شاركي في النقاش

سجلي الدخول لإضافة تعليق.

التعليقات

72
  1. @am_khzam

    **متفائلة**
    أهم شي تسوي اللي تحبه ويريحها وزوجها، عشان ماتتحسف بعدين..........
    انا ما سويت زواج والحمد لله مو ندمانه وش كنت باستفيد
    سويت حفله صغيره ببيت اهلي ولبست الفستان الابيض وتصورنا واستانست مع اهلي
    ومن بكرا سافرت
    ولما رجعت اهل زوجي سووا حفله في صاله
    وذيك الساعه جلست وانا مرتاحه وراح الحياء شوي واخذت راحتي
  2. @dosryh_kol

    انا زواجي كان حفله بالبيت جو اقاربنا واقاربه .. عشان خالتي محاده
    وكنت لابسه الفستان الابيض بشرعته ورايحه للمشغل كاني طالعه لقصر
    ومسجل وطرب والحووووش كان واسع ومحلات الافراح جونا وسوللي كوووشه
    يعني كاني بقصر او اوتيل .. الاقارب تهنيكي والفرحه كبيره..بس كانت الشبكه بقاعه
    وكذالك سوينا زواره برضوا بقاعه .. يعني ادهرنا
  3. حبيبتي انا زواجي سويته في البيت وعملت في وحده من الغرف كوشه حلوه ومرتبه وماتكلفت فيها ورحت الكوافير وسويت مكياج عروسه وتسريحة ولبست الفستان ومعاي مسكه ناعمه وجلست بالغرفة ماطلعت لاني استحي مره وعزمت خالتي وعمتي وبنات عمتي بس ثنتين وام العريس وعمته وخالته وطبعا اخوان العريس وابوه واعمامي واخواتي سووا تسريحات ومكياج وجبنا مصوره وتصورت مع اهلي وطبعا بعد ماتصورت مع العريس دخلوا علي قرايبي سلموا وطلعت بعدها للفندق وايه طبعا حطينا استريو ورقص وعشاء بس كان مره حلو والاحلى انه اهلي ماتعبوا كثير من ناحية الضيوف والتقديم واليوم الثاني في بيت اهله سوينا حفلة كبيرة شوي وعزموا قرايبهم وقرايبي وانزفيت بس كنت مرتاحه مره واليوم الثالث على طول سافرت وبالعكس كل اللي حولي يقولون لي بنسوي مثل زواجك مريح ومافيه تكاليف والله يوفق اختك
  4. @mshroaa_fylsof

    ام خزامى
    انا ما سويت زواج والحمد لله مو ندمانه وش كنت باستفيد سويت حفله صغيره ببيت اهلي ولبست الفستان الابيض وتصورنا واستانست مع اهلي ومن بكرا سافرت ولما رجعت اهل زوجي سووا حفله في صاله وذيك الساعه جلست وانا مرتاحه وراح الحياء شوي واخذت راحتي
    أنا زواجي كان عائلي واصغر من العائلي بكثييييييير

    المعازيم كانوا الرجال فقط بدون حريم ابدا

    الرجال :::: حطينا لهم ذبايح وقهوة وشاهي وبس

    الحريم :::: مافيه ابدا حريم واخواتي كانوا قاعدين معي بلبس عادي لان مافيه احد

    انا ياحبي لي :::: لبست فستاني الابييض والطرحة وسويت مكياج يجنن

    و جبت مصورة وجبنا كيكة وعصير لي ولزوجي

    طبعا حطيت الكيك والعصير في المجلس وجاء زوجي

    وقعد بالمجلس وبعد التصوير طلعنا ورحنا للبيت حتى مارحت فندق


    والله والله ماحسيت بالندم أبدا

    بصراحة اشوف ان الوضع حلووووووو جدا

    ولو الايام تعيد نفسها بسوي زواج مثل اللي قلت لك عليه


    انا اصلا مااحب الحفلات .. على قولة المثل (( العرسان اثنين والمهابيل ألفين )) :22:

    يمكن الشئ الوحيد اللي اغيره هو اني اطلع لفندق بدل البيت

    ولكن

    ميزه البيت ان كل شئ من اغراضك يكون عندك وتحت يدك ماترتبكين انك ناسية شئ ,,,

    اضيفي لذلك ان فيه اكثر من دوره مياه اكرمك الله وبكذا يزول الاحراج .


    لكن

    في الفندق لازم تكونين قبل مجهزه كل احتياجاتك بشنطنة ويمكن تنسين غرض وتتوهقين ,,,

    ومافيه الا دورة مياه وحده والله العظيم قمة الاحراج


    وعيب البيت ان اجواءة ماهي حالمة مثل الفندق

    وانا تحت امرك في اي استفسار تبين :)
  5. @fd_ngd

    أنا ما سويت زواج كبير سويت الزواج عائلي في بيتنا وكان أحلى زواج أهم شئ تكوني مرتاحه
    والله إلى اليوم ما ندمت
    خليها تسويه عائلي أحسن
    خذيها نصيحه مني
    الناس ما منهم أمان

تابعي تجارب أخرى من هذا القسم.