امراءة من الخيال
حبيبتي بهالموضوع بالذات ما عندي لك رأي إلا الأستخارة...
أنا من كثر تجاربي السيئة والمؤلمة من هالموضوع لغيته نهائيا!
مالك إلا الأستخارة...
اقتراحاتي هي استشارة زوجية ورضاوة محترمة...
ضروري تتفاهمون قبل لا ترجعين له... أنتِ بغنى عن تجربة مؤلمة ثالثة.. حتي بناتك مو زين لهم!
عموماً ترى زين منه إنه صبر وما تزوج بعد الطلاق مباشرة يمكن يكون هذا دليل إنه ما زال يبيك...
يمكن ولو إني اعتقد إن مجرد كونه خانك وطلقك هذا دليل إنه بايع...يعني لما ترجعين له لا تحطين ببالك كثير قصص الحب إلخ!
لو صحيح يحبك كان ما حط غيرك محلك!
الرجال لما يحب المرة ما يشوف غيرها... ما يخونها... ما يطلقها.. ولو طارت من يدينه في لحظة تهور يسوي المستحيل عشان يستعيدها مرة ثانية..ما يستكثر عليها شئ ولا يبخل عليها في شئ!
إذا مو هو اللي يبي يردك لا تفكرين ترجعين له... لا تخلينه يوهمك إنك لازم تسوين شئ أو تتنازلين عن شئ عشان ترجعين...
أي أحد يفتح معاك الموضوع لازم يكون جاي بطلب صريح من طليقك شخصياً.. يعني لا تقبلين بتدخل أحد يقول أنا من نفسي وإلخ الخرط الفاضي!
عارفة أنا أول كنت أظن إن ما في رجل يحب زوجته لدرجة إنه يتنازل لها عن شئ أو يحقق لها شئ...
كنت أظن إن ممكن الرجال يحب ويكابر.. ممكن يحب وينتقم..
كان تصوري للحب مشوه...
لكن بعدين شفت بحياتي رجال- الله يتمم عليهم- ما تتخيلين وش عنده استعداد يعطي زوجته... ما تتخيلين كيف ممكن يسامحها ويعذرها!
عرفت إني ما شفت من الحب شئ... وعرفت إني ضيعت أيام ثمينة من عمري أركض ورا سراب لا يمكن يتحقق!
عارفة إني استرسلت بالكلام عن نفسي... بس زي ما قلت لك.. أنا تجربتي مشوهة... كل محاولات الرجعة اللي سواها طليقي كانت عشان يرضي شئ جوا نفسه الحاقدة علي... عشان في مرحلة من المراحل يرفضني هو ويوصل لي كلام مهين وجارح كله تحقير وانتقاص!
ما كانت عشانه ما زال يحبني... لأ!
عشان لسه بقلبه نار تحرقه من كلام قلت له ليلة ما أتطلقنا...
غريبين هالرجال... لما هو ما قدر علي نار ليلة واحدة.. وشلون كان يبيني أصبر علي نيران كل ليلة علي مدي خمس سنين...
وبالنهاية أنا ما حقدت ومشيت بحياتي وهو مازال حاقد وواقف عند هالنقطة كأنه كان يبيني استسلم لمشروع الهدم اللي كان جالس يسويه فيني للنهاية!
فهمتي قصدي؟
لو ما كان طليقك جاد وصريح ومستعد للتضحية عشان يستعيدك بحياته... تظل محاولاته عبث!
بيت المنطلقات لتبادل الخبرات!
متابعة النقاش، صفحة 182