زوجي أصغر مني

@am_aabyd778

:42: زوجي أصغر مني بسبع سنين وأنا أحبه وهو بعد يحبني بس المشكله في صديقتي كل مره أتقول مابترتاحين معاه وكل مره تلعب بعص بعصابي الرسول صلى الله عليه وسلم مافرق بل العمر وأنتو قولولي أنا غلطانه ولا لا وأنا عندي ولد منه أنا وايد مرتاحه بس التفكير ذابحني يوم اذكر كلام ربيعتي

24 تعليق 5,350 مشاهدة

0 0

شاركي في النقاش

سجلي الدخول لإضافة تعليق.

التعليقات

20

  1. @mshroaa_fylsof

    ياثقل دم الحريم والرجال اللي مهنتهم بالدنيا زعزعة الراحة والهدوء في قلوب الازواج

    ياختي ماعليك منها خليها تتكلم لين تشبع :angry2:

    انت اذا بدأت تقول هالكلام قاطعيها وقولي اعوذ بالله وش هالفال !!!

    او قولي لا ان شاء الله الله لايقدر علي ولاعلى زوجي ببأس .

    اذا ماسكتت اتركيها تتكلم مع نفسها وانت اشغلي نفسك بشئ ثاني

    وترى المفروض تكون ثقتك بنفسك وبزوجك كبيرة

    وماعليك منها ولاتتكلمين عن استقرارك قدام احد ابدا خليك غاااامضة مايدرون الناس وش انت عليه

    اذا مانفع معها كل اللي سبق فأنا اشوف انك تتجنبين مقابلتها بصراحة

    الشخص اللي شوفته ماوراها الا النكد والوساويس فالبعد عنه غنيمة .

    خليك حازمة اثناء تنفيذ اللي قلت لك .. لاتسمحين لأحد يتعبث بحياتك ونفسيتك وراحتك ابدااااااااااا

    الله يوفقكم ولايغير عليكم بسوء :26:

  2. @dloaa_hmny

    صح لسانج فيلسوفتنا!
    حبوبة اذا انت مرتاحة مع زوجج و هو مرتاح معاج و تحبون بعض و عندكم ولد ليش تسمعين كلام الناس؟ تراها من الحرة تقول شذي! والله تلقينها حاسدتج على الحب اللي انتو فيه... يا اختي الله لا يغير عليكم و يبعد عنكم عيون الحساد.....

  3. @lhth_ofa

    قوليلها : جيبي من الآخر يعني اش تبيني اسوي تبينا نفترق ( بعيد الشر عنكم ) عشان ترتاحين ؟؟
    يعني انتوا متزوجين وبينكم ولد اش هالكلام اللي مال امه داعي
    خليها عنج وصج كلام خواتي تراها محتره منج
    بس نصيحه اذا العلاقه بينكم حلوه ( ماشاءالله ) لاتقولين لها كل شي ريلج يسويه لج ترى العين حق ..
    ولازم تسكتينها وتوقفينها عند حدها ولاعاد تجيبين سيرة ريلج وعلاقتكم جدامها

  4. @rosee

    يا اختي ما عليج من كلام ربيعتج

    اكيد محتره منج خخخخخ

    لا صدق

    انا بخبرج عن خبرتي بالحياه

    ان التوفيق بين الزوجين هو من رب العالمين سبحانه

    اعرف واحد اخذ وحده اصغر عنه 10 سنين
    بعد عشره عمر بعد 15 سنه
    يقول بتزوج عليها ابي وحده ثانيه


    التوفيق من الله مافي سبب في الكون يخليج سعيده او تعيسه

    انا افضل اخذ اصغر عني ما ابي واحد اكبر
    احس الكبار نكديين ملولين مب فاضيين كله يبون يقعدون بالبيت ما يحط يطلع مرته ولا ويحب يروح معاها مكان

    انتي لمن تاخذين اصغر عنج بتحسين بشبابج اكثر

    اعرف وحده والله العظيم هي كبري عمرها 30 تزوجت واحد 45 والله انه مكبرنها بشكل
    شكلها صار جنه عمرها 50 سنه والله وانا بعمرها يقولون لي انتي شكلج ما نعطيج اكثر من 22 سنه
    والله العظيم ان التوفيق من الله

    والله يهنيج ياااااااااارب ويرزقني بعد الزوج الصالح قولي اميييييييييين

تابعي تجارب أخرى من هذا القسم.