هل هذا هو الديــــن ؟ او حق من حقوق الوالدين ؟؟ ام مــاذا ( ارجو الرد يابنات )


السلام عليكم ورحمة الله وبركاته

كيفكم ؟ ان شاء الله طيبين ..

اليوم جايه لكم وراجعه لكم بعد الله ابغاكم تشيرون علي

ابقول الموضوع وبكل اختصار
امي قاعده تطبخ وانا جالسه اسمع فقط ^_^ طبعاً مافهمتو شي خلون اقولكم
اسمع امي تتكلم بالتلفون عن ناس يبون يخطبوني طيب المهم رحت انا وعلى نياتي لمكان قالت لي امي
روحي لفلانه انها تبغاك في العمل وانا طبعاً وبكل نيه طيبه رحت وزيت لها اوراق وانا جالسه ازين الاوراق جت وحده ومعها امها قالت وين فلانه قلت انا انا فلانه قالت اخبارك طيبه قلت انا الحمدالله المهم
اناا على طول جاء في بالي انها هذي اللي يبون يخطبوني طيب ..
الحين هذا كله يصير من غير ما احد يقول لي فقط اني اسمع امي وهي تتكلم في التلفون مع زوجت خالي
وزوجت خالي هذي ماعمرها اصلن اتصلت علي بيتنا وانا استغبرت بعد مادرست الموضوع عرفت انها هي اللي جايبه هذولى يشوفوني طيب
وشافوني ودخلت مزاجهم
وزوجت خالي كل يوم متصله واسمع امي تقول حنا مانبي نستعجل بنشوف الرجال
ووبعد عرفت ان ابوي راح للمسجد اللي يصلي فيه وطبعاً برضو انا للحين ما احد قالي شي
يعاملوني على اني غبيه ما ادري ما اعرف !!؟
واليوم المفاجأه الكبرى جاء الرجال عند ابوي على انه صديق ابوي !!! <<< شايفين بنتكم بزر والا غبيه ؟؟؟

اولا: هل هذا من حقهم ؟
ثانيا : هل هذا هو الدين ؟
ثالثا : هل يحق لي ان ارفض بسبب ما فعلوه ؟؟
رابعاً : ابغى ادله على هالشي ..

بعد كتابتي للمشكله هذي ارجو اني القا حل عندكم
وجزاكم الله الف خير

ساعدوني تكفون
اختكم

شوق

30 تعليق 1,979 مشاهدة

شاركي في النقاش

سجلي الدخول لإضافة تعليق.

التعليقات

24
  1. هلا بك يا شوق


    ليه تكبرين السالفه ياقلبي؟ تاكدي مليوووووووووووون مره ان اهلك ما يبون الا مصلحتك والرجال السنع لك..

    يمكن ما قالولك لانهم يبون يتاكدون........... وبيرفضونه لو ماهو زين .......وخايفين تتضايقين لو دريتي انهم رفضوا ..


    كلمي امك بالموضوع ..ناقشيها بهدوء وفهميهاااا عن السبب اللي مضايقك..


    الله يسهل لك ويسخر لك الزوج الصالح
  2. @am_mkbl_2

    ياحبيبتي اهلك مثل ماهو واضح مايبونك الا للشخص المناسب وهم الحين قاعدين يسالون عنه ويتاكدون من اخلاقه واذا هو انسان كويس بيقلونلك واذا لقوا فيه شي مو زين ماراح يقلونلك

    مثال : امي الله يحفظها قبل مااتزوج اذا جاء او تصلوا ناس يبوني ماتقولي نهائي الا اذا كان الشخص مناسب وكويس تقولي والباقين ماتقول

    يعني اهلك ماراح يقلون لك حتى يتاكدون ان هذا شخص مناسب ويجي دورك با ايه موافقه ولا لا ماابيه

    ان شاء الله تكونين فهمتي علي :26:
  3. @shok_alord_2

    صاحبة الموضوع
    عزيزاتي الله يجزاكم الف خير على تعاونكم معي
    الله يسعدكم دنيا واخره
    لكن والله يابنات ما تصدقون وش كثر افكر بهالشي وهالشي يضايقني مسوي لي قلق
    طيب على الاقل تقول لي عادي المفروض الام تصير مع بنتها مو كذا تسوي اشياء من وراها
    هذا اللي قاهرني يا بنات والا والله لو تقول لي بالعكس راح اقول لها يمه اسئلو انتم وقولو لي
    لكن كذا من وراي لا ما ارضى صراحه
    واصلن من قالهم اني ابغى اتزوج اللي يشوف اهلي يقول ان البنت موافقه !!
    هذا اللي قاهرني يابنات ورافع ضغطي
  4. @mshroaa_fylsof

    شوقـ الورد
    عزيزاتي الله يجزاكم الف خير على تعاونكم معي الله يسعدكم دنيا واخره لكن والله يابنات ما تصدقون وش كثر افكر بهالشي وهالشي يضايقني مسوي لي قلق طيب على الاقل تقول لي عادي المفروض الام تصير مع بنتها مو كذا تسوي اشياء من وراها هذا اللي قاهرن…
    تصرف اهلك عين العقل ياحبي لهم ... إن شاء الله اذا الله عطاني عمر بسوي كذا مع بناتي :)

    الاهل العاقلين هم اللي بعد مايسئلون ويستفسرون عن الشاب

    وبعد مايتأكدون انه مؤهل للزواج يبلغون بنتهم ويستشيرونها :icon28:

    واذا تبين لهم ان الشاب غير كفؤ يصرفونه بدون ماتدري البنت وبدون ما يؤخذ رأيها
    :26:

    عشان قلب البنت لايتعلق بوهم ... وعشان لاتآخذها الهواجيس على غير سنع ...

    وعشان لا تنتظر نتيجه السؤال عن الخاطب وترتبك بدون مبرر .وعشان لاينكسر خاطر البنت


    صدقيني اللي علموه اهلك معك صار لي ولأخواتي ولبنات عمي

    واهلي كانوا يتعاملون معنا مثل امك بالضبط


    وسعي صدرك واحمدي ربك اللي رزقك بوالدين يخافون علي مصلحتك

    ويهمهم امرك وسعادتك ويبون لك حياة مستقرة .
  5. @shok_alord_2

    صاحبة الموضوع
    وين عين الصواب ياحبيلك انتي
    والله اذا هم اللي بيتزوجون خليهم يسوون كذا لكن انا اللي ابتزوج مهوب هم
    على كذا ياحبيبتي بتسوين في بناتك اسمحي لي اقول عظم الله اجرهم لان ماهيب هذا اسلوب التعامل مع الابناء المفروض تكون الام مع بنتها كانها صديقتها لكن كذا تطبخ من وراها ليه ؟
    اذا هو خوف على بنتهم لا والله ما ابغى هالخوف
    يعاملوني كاني غبيه يخططون من وراي خير ان شاء الله متخلفه انا والا مالي كلمه ؟
    واحد قالهم اني ابي اتزوج ؟

تابعي تجارب أخرى من هذا القسم.