يهلا ومرحبا تفضلوا اقلطو حياكم الله
كان يوم السبت عندى الدوريه حقت الجيران مهيب دوريه المرور لاتخافون
وجهزت السفره قبل يجون وجلست احتريهم وقلت اصورها واوريها بنات حواء علشان يقولون رايهم
فى سفرتى المتواضعه
هذى صور الحلى بس المعجنات ماصورتهن علشان كانو فيه واستحيت يقولون وش ها المهبوله هذى ........
قولوا رائكم بصراحه اترككم مع الصور....ز
هذى صورة السفره طبعا على الارض على حسب طلبهم
هذى ترامس القهوه وحده بالهيل والزعفران والثانيه هيل ومسمار
وهذا الحلى الاصفر من عمل بنتى الله يحفظها
هذا حلى الشمواه كلكم تعرفونه
وهذا حلى عين الجمل مادرى ليه صارت الصوره صغيره
وهذا حلى 12تمره قديم بس حلو احبه الله يعين على السمنه
وهذى السفره عن قرب علشانى صغرت الصوره صارت مهيب واضحه
وهذا عين الجمل مره ثانيه ان شاء الله يكون واضح
والباقى التمر والشكولاته والمكسرات ماصورتهم كلكم تعرفونها
عاد قولوا رائكم بصراحه بدون مجامله
وهذى :26: لكم جميعا محبتكم ام فهد