شاركي في النقاش

سجلي الدخول لإضافة تعليق.

التعليقات

67
  1. @wt_ever

    ارتفع ضغطي منه .. و انتي قلتيها هذا تفكيره معقد .. الله يعينك عليه من الحين العاده الحريم الي يقعدن يوسوسن و يفكرن بتعمق بهالاشيا مو الرجاجيل ..
    و ما ابي اخوفك بس نظريتك يمكن صحيحه يمكن هو يجس نبضك بالسالفه لانها عنه هو مو خويه .. او يمكن هو بريئ بس خوفته السالفه و بدى يشك في نفسه..
    عندي إحساس إن شخصيته تميل للأنانيه و النرجسيه ( كلام كبير يا بنت خخخخ ) .. بس إنه معدنه طيب و فعلا يحبك بس مو قادر يفهم نفسه و اسلاكه ضاربه ..
    انا ما اعرفه و يمكن حكمي غلط .. بس أحس هالنوع يحتاج يلفت إنتباهك و حنانك و إنك تكبرين راسه .. بس بدون ما تزودينها عشان ما يشبع منك و يملك .. يعني متى ما ملى يده يبدى يفكر مثل هالافكار و متى ما جفيتيه ممكن يطير من يدك ..
    فانتي داريه و كلميه و دلعيه بس بدون مبالغه عشان ما يطفش .. هالنوعيه تحتاجين تخلينه دائما معلق شوي ..
    بعدين انتي تقولين اكبر منه 25 يعني هو اصغر .. ترا الرجال يطق الثلاثين و بعده عقله صغير .. يمكن هو باقي فيه حبة مراهقه و بكره يعقل

    ارجعي امسكيه و خليه يتكلم ثانيه .. و قوليله لا تقول احبك و ما احبك إنت تحبني بس تركت روحك للوسوسه و التفكير لاسباب .. راجع روحك شوف وش الي خلاك تفكر كذا مواقف معينه ولا شي صاير ؟؟ يعني اسحبيه عشان يقول اذا السبب صديقه و ذيك و لا هو نفسه ..
    و خلك واثقه من نفسك هالنوعيه لازم تصيرين ام لها قبل ما تكونين زوجه .. قوليله كل كلامك يدل على انك تحبني و الحب مو مثل ما نشوفه في الافلام الحب صدق عشره وود و مثل ما قلت إنك تشتاق و تصير تبي تعيش مع هالشخص ما تبي تتركه ..
    ثم دخلي سالفة صديقه عشان تضربين عصفورين بحجر .. قوليله مثل صديقك اهو يحب مرته اكيد بس بسبب فتنه لا اكثر شك .. و ممكن يحس إنه يحب هالثانيه و يكتب فيها قصص و شعر بس لا جى وقت الجد اذا صارت له فرصه معاها بينبسط يوم يومين ثم يندم حيل لان الحب الحقيقي الي كان يحس فيه لمرته ما لقاه مع هذي كل الي لقاه نزوه و اعجاب .. يمكن حسهم بس لانها قالت له انها معجبه فيه.. و هذا مو حب و انا ما ابيك تحبني مثل كذا انا ابيك تحبني مثل ما تحبني الحين ..

    و بعدين يا بنتي ترا والله الخطوبه لا طولت مو زين ابدددددد .. تسبب ركود في العلاقه و تسرق احلى ما فيها .. يعني اول ما تتزوجون ما بتحسون بنفس لذة العرس الي يجي بعد سنة خطوبه.. عواطفكم بتبرد و بتاخذون على بعض لين اول ما تتزوجون بتكونون و كانكم متزوجين لكم سنين ..
  2. @um_yousof

    هلا أختي الصراحة حكاية إنه جا و قالك على الموضوع هذ يبين انه يحبك و هذا في ذاته نوع من الفضفضة و حكاية إنه ما قدر يقولك لما كان متضايق عادي اصلا أغلب الرجال يعتبرو الفضفضة نوع من الضعف حتى المتزوجين من سنين غالبا يحبو يخفو مشاكلهم بعكسنا احنا البنات و بس بعدين إذا اتزوجتو بإذن الله راح تحسي متى يكون متضايق و تقدري باسلوبك تخليه يفتحلك قلبه و يفضفضلك و (مع كذا لاحظي إنه في رجال كتومين جدا و مهما بلغت درجة حبه لك ماراح يقولك على مشاكله)
    أما بالنسبة لحكاية البنت أتوقع إنه صحيح هو خطيبك اللي معجب بيها فالله يعينك بس ترا لا تخافي كثير لأنه مجرد إعجاب وقتي و راح يزول و عادي ممكن يحصل حتى للإنسان اللي يحب خاصة لو كان لكم فترة طويلة و بعدين كويس إنه جاء و قالك على الحكاية حتى لو ما أعترف إنه هو هذا دليل على إنه ما يقدر يخبي عنك شيء و إنه حاسس يتأنيب الضمير و أخيرا أحسن شيء إنكم تعجلو بالزواج والله يوفقكم و بعدين ممكن كمان تقرأي كتب تساعدك ترا الرجال من المريخ و النساء من الزهرة في أشياء مفيدة و كمان لو تعرفي برج خطيبك ممكن تقرأي عن صفاته ممكن تفهميه أكثر
  3. @mshroaa_fylsof

    um yousof
    هلا أختي الصراحة حكاية إنه جا و قالك على الموضوع هذ يبين انه يحبك و هذا في ذاته نوع من الفضفضة و حكاية إنه ما قدر يقولك لما كان متضايق عادي اصلا أغلب الرجال يعتبرو الفضفضة نوع من الضعف حتى المتزوجين من سنين غالبا يحبو يخفو مشاكلهم بعكسنا ا…
    مافهمت كلامه.. بصراحة غامض

    عموما هذا من مسأوئ فترات الخطوبة الطويلة ..

    واذا قدرتوا تتزوجون هالصيف يكون احسن . حسب مافهمت من كلامك ان ابوه مقتدر ويقدر يساعده .

    اذاً تزوجوا احسن .


    طيب وش رايك تسجلين في منتدى نفسي وتعرضين كلام خطيبك على الطبيب وشوفي وش يقول ..

    موفقة :26:

    http://www.alaman.tv/vb/index.php
  4. @am_alaadnan

    هلا بنتي



    حبيبتي مثل ماقالت وقال الجميع انه معقد في تفكيره

    مو ذنبك انك مافهمتيه والانسان مايولد متعلم

    مثل ماياخذ راحته في الكلام معك

    انت اختصري المسافات

    قولي يجوز انا مافهمتك .. ويجوز انك ماعرفت توصل الفكره لي على طول

    وانت لاتتكلمين في الموضوع ولا تبحثين ورااه لاته احيانا تصير نزوه فالافضل انك تتجاهلين وتتفرجين من بعيد لعل يكون انتقد نفسه وغير تفكيره ويحمد الله انه مافرط فيك.



    بعد فتره لو شفت الامور ماعجبتك وفيه شي غلط اعلني اشارة الخطر وتناقشي معاه والامور بتمشي لوحدها وتتضح من نفسها وتطلع القرارات ساعتها ارتجالي بدون اي تصرف اوة تتدخل منك
    لانه هو اللي قرر وعارف وش ينهيها فيه.


    حبيبتي


    الزواج نصيب وذا اراد الله له الاستمراريه يصيب ويتحقق
    واذا مااراد له الاستمراريه يختل من اقل سبب... وما تدرين وش الخيرة فيه




    الله يقدم الي فيه الخير .

تابعي تجارب أخرى من هذا القسم.