال يصير اتقدم من الحين هي قالت لا لانك ما تشتغل(السالفه يوم كان عمرها 18) كانت توها مخلصه الثانويه العامه وهو اكبر منها بسنتين ولكن اتاخر بدراسته فكان الاثنين بالثانويه العامه ..فقالت ابوي وايد متشدد وبرفض لانك ما تشتغل اصبر لين تشتغل . المهم اتفقو انها ترفض اي شخص باي حجه عشانه بدون الاهل ما يعرفون السبب .. وصدق جالها يمكن اكثر عن 6 بسنه وحده . وكانت ترفضهم وبعدين ولد عمها اشتغل يعني من 5 شهور وهي قالت انها تمر باصعب الحالات لان الناس يظنون انها متكبره بسبب رفضها المستمر . ولكن ولد عمها يريد يتقدم بس خايف من اهلها انهم يرفضونه لانه توه يشتغل ولان البنت بالجامعه يعني باقيلها مشوار . وهي تستحي تقوله تقدم على الاقل حجز عشان المشاكل بسبب رفضها تخاف يعتقد انها مستعجله بالزواج فشو الحل ؟ كيف تصارحه ؟ وكيف هو يتصرف (( علما بان والد صديقتها من النوع العصبي والمتشدد )

فاتمنى المساعده للطرفين :44::44:

:44::44:
واسمحولي على الاطاله

14 تعليق 1,235 مشاهدة

شاركي في النقاش

سجلي الدخول لإضافة تعليق.

التعليقات

13
  1. @ord_thblanh

    السلام عليكم

    يابخته بهالبنت الوفيه المخلصه انشالله يقدرها ويعوضها

    شوفي اختي المشوار زي ماقلتي طويل بالنسبه لهم الاثنين

    الافضل لاتستعجل وتصبر وتدعي وتستخير واذا فيه خير لها بيكون من نصيبها

    لازم تكون مقتنعه ومؤمنه انها ماراح تاخذ الا اللي مكتوب لها

    الزواج قسمة ونصيب

    واذا تبي ترتاح مافيه الا انها تقول لاخته عن الخطاب وعن موقفها وتقوله بس ماتبين له انها هي اللي علمتها

    عشان لايفهم انها مستعجله زي ماقلتي يعني تقول انها سمعت ان جا خطاب لبنت عمها وتخاف تطير البنت على اخوها

    واذا ماله اخت او ماتقدر لاتسوي شي اكيد ان اخبارها بتوصل له اذا هو حريص على متابعة اخبارها

    اول باول

    وانشالله يتحقق اللي ببالها
    :26: :26:
  2. انا مانى شايفة مشكلة ....وينها؟؟؟؟؟؟ يامعودة يتقدم عادى وبعدين اهو ولد عمها يعنى ابوها ابيفرح ولد اخوة ....عادى انا مانى شايفة مشكلة.....يخطبها وبعد ماتخرج اتزوجها انا اعرف ناس وايد جذية عادي....وبعدين شدخل عصبيت ابوها بنص؟؟؟؟؟ انا اقول اتوكل على اللة وخطب واذا لة نصيب ابياخذها...واللة يكتب لها الخير:27: :27: :27:
  3. أنا مدري وشلون يجي لها ويكلمها و يطلب يدها منها شخصيا ويتفقوا انهم يسكرون على الموضوع لحد ما يشتغل ؟؟؟
    على اي اساس تم ذلك ؟؟

    وبصفته ايش يجي يكلمهم ويمكن يشوفها وهي بنت عمه وليست محرما له ؟؟

    اذا كانت هذه الطريقة اللي قلت - وحسب فهمي - هي اللي صار فهذا غلط بحد ذاته ولا يجوز .. ويتوبا عن ذلك ..

    وبعدين كيف يتفقون مع بعض على رفض اي عريس جديد دون اخبار الوالدين بذلك ؟؟ وهل ستعرف انه سيكون من نصيبها اصلا ؟؟

    عموما ..

    اللي راح راح


    ونبدأ من هالحين لتدارك الوضع قبل فوات الاوان ..

    عليها ان تكلم اخته ((( وليس هو ))) بوجوب تقدمه الى ابيها عاجلا وحجزها وخطبتها من والدها ..

    اذا وافقك والدها فالحمد لله يتفقوا على الموعد وكل شيء ..

    اما اذا لم يوافق فعليها ان تتدارك نفسها قبل فوات الاون .. ولا تتنظر ابن العم اطلاقا مرة اخرى وتنساه من بالها ..

    اما تقول مستحيه مدري ايش فليس هذا مجال و وقت الحياء اطلاقا ..

    اقول تكلم اخته وليس هو ..

    والله يكتب اللي فيه الخير

    والزواج قسمة ونصيب
  4. صاحبة الموضوع

    اخواني الغاليين

    اشكرك كل من رد على هالمشكله

    واسمحولي عالتاخير بس لاني طبعا اقول لصديقتي عن ردودكم

    وبالنسبه انها تكلم اخت الولد هي ما تقدر لان هالشي وعد بين الاثنين والصراحه ما تثق باي احد ..
    وبالنسبه لعصبيه والدها .. اكيد لا دخل .. لان من النوع اللي ما يعجبه شي بيقول الولد توه يشتغل ومب مجمع شي وكيف بيعيشها وما عنده ارض ومدري كيف لانه توه يشتغل واذا انهم يخطبون وبعدين يعرسون بعد صعبه لان هي باقيلها 4 سنوات يعني مب شوي والوالد ما يحب يكون اكثر عن سنه :44:وهي تخاف اذا جاء واحد احسن منه بكثير ان والدها يوافق وتتطلع المكشله لا وبعد هي سمعت من عمتها ان ولد عمها يبى يتقدم هالسنه وابوها يحب ولد عمها وايد لان مكون نفسه وطيب وعنده ارض يعني الفرق واضح ...




    اما بالنسبه لكلام اخوي وقفو شوي
    هو صح ان غلط يكلمها بس ما عنده احد يثق فيه وهم اصلا للأسف صح انهم متحجبين ومدري كيف بس عادي ولد خالتها او عمها يجي وسلم عليهم يعني عادي بس يسلمون ويطلعون يعني عادي يشوفها وتشوفه ... وهالمشكله

    بس مدري شو اقول الله يعينها والله انها تكسر خاطري
    كيف هي تضحي وهو بعد بس هي اكثر

    :29:

    وتسلمون مره ثانيه

  5. المشاركة الأصلية كتبت بواسطة الفــــاتـنـه



    اما بالنسبه لكلام اخوي وقفو شوي
    هو صح ان غلط يكلمها بس ما عنده احد يثق فيه وهم اصلا للأسف صح انهم متحجبين ومدري كيف بس عادي ولد خالتها او عمها يجي وسلم عليهم يعني عادي بس يسلمون ويطلعون يعني عادي يشوفها وتشوفه ... وهالمشكله



    الشكوى لله .. لا تعليق ..

    تتحمل ما يجيها ..

    ما بني على غلط فهو غلط ! ! !

تابعي تجارب أخرى من هذا القسم.