بيت المنطلقات لتبادل الخبرات!

أخواتي الحبيبات عذررررررررا للانقطاع ولكن السبب الانشغال :icon33:

حيا الله منطلقاتنا الجديدات :26: والبيت بيتكن والهموم مشتركة بين الجميع نسأل الله

الفرج من عنده فقد وعدنا سبحانه باليسر بعد العسر ... ولن يغلب العسر يسرين ...

فأبشرن بالخير :)

بنات دعواتكم لي حدث مفاجئ وسريع:42:

واحد من اللي متقدمين لي اعطيتهم الضوء الاخضر وبكرة أهله جايين يعاينون البضاعة

اللي هي أنا :icon33: والله أحس أني خايفة :( ومرتبكة وما أدري وش نوعية اللبس

وأحط مكياج والا أبقى على طبيعتي ؟؟؟؟ تصوروا أمه وهي تطالعني من فوق الى تحت ..

والا خواته وهم عيونهم علي في كل حركة :icon33:

ما أدري وش أقول لكم بس مالي غيركم بعد الله أفضفض له ...

روعة القصيد

الله يحفظها لك وينبتها نباتاً حسناً ويصلح لها أبوها ويسخره لها ويجعل خيره بين إيديها.. ويردها لك رداً حسناً




جبرني الوقت


الله يهديك.. الولد هذا نعمة من رب العالمين أحمديه عليها...




أنعم الفراشات

أهلين من زمان عنك!!




ورده منتعشة

من طول الغيبات!



نقول مبروك؟!

:26:



عبرات نادمة

الله يستخير لك الخيرة المباركة!


ومضة, مستحيل, بلسم, شمسة, لين, اسلوب, أمرأة

:26:

السلام عليكم ورحمة الله وبركاته

كيف الحال خواتي ، أتمنى في هذه الجمعة المباركة أن يمن علينا الله بالعفو والعافية ويصلح جميع أحوالنا ويبعد عنا الهموم والغموم ويرزقنا طمأنينة وراحة القلب.

أشكر كل وحدة عقبت على ردي في جوابي على الأخت ممتازة :

ومضة أناناسة:

نصائح مفيدة اللي كتبتها ولكن وللأسف هالحقائق ما انتبهت لها إلا متأخر في وقت خلاص ما صرت أحتاجها فيه ، سبحان الله كأن غمامة كانت مغطية علي أيام الزواج تخليني أتصرف تصرفات غير طبيعية رغم إني معروفة برجاحة عقلي عند الكل لكن قدر الله وماشاء الله فعل ، سبحان الله يمكن الله له حكمة في اللي صار لي ولين الحين ما تبينت لي الخيرة فيه.

جبرني الوقت:

أختي رغم كل الظروف اللي تمرين فيها واللي ممكن تمرين فيها لا تشيلين من بالك أنك قبل أي شي إنتي أم ولا يمكن أحد يحن أويعطف على ولدك مثلك ، كلنا تجينا مثل هالأفكار في بعض الأحيان ، أنا مثلاً أقول أنا انقهر على نفسي لإنه طليقي حكم علي بالطلاق وعارف إني بسعى أني اربي ولدي أحسن تربية وأني مستحيل أفرط فيه لأي سبب من الأسباب وهو قاعد يبني حياته من جديد وبيكون أسرة وأولاد وبيعيش حياة حرمني منها ، لكن أرجع وأقول إنه هالولد حملت فيه وأنا أحس أني أسعد مخلوقة في هالدنيا ومن ولدت فيها وأنا قاعدة أخطط لتربيته ومستقبله وحياته لإنه ولدي وحبيبي وسندي بعد الله في هالدنيا بغض النظر إذا كنت أربيه بوجود والده ولا بروحي ، سبحان الله الأمومة غريزة ما تتأثر بأي ظرف من ظروف الحياة ، لو لا قدر الله كان زوجك متوفي كنت بتتعبين من تربيته ؟؟ بتتخلين عنه؟؟ لا بس احنا احساسنا من القهر نتيجة اللي سووه فينا أزواجنا يخلينا نحس بهالشعور.

تعوذي أختي من ابليس لإنه صدقيني بتتندمين على الأيام اللي ضيعتيها في القهر والعصبية في وقت إنتي قادرة إنك تستمتعين فيه بتربية ولدك ، تصدقين رغم إنه مرارة الطلاق بعدها مثل العلقم بالنسبة لي وبعدني ما تخطيت آثاره لكني بصراحة أشوف إنه الطلاق عطاني فرصة أتفرغ لولدي ولتربيته بطريقة أفضل مما لو كنت بعدني مع ابوه ، يمكن لإن فشلي في الزواج عطاني اصرار إني على الأقل ما أفشل في تربية ابني وهذا خلاني اهتم فيه اهتمام أكبر من اللي اشوفهم حولي متزوجات فأقول سبحان الله رب ضارة نافعة.

خواتي خلونا ننشغل في أنفسنا وكيفية تطويرها نحاول ننجح في مجالات ثانية بما أننا ما توفقنا في تجربة الزواج منها نشغل نفسنا عن التفكير ومنها نكون أعضاء فاعلين نقدر نعتمد على أنفسنا دون الحاجة لأي أحد.

أسلوب

ياليت تكتبين لنا عن حياتك بعد الطلاق وكيف قدرتي تتغلبين على الأحاسيس والمشاعر اللي يخلفها وكيف وضعك الحين مقارنة بأول سنوات الطلاق ، يارب يكون فيها ما يعطينا الأمل على تخطي هالسنوات على خير

باقي الأخوات

الله يفرج همومكم ويبدل أحزانكم فرح في أقرب وقت بإذن الله