شاركي في النقاش

سجلي الدخول لإضافة تعليق.

التعليقات

86
  1. @bnt_almlok

    طيب ليه ما تستخير يمكن يكون يبغى يشتري ارض و يبنيها احنا اكثر العرسان يا يبنون يا يسكنون في شقة من عمارة اهلهم لان الايجار عندنا نار الحل انها تستخير اكثر من مره بس اذا وافقت انها تسكن مع اهله لازم تنتبه لانها اكيد محاسبه على كل خطوه بس و الله احسها صعبه مره السكن مع الاهل ما اقول غير الله يوفقها و يكتب لها اللي فيه الخير
  2. @soso_am_thotho

    لو تقوله يصلح لها مطبخ صغير في جناحهم.. عشان تاخذ راحتها وفيه بعض الاهالي يخدمون زوجة الولد بعيونهم.. لا تقيس على مشاكل البنات في المنتدى.
  3. نصيحه اخت الرجل مايجي بتحدي ومين اللي يمشي كلامه والله بدلع بصير اللي تبي واكثر
    مثلا الشقه تقول اهلك على عيني وعلى راسي بس نبي ناخذ راحتنا وتونا في بدايه حياتنا وابي البس لك وابي ادلعك واللي ساكنه مع الحموله موزي اللي وحدهم
    وتبي ننسكن لحالنا واحنا خلاص الايام الحلوووووه راحه علينا ومعنا اطفال بس احلاايامنا الايام الاولى واكون انا وانت لوحدنا


    ام السفر تقول على حسب ظروفك بس نفسي في ذكرى ماانساه طول حياتي واقولها حتى لعيالي نفسي اسافر وتقوله مثلا بضحي بحلم اني اسوي زواج لانه للناس بس عوضني بسفره وهي لي ولك وانا استاهل انك تدلعني وتسفرني
    على فكره احلى سفره لمصر لشرم الشيخ اسبوع ماتكلف 5الاف ريال
    والله الله بالدلع وقبله الدعا بتسخير

    وهذا الدعا حلو اللهم سخرني له تسخير الامه لسيدها وسخره لي تسخير العبدلسيده

    والله يوفقهم
  4. @sna_brk

    قبل كل شي لازم تستخير ثم تستشير

    بعدين اذا هذي اولها ينعاف تاليها .. شكلها راح تتعب معاه اذا من اولها يقول دفعي فلوس التذاكر و اسفرج!

    و سالفة السكن ، هي شارطة و هو موافق و يبي يسكنها في بيت اهله !! لا تتنازل عن شرطها و اذا مو لاقي شقة ، اذا لقى خل يجي و يشرفهم ، غير جذي لا ترضى

    التنازلات ضرورية عشان تستمر الحياة بس مو بكل شي و مو بكل وقت ، و اول الزواج لازم تقول كلمة و تكون قدها و منها تشوف اذا هو قد المسئولية و لا لا

    الله يكتب لها الخير وين ما كان و يرضيها فيه

تابعي تجارب أخرى من هذا القسم.