الزواج عن طريق مواقع الزواج

خرافة اسمها الزواج عن طريق النت.. في مجتمعاتنا الخليجية هذا الشيء يسيء الى الفتاة ولا يرفعها ابدا في نظر الطرف الاخر (الشخص),, احفظي نفسك من دخول مثل هذه الاماكن لان للأسف 98% تقريبا من مرتاديها من الشباب لعوبين ويهدفون الى التسلية وتضييع الوقت.. وستتضطرين الى مخاطبة الكثيرين منهم حتى تصلي الى شخص مناسب.. هذا اذا وصلتي وكنتي محظوظة.. للاسف تجربة مريرة تنقص من قدرك كثيرا.. ادعوا الله لك بالسلامة والستر..

عقلك محليك ,, الله يكملك بعقلك ..

كلامك رائع وموزوووون وأوافقك الرأي ,,

فيه فرق بين الزواج عن طريق النت وعن طريق مواقع الزواج
عن طريق النت <--- يعني اثنين تعرفوا على بعض و و و ... الخ
عن طريق مواقع الزواج <--- واضحة والسبب واضح

بالنسبة لمواقع الزواج فيه حالتين شفتهم تم ارتباطهم من خلال هالمواقع
الحالة (1) .... اثنين لهم 5 سنوات متزوجين وماشاء الله حياتهم جداً مستقرة بس الاثنين اجانب ((مو خليجيين ))

الحالة (2) .... ارتبطوا من خلال هالموقع وصارت الملكة لمدة دامت سنتين والظاهر ان الاخ رجع شاور نفسه من بعد ما ملأ عيونه من بنت الناس وبعدها قالهم سامحوني انا منسحب (( خليجيين ))

اللي ابي اوصل له
ليه الحالة الاولى نجحت والثانية فشلت؟؟ هل بسبب عدم مصداقية شبابنا؟؟

الله يستر علينا وعلى بنات الناس ويهدي هالشباب

ما اعترف فية ابداً واحس انه ماراح يدوم خلينا على عاداتنا وتقاليدنا احسن واضمن

رد كافي ووافي