سلام
ابي ادخل بالموضوع على طول انا ادرس بالجامعه واعاني وقت الامتحانات من بنات صراحه ما يستحون ابد يعني بالقاعه ينادوني وانا اختبر ويربشوني يبون الحل وانا هنا عاد دوروني تتشتت افكاري ونفسيتي تتعب اقول لهم استنو شوي خلوني احل وبعدين انقلكم لا حياة لمن تنادي ويخانقون ويسبن
وهن من النوع الي يأخذ ولا يعطي وانا اول كنت عبيطه كنت اعطي كل الي عندي لكن يوم شفتهم كذا صرت اطنش لكن كثر الزن وطول الامتحان عيونهم علي وعلى ورقتي صرت ما اعرف احل ونفسيتي تتعب مره حتى لما اروح البيت احس اني بدوامه تصدقون الوحده تزن من اول الامتحان لاخره بدون احساس :42:
الي قاهرني اني اتعب واذاكر وعندي اولاد وحوسه وهن تجيك بالقاعه وبكل وقاحه تقول والله ما فتحته
بالله هذول شلون اتعامل معهم غير الكلام الي ينقال من ورى ظهري حسد وغيره :angry2:
في ايام احتجتهم ولا وحده وقفت بجنبي بس قبل الامتحان يحجزوني حجز والله
البنت الي كانت تشاغب علي مسكتها بعد الامتحان وقلت لها لا عاد تجلسي جنبي صراحه ما عرفت احل منك ومن زنك قالت ماني قاعده عندك خلاص لكن فيه غيرها وغيرها
وش اسوي بالله قسم بالله اني ارجع البيت ابي اصيح جهد ايام يضيع بلحظه
ابي حل ارجوكم :icon33:
شاركي في النقاش
سجلي الدخول لإضافة تعليق.
التعليقات
12- ياربي ياشي البنات اللي كذا تخليك مره ترتبكين وماتعرفين تحلين
بس انا بقولك نصيحه تدرين ايش تسوين
اذا جلستي في الاختبار وطفشوك ناظري المراقبه
وقوليلها لو سمحتي ابي اغير مكاني مو قادره احل اذا قالت لك ليش قولي البنت اللي ورايه وترتني حركتها كثيره ولاقولي برد ولااي شي وبعدها مااحد منهم بيعيدها . المشاركة المقتبسة غير متاحة.
اخت يارا وريم البوادي الف شكر على الرد بس انا موتي ولا احد يزعل مني بس بسوي كذا ما دام الشخص وقح ابي اصير اوقح منهم بكره يطلعون عني كلام ويقولون هذي حسود ما تغشش وانا غير كذا هذا الي يقهرني احس انهم بحركاتهم هذي بس يبون هم يحلون وانا لا :icon33:المشاركة المقتبسة غير متاحة.
حبيبتي اذا أحد طلب منك تغششيه ارفضي بكل بساطة وبيني وجهة نظرك
قولي لهم الغش حرااااااام وفيه حديث صحيح عن الرسول صلى الله عليه وسلم :(من غشنا فليس منا)
ناقشيهم وقولي تخيلي تموتي وتبعثي يوم القيامة ولست من أمة محمد بصراحة مصيبة
يابنات والله في الزمن هذا صارت المفاهيم محرفه ولا الغش عيني عينك واذا كلمتيها قالت مساعدة لا حبيبتي مو مساعدة والله إن شافوك كذا ووجهة نظرك كذا مارح يطلبوا منك قولي لهم لو ماعرفت احل وباخذ صفر مارح اغش هذا مبدأي ومارح اغيره عشان احد
بعدين بيني وبينك حسرة والله ان الواحد يذاكر ويتعب وبالاخير جهده يروح لغيره وين التميز والابداع والاحساس بالنجاح والتفرد اذا استلمت النتيجة
طنشي ياقلبي وخليك منهم وربي بيرزقك إن شاء الله
ولا تزعلي ولا تتوتري هذه مافيها حياء ولا احراج ابدا ابدا خلي بالك بدروسك وانجحي عشانك وعشان عيالك وعشان تفتكي من هم الدراسة ....بالتوفيق وبشرينا اذا نجحتي- لا يااختي لاتغشين ولا تغششين
اثم ومعصية
ذكريهم بأنه حرام مايجوز وان الدرجه اللي يآخذونها مايستحقونها وبالتالي الشهادة والوظيفه ثم الراتب .
خليهم يقولون عنك حسوده :)
حلوة ذي .... من زينهم عاد ... اذا انت حسوده في عينهم فهم انانيات واتكاليات و مايستحون على وجيههم :30:
صحيح اللي اختشوا ماتوا . :angry2:
اذا مرة حبكت حلي خطأ وخليهم ينقلون الحل الخاطئ وعليك وعلى اعدائك :22: - تسلم يدك يا ايلان انا مع ايلان في كل كلمه قالتها فاالغش محرم شرعا وهذا مافيه كلام والمصيبه انتي بها لشي قاعده تظلمين نفسك وتخلين ناس ماتستاهل ترقى بمجهودك فلا تستحي من قول الحق وقولي لهم من غشنا فليس منا
مواضيع مشابهة
تابعي تجارب أخرى من هذا القسم.