هل هذا هو الديــــن ؟ او حق من حقوق الوالدين ؟؟ ام مــاذا ( ارجو الرد يابنات )
السلام عليكم ورحمة الله وبركاته
كيفكم ؟ ان شاء الله طيبين ..
اليوم جايه لكم وراجعه لكم بعد الله ابغاكم تشيرون علي
ابقول الموضوع وبكل اختصار
امي قاعده تطبخ وانا جالسه اسمع فقط ^_^ طبعاً مافهمتو شي خلون اقولكم
اسمع امي تتكلم بالتلفون عن ناس يبون يخطبوني طيب المهم رحت انا وعلى نياتي لمكان قالت لي امي
روحي لفلانه انها تبغاك في العمل وانا طبعاً وبكل نيه طيبه رحت وزيت لها اوراق وانا جالسه ازين الاوراق جت وحده ومعها امها قالت وين فلانه قلت انا انا فلانه قالت اخبارك طيبه قلت انا الحمدالله المهم
اناا على طول جاء في بالي انها هذي اللي يبون يخطبوني طيب ..
الحين هذا كله يصير من غير ما احد يقول لي فقط اني اسمع امي وهي تتكلم في التلفون مع زوجت خالي
وزوجت خالي هذي ماعمرها اصلن اتصلت علي بيتنا وانا استغبرت بعد مادرست الموضوع عرفت انها هي اللي جايبه هذولى يشوفوني طيب
وشافوني ودخلت مزاجهم
وزوجت خالي كل يوم متصله واسمع امي تقول حنا مانبي نستعجل بنشوف الرجال
ووبعد عرفت ان ابوي راح للمسجد اللي يصلي فيه وطبعاً برضو انا للحين ما احد قالي شي
يعاملوني على اني غبيه ما ادري ما اعرف !!؟
واليوم المفاجأه الكبرى جاء الرجال عند ابوي على انه صديق ابوي !!! <<< شايفين بنتكم بزر والا غبيه ؟؟؟
اولا: هل هذا من حقهم ؟
ثانيا : هل هذا هو الدين ؟
ثالثا : هل يحق لي ان ارفض بسبب ما فعلوه ؟؟
رابعاً : ابغى ادله على هالشي ..
بعد كتابتي للمشكله هذي ارجو اني القا حل عندكم
وجزاكم الله الف خير
ساعدوني تكفون
اختكم
شوق