السلام عليكم ورحمة الله وبركاته
حلوة بدون ماكياج : سلامتك الف سلامة
سارة الصور حلوة تسلمي
رتوش : ايش رأيك في دواليب ايكيا تستحمل ولا لا افكر اخذ دواليبي والعيال من عندهم اشوفها عملية بس خايفة تتكسر وتخرب
سكر حبيبتي لا تزعلي وربنا يعوضكم كيف انحاش يعني ؟ تأخير ولا هروب
التأخير والله كلهم كذا وسبق قلت الكلام اي احد يقول اسبوعين اتوقعوه شهرين نحن متعاقدين في الشبابيك مع شركة ومحترمة وموجودة في السوق من 23 سنة ويأخذون مقاولات مشاريع حكومية وشوفي المماطلة كيف ؟ كل يوم بكرة وبكرة ومن اسبوعين وهم ركبوا بس اطارات بعض الشبابيك وراحو وقالوا ما نكمل لين تدفعون باقي المبلغ كله واضطرينا ندفعها بس يركبون والحين بكرة وبكرة
وانتو لا تخافوا ان شاء الله يرجع بس يمكن يماطل
وفاء ياروحي انتي واعراسك مروقة ماشاء الله عليكي ان شاء الله تطلعي نور الفرح كله الا بناتك ما يدرسون كيف اجازة عندك من الحين ؟ تعالي انا اقول بيننا عامل مشترك اتاريها سميه عاصي وبخش انا زبونتها من 8 سنين :) بس عند جد ماركبت عندها اللولب لا رحت عند واحدة قالوا خبرة اكثر ومن 30 سنة طلعت خرطي :(
ضحكتيني اني اصير مقاولة ايش رايك امسك بيتكم ؟ شوفي بعد ما اخلص بناء تعالي اسأليني حاجة اتحداكم لو افتكر انا نساية درجة أولى
قمرا : حبيبتي لا شلت ولا حطيت كلها بعد ما حطيته 4 شهور وحسيت نفسي ماني طبيعية رحت كشفت قالوا حامل وفي الشهر الثالث كمان واللولب ماهو في الرحم بس يمكن عشان البيبي كبير الحين ماهو مبين واضح بعد الولادة نشوف الحكاية ومعاناة دائمة طول الحمل الله يكرمك مع التهابات المثانة ومضادات حيوية وصلت لخمسمائة جرام بس لو احد من اطباءنا الكرام يفهم بصراحة اللي عندنا نحن احسهم بقر مش دكاترة للأسف اليوم سامعة حكاية اكدت لي هذا الشيء واحد اخو صاحب زوجي صابته جرثومة في العمود الفقري واللي عندنا الأطباء ماهم فاهمين حاجة وصار زي المشلول ولا يتحرك راح المانيا عرفوا علته وسوه له عملية وركبوا له فقرة بلاستيكية وقالوا الحمد لله لحقتوه قبل ما تروح الجرثومة للنخاع كان انشل خلاص والحين الحمد لله بدأ يتحرك ويقوم ويروح للحمام ويتوضأ ويصلي
معليش طولت معاكم في حكاية الدكاترة بس اللي شفته من البهدلة ربنا مايوري عدو بسبب ها اللولب وعدم فهم الدكاترة الله لايعيدها من ايام
القمورة الأمورة : سلامتك الف سلامة انت والعيال وابو العيال ومبروك انكم لقيتوا مكتب هندسي حلو
طموحة بوظبي : حلوة التقويسة وممكن تنعمل بدرجة اقل للفل الصغيرة وتطلع حلوة
ملكة الليل : مرحبا بك في ديارك والف مبارك العودة مشكورة عيوني على السؤال والنداء بس كنت مشغولة شويه مع ها الأفراح وطلباتها
وبالنسبة للمروش والبانيو تراه اذا عندك مساحة حطي بانيو والبانيو سعره ماهو غالي كثير خاصة لو بتأخذي اكريليك صناعة وطنية زي حزفية أو البدر كلها بالكثير 700 أو 800 ريال
والمراوش لو حابتها سويها بناء زي ما قالت رتوش وخلي تلبيس السيراميك حقها بلون مختلف أو بقطع صغيرة زي الموزايك بس اكبر شوي تطلع روعة بس اشوف الحركات الحلوة خليها لحمامك او للعيال والضيوف بانيو يكفيهم :) لأنكم في المدينة اكيد ضيوفكم كثير وكل شوي يطلون عليكم يابختكم بمجاورة الرسول صلى الله عليه وسلم
ديوانية الاخوات اللي يعمرون بيت العمر
متابعة النقاش، صفحة 953