الى كل المصريات الدخول اجبارى

السلام عليكم و رحمة الله و بركاته
الى كل المصريات و الخبيرات فى الخياطة و ادواتها و القماش و انواعه ارجو منكن المساعدة

انا ماليش اى خبرة فى الخياطة و لا ادواتها و الا اماكن شرائها
ولا حتى القماش
لكن ارجو منكن كاخوات فى الله مساعدتى قدر المستطاع بمعلومات تساعدنى على الحصول على الادوات المطلوبة من فين اشتريها و متوسط اسعارها و اجود الانواع المستخدمة

الله يجازيكم خير يا اللى راح تساعدونى سأدعو لكم فى صلاة الفجر بأذن الله


دى صورة لمجمل اللى انا عايزاه

دفاتر الرسم الكبيرة



دفتر مربعات



صمغ جاف




اقلام تلوين



الوان مختلفة لاقلام التحديد على القماش




خيوط قوية و جيدة


مجموعة المقصات دى الموجودة بالصورة


ثانيا::
اقمشة قطنية 100% مثل التى فى الصورة




اخيرا :::

حشوات اللحاف الفيبر التى تباع بالمتر






ارجو المساعدة يا اخوات

34 تعليق 13,297 مشاهدة

شاركي في النقاش

سجلي الدخول لإضافة تعليق.

التعليقات

31
  1. السلام عليكم ورحمة الله وبركاته
    بالنسبه للدفاتر والاقلام والصمغ وايضا لوحة التقطيع الخضراء انتى لم تضعى صورتها لكنها موجوده فى موضوع مرج الزهور كل هذه الادوات موجوده عند مكتبة سمير وعلى ولها فروع كثيره فى كل مكان
    اما ادوات الخياطه موجوده فى الموسكى وباسعار رخيصه
    اما الاقمشه وحشوالفيبر موجوده بالازهر وايضا باسعار الجمله
    بالنسبه للاسعار لا اعرفها لكن سمعت انها رخيصه فى هذه المناطق
    وممكن تتابعى برنامج الدكتوره فاديه على قناة الاسره والطفل عن الباتشورك ساعات بتقول على اماكن بيع هذه الاشياء وانا عن نفسى عرفتها عن طريق هذا البرنامج
    اتمنى لكى التوفيق
  2. صاحبة الموضوع
    bolbol40

    الف شكر و مرسى على انك اول واحدة ترد على
    جزاكى الله كل خير
    فعلا برنامج الدكتورة فادية روعة لكن للاسف انا مش عندى قناة النيل للاسرة و الطفل
  3. @am_abaaa_1

    اهم حاجه ماكينة الخياطه اللي هاتنفذي عليها شغلك ,وعلى فكره انا اتعلمت الخياطه من مجلة البوردة الالمانيه رائعة كنت اشف الباترون اللي على مقاسي وامشي حسب التعليمات وهى لها نسخة عربي طبعا,ربنا معاك واوعي تنسني في الدعاء هههههههههه.
  4. فرولاية
    bolbol40 الف شكر و مرسى على انك اول واحدة ترد على جزاكى الله كل خير فعلا برنامج الدكتورة فادية روعة لكن للاسف انا مش عندى قناة النيل للاسرة و الطفل
    أزيك يا فرولايه واحشانى

    يااااااااااا دانتى عندك نفس هوايتى لكن للأسف برضه بدون دراسه مثلى

    لو فكرانى احنا أتعرفنا فى قسم المجلس العام للمصريات

    وبقالى فتره كبيره مدخلتش لان انا شايفه لو نتقابل فى شات فى ميعاد محدد يكون احسن
    لان الصفحات كتير وبيطلع عينى من القرائه وظهرى بيوجعنى من القاعده بالساعات

    المهم ما علينا
    bolbol40
    قالتلك اللى كنت حاقولك عليه الدكتوره فاديه جميله جدا فى فن الباتشورك بس دا تجميع قصاصيص
    وده صعب على واحده مبتدئه مثلى ومثلك لان حتى المحترفين بياخدوا وقت طويل علشان بطلع من تحت ايدهم قطعه حلوه

    انا شوفتها فى برنامج سيداتى انساتى على دريم وأخدت منها فكره الكوشن او (المخده المربعه الصغيره)اللى بتتفتح تبقى لحاف البيبى.

    وعايزه انفذ الفكره دى على لحاف كبير



    وعندنا هنا فى أسكندريه المنشيه مشهوره جدا
    كل انواع الخيوط والكلف والاقمشه فيها وفى الساعه كرموز
    وأسعار القماش بتبقى من 3 جنيه للمتر بس القماش منخل مش حلو لحد 20 جنيه أحلى واغلى الاقمشه
    يعنى هاتى فى المعقول المهم تجيبه على قطن أكثر علشان الاستعمال
    ولو لحاف عروسه يبقى على ستان أو.. أوراجنزا أحلى من الشيفون وهاتى ورد قماش جاهز برضه ورصيه عليه وده رخيص مش غالى
    وأعملى له كورنيش من الجنبين حا حاول أجيبلك صور وتاخدى الفكره وقلدى
    اتفقنا
    وعلى فكره انتى مش محتاجه صمغ ولا اقلام ولا كلام من ده
    هاتى مقص يكون حامى وحلو واى بروه صابونه عندك فى البيت تكون ناشفه جدا وعلمى بيها هى دى تكون التباشيره
    وهاتى دبابيس بس وانتى بتشتريها قوليله عايزه الرفيعه والطويله علشان القصيره بتكون طخينه وممكن تنسل القماش معاكى

    واشترى القماش الاول وبعدين شوفى لونه ايه وهاتى سيجارتين خيط من نفس اللون
    او مقارب شويه وطبعا اللونين الاساسين هما الابيض والاسود

    بس هو ده كل اللى انتى محتاجاه

    أقولك رايحى نفسك واشترى واحد جاهز احسن
    ههههههههههههه
  5. صاحبة الموضوع
    ام اباء
    تسلمى يا حبيبتى و ان شاء الله راح ادعيلك
    لكن انا راح ابدأ فى الترقيع اليدوى لانى مش بعرف فى الخياطة

    razan20102010
    يا هلا يا هلا
    تسلمى ليا و ان شاء الله نتكلم على الشات
    راح ابعت لك على الخاص الايميل بتاعى

تابعي تجارب أخرى من هذا القسم.