السلام عليكم وخياتي وحدة وحدة وان شاء كلكم في خيار الخير
مبروك عليك يا امواج وعلى وخيك وتتربى في عزكم ومن حفظة كتاب الله ان شاء الله صار توة بديتي عمة وعاد يقولوا سوار العمة في يد بنت خوها <ما نعرفش شني معناه المثل خخخخ> ممكن يعني البنت تاخد من عمتها هلبة حاجات من الطبايع
ام محمد صح لسانك ويديتك على الكلام اللي قلتيه والله كلامك يمسح على القلب وياحنة ان شاء الله حملك وخلاصك على خير
كوكم ان شاء الله لاباس شني حتى انت انضميتي لجماعة الحوامل ربي يسخرلك الخير
green star شني اخبارك وان شاء الله تمام والله ياوخيتي على ايس كريم انا ماكنت نعرف لين مرة مدرسة كانت تدرس في اللغة قالتلت عليه والباين انها يهودية لانها قعدت تحكي علي الحاجات اللي ماتاكلش فيها وخاصة اللي فيها دهون الخنزير حاشاكم ماهو حتى فيه مثل يقول <كول مع يهودي وارقد مع مسيحي > على الامثال اليوم اظن المعنى واضح معليش لكن راني نحب الامثال الشعبية هلبة مرات نجيب امثال حتى حناي ماتعرفهم ندور من كل مكان ونحفظ
مرات اختي تقولي انت ناسيينك من العهد القديم خخخخخخخ
ياحنة على استراليا حلوة جدا وناسها طيبين جدا بس في المدة الاخيرة بدوا يفهموا حاجات غلط على الاسلام من الميديا طبعا , فيه جالية مسلمة لاباس بيها لكن تتركز في مناطق معينة وفي مناطق مافيها صنة مسلم المدينة اللي ساكنة فيها لما يشوفوني في السوق بالجلابية والشاربة يقعدوا يشبحولي خاصة الصغار لكن بعدين الباين تعودوا علي
سلامي لكل البنات كلكم راهوا ما نسيت حد كلكم في بالي غير وقتي ضيق ان شاء نرجعلكم ونحكي مع كل وحدة استودعكم الله
~: : :OoO «-.¸¸,.-~*تجمع أحلى صحبه ,,,بنات ليبيا "التجمع الثانى" *~-.,¸¸.-..OoO: : :~
متابعة النقاش، صفحة 294