شاركي في النقاش

سجلي الدخول لإضافة تعليق.

التعليقات

25
  1. @um_faisel

    الموضه دحين رجال والسلام حتى لو قرد وتزيد حلاته لا شافوا معاه زوجته تعالي شوفي الحركات والكلام شوي وياخذونه من يده الله ياخذهم رفعتي ضغطي بالموضوع الله يسامحك
    بس ولا تشيلين همهم اكيد انت احلى منهم ولا راح يشوف غيرك وسلمتي
  2. @danh_20002

    8
    8
    8
    لا يا حبيبتي ذولا خرابات بيوت لاشافوا معاه زوجته استلجن وقالن خنا نخرب عليهم طلللعتهم مساكين الله يزوجهم

    المفرووووووض تعطونهم اشكل لاقاموا يتكلموووون وبد ا عامل الغيره عندهم يشتغل ...
    اضحكي بصوت عالي وقومي بوسي زوجك قدامهم خلهن يولعن:42: لاانهم مايقدرون يوصلون له ولا حتى بلمسه :icon28:
  3. @tkhomh

    والله انا زوجي وسيم جدا جدا

    وغير كذا عارف نفسه انه زين هو وخشته

    واهله رافعينه للسماء اي واحد زين يشبه فلااان

    وانا كنت خبله اذا شفت واحد زين قلت هذا يشبه لك

    <<<صريحه وغاابه<<يعني غبيه مو غابه الي فيها طرازان

    وكنت والله والله اذا سافرنا برا وجلسنا بقهوه ان البنات يتبادلون الاماكن عشان يشوفونه

    وغير كذا اختكم في الله الخبله تكشخ فيه وتزين واشتري له اللبس احسن الماركات اذا جا الصيف

    وبعد عشره عمر ابشركم جتني صححوه ماهي طبيعيه

    في البداايه طاوله الصاله ماتخلى من الشوكلاتات والحلويات فصار يبلع وسمن وسمنت معاه بس الشكوى لله عشان يتغير شوي

    بعدين لين جا الصيف هبال اول عقلت عنه كل ماقال روحي تقضي لي لبس السفر قلت الدواليب مليانه وشريت له كم قطعه من الي يحبها قلب ابو هندي كم قميص كاروهات نص كم خخخخ لين لبسها احس انه مقاول
    وكم قميص مشجر والوان فواتح عااديه وتيشرتات كانها حقت فلبينو
    وترى اللبس والتكشخ يجذب البنات اكثر شي خخخخخخخخخ فقلبت سحنته بالخلاقين
    ونشبت بحلقه يربي سكسوكه قلت تهبل علليك مخليتك رزه وبيني وبينكم مخليته كانه ابوي خخخخخخ

    وشلون جتني الصحووه والذكااء؟؟<<<<سؤال يسدح نفسه
    مره كان بيسافر لندن شغل وزوجي من النوع الي لازم انا اطقم له حتى واحنا مسافرين مستحيل يعتمد على نفسه
    حتى بالرياض اقمشه الثياب والجزم والشباشب والشمغ كل شي انا اشتريه له لانه مو فاااضي ابدا مسكين

    المهم كان بيسافر لندن واطلع له بنطلون جينز ارماني قصه وحده يزين الجسم ويطول وهاينك اسود

    كان شتاء مو في الصيف
    وحزام قوتشي والجزمه قوتشي وجاكيت شامواه اسود
    المهم تلبس وتكشخ وكان توه محلق وصارت خدوده حمر من التحليق وصارشكله يجنن
    واختي مارتني بتاخذ اغراض من عندي وشافته قالت يالمهبوووله :(
    يالخبله تحسبينه ولدك مكشخته وبيسافر لحاله بعد

    ميييييييييييييييير ينبت في راسي برجين المملكه والفيصليه

    وكان قاعد يتقهوى قبل مايطلع المطار

    قلت يافلااان تراك من النوع الي مايتحمل الحر وهالهاينك بيخنقك في الطياره قال اي والله صادقه واطلع له ذاك القميص الي مادري وين جانا منه للحين يمكن حق سواقنا داخل عندنا بالغلط خخخخخخخخخخخ او من قمصانه ايام العزوبيه
    ويلبس ذاك القميص كاروهات بني واسود وبيج يجيب الكاابه
    قلت ترى البنطلون ماينااسب خخخخخخ وبعدين كانه نساائي قصته وحده قال مو انتي تقولين هاذي الموضه انا قايلك مايناسب واطلع له بنطلون رسمي بيج صار مع القميص كانه شايب
    صدق الله يجزاه خير قلت افصخ الحزام مايصلح واعطيه ذاك الحزام ابو عميله خخخخخخخ
    بس الجزمه مافصخها كانها على قلبي بس اكيد بيحسبونها تقليد اذا شافو خلاقينه
    المهم الحبيب تغيرت سحنته حتى خدوده الحمر رجعت تصفر وصار كانه مقاول كاشخ

    قلت رح استودعتك الله الذي لاتضيع وداائعه

    ومن عقبهاا ماعاد اشتري له الا لبس عاادي وافضل نص الكم الكاروهات
    مع انه شك فيني قال خابرك تقولين مايلبس قمصان نص كم الا الهنوود
    قلت لا تغيرو الناس صارت موضه خخخخخخخخ
  4. @ghsn_15

    ياحليلك ياطخومه
    اشوى انك عقلتي ماتسوى عليك والله

    انا زوجي عادي
    بس فعلا فيه بنات يحبون اذا شافو زوجين صغار يحسبونهم عرايس تعالي شوفي انواع التتنيح عندنا
    انا الحين وانا متزوجه اذا طلعت لحالي وشفت زوجين بالمحل ابعد عنهم واستحي ويصير وجهي الوان
    مدري كيف هذولي قويات عين

تابعي تجارب أخرى من هذا القسم.