شاركي في النقاش

سجلي الدخول لإضافة تعليق.

التعليقات

20
  1. @kmyryh

    هلا بك اختي ,,

    الله يهون عليك ويسهل ولادتك وتفرحين بشوفة صغيرك ,,

    اختي الكريمه ,, ترى الرجال اذا تعلقوا بهوايه مثل المقناص , راح تزيد ولا راح تنقص لأنها ممتعه للغايه ,, وصدقيني مع الوقت راح تقدرين هوايته وتهتمين فيها وتجلسين معاه بالساعات تناقشون امور البر وكيف كان هدد الطيور ومين اللي صاد ومن اللي ضاع طيره ,, الخ الخ

    وماعليك الا انك تشاركينه فرحته بالطير وتفرحين لفرحه ,, وبكذا تكسبين زوجك وتكسبين حبه , لأنه اذا شاف منك نفور لهوايته ماراح يناقشها معاك ويغلق كل وسائل الحوار لأنك ماتحبين اللي يحب ,,

    يعني المهم انك تحطين في بالك انها هوايه مستمره ,, وكلها 5 شهور في السنه ,, وتعدي بسرعه والحلو فيها ان الفترات متقطعه :) يعني يروح يومين البر ويجلس اسبوع في الديره وبعدين يروح يوم ويجلس ستة ايام وهكذا ,,

    اما سالفة شهرين اكيد انه رايح بعيد :)

    بس بعد ماتجبين البيبي راح تقل الروحات الطويله علشان المسؤليه الجديده

    فيه كثير بنات زيك ومرتاحين ,, اهم شي راحة زوجك اذا حرصتي عليها راح يحرص على راحتك ووناستك ويخليك فوق راسه ,,

    الا ماقلتي لي كم صقر عنده ؟؟؟؟؟؟


    الله يوفقك
  2. والله ياعمرى مادرى شقول بس البر افضل بكثير من اللى زوجها مدمن السفر للخارج مثل اللى عندى بالعكس حاولى تكسبينه من خلال اهتمامك بهوايته لان هذولا النوعيه من الرجال مستحيل يركنون ببيوتهم وان ترك القنص والبر طاح بشئ اعظم فخليها على البر والشهاب افضل من انه يطاير للدير ويشرف هالحريم اشكال والوان خلى حيله بها الطيور وحاولى تتاقلمى مع الوضع وتدعيله ان الله يهبطه ويهديه :24:
  3. @dana_alghydaaa

    سلاااااااام...


    هههههههههه الله يقطع شرك واضح انه دمك ودم زوجك خفيف .......

    اختي توكلي على الله واولدي عند اهلك ترى افضلك حتى واذا كان المستشفى مونفسه اللي تراجعين فيه .....
    يمكن خيره لك والخيره في اللي يختاره الله ......ويمكن نفسيتك تعبانه مع الحمل ومكبره الموضوع ...

    عزيزتي ...... احمدي الله انه زوجك يشتغل ويروح البر بعض الفترات ....وحده من اقاربي تقول انه الجيران يحسبونها مطلقه او ارمله لان زوجها طول السنه في البر ولا يشتغل وتارك هم العيال عليها .....


    فقضاء اهون من قضاء حاولي تأقلمين وضعك مع زوجك وبعد ما تقومين بالسلامه ان شاء الله حاولي تصيرين انتي خويته حتى بالبر ....... ولا تضيقين صدرك علشان صحتك وصحة البيبي........
    وتوكلي على الله فهو نعم المولى ونعم النصير......

    والله يسهل علينا وعليك كل امر عسير.........:26:
  4. @lhn_alshrok

    صاحبة الموضوع
    اختي العزيزه حروف الهجاء
    والله انك صادقه وكلامك صحيح
    لكن انا والله اكسر الخاطر
    تخبرين الوحده لاقربت ولادته تضايق وتشيل هموم الدنيا
    وشلون بعد لو زوجها ماهو عنده اكيد
    بتطق
    :06: :06: :06:
    ----------------------------------
    اختي متغليه
    مشكوره على الرد والراي الزين
    ولاحشا مانعطيك بوكس بس طراقين على الماشي امزح معك
    انا اشاركه هواياته واعلف معه الطيور
    ولاهد الطير اتحمس واشجع كل هذا اسويه والله بس سالفه الكشتات
    ماتجوز لي غصب عاد وش اسوي
    لاني عشت ببيت اغلبه بنات وابوي الله يرحمه
    مايحب البر والا الكشته ولا الصيد ولاعمري شفت هالطيور
    الا ببيتي
    _______________________
    ام ريان

    مشكوره الف شكر على الرد
    والله يرزقني ويرزقك ويرزق جميع المسلمين الذريه الصالحه
    ___________________
    حب الرمان

    تصدقين فكره حلوه <<<<<<< دخلت مزاجي
    بس اخواني نشرات الاخبار يبون يعلمونه
    وش رايك اروح اولد مغتره؟؟؟

    __________________
    lawsi

    مشكوره الف شكر على الرد
    وياليت تتذكرين لي اسم الشريط
    والدعاء كتبته عندي مع الاذكار الله يجزاك عني وعن كل
    زوجه تقراه خير الجزاء
    والله يكثر من امثالك ويخليك لبيتك ولزوجك

    ___________________
    راجيه عفو ربي

    مشكوره الف شكر على الرد
    والله حامدتن ربي وشاكرته
    بس ابن ادم طماع
    والحلو مايكملش
    تخبرين الحريم يبن كل شي على الكيف
    _______________________
    الفيافي

    مشكوره الف شكر على الرد
    والله يسخرلنا ولك ويجمع قلوبنا وقلوبهم على الطاعه
    __________________
    غزال الحبارى

    مشكوره الف شكر على الرد
    انا عرفت من كلامك ان لك اهتمامات بالقنص والبر
    والقعده الخلاوي
    يمكن اهلك لهم اهتمام بهالامور واخذتيه منهم
    لكن انا ماعمري كشت ولا شفت طير بحياتي
    الا على يد زوجي الله يخليه لعين ترجيه
    لكني الحين اعلف الطيور واسقيهن مي وسكر لامرضن
    وانتبه لايكفخ الطير ويكسر ريشه
    يعني شاركت زوجي بهالاهتمامات وهن مايجوزن لي
    بس انا مشكلتي الكشته هو اول يروح ويجي لكن قبل اسبوعين
    راح بدون فاصل اعلاني
    عند زوجي الله يسلمك
    ثلاث طيور احرار
    فرخ بكر وثنو وشيهانه
    اللي يقنص به البكر
    ويدرب الشيهانه والثنو على الحبارى والارانب

    انتي عندك طير ؟؟؟ والا مهتمه بهن

    _______________________
    ام ليان

    مشكوره الف شكر على الرد
    وابشرك ماهنا هبوط زوجي العزيز من عمر سبع سنين يصيد ويعرف
    بالرمايه والبر يعني مثل الما والهوا ماله عنهن غناه

    -------------------------------------
    اختي دانا الغيداء
    مشكوره الف شكر على الرد
    وتسلمين ذا من طيب نفسك

    تصدقين الحين تواست عندي اولد عند اهلي او بالصين كله واحد
    المهم السلامه والفكه من هالثقل

    ومشكوووووره الله يجزاك خير

تابعي تجارب أخرى من هذا القسم.