اعتقد انى موهوبه

شكرا لكل من شجعونى على تكمله المسيرة
شكرا لأمى التى شجعتنى على تنمية هواياتى
كما قرأتم شعرى باللغه العربيه سوف اروى لكم اليوم قصيده بالعاميه المصريه اتمنى ان تحوز اعجابكم وتقديركم



معادله
حقول رأييى فى معادله بسيطه
يمكن تكون غير مفهومه او حتى موزونه
المعادله دى عن الناس حوالينا
اتغيرت فجاه بين يوم وليله
وبدايه كلامى عن حب الزمان
اللى كان كله صدق وامان
كان له بدايه واضحه مفهومه
والصراحه كانت فى العيون مرسومه
ويدق القلب بالشوق باللهفه
لما يبعد اويغيب
علشان الحب زمان كان موجود
مش زى ايامنا بقى مرفوض
والتضحيه كانت شىء بسيط
قيس وليلى مش روايه
ده شىء اكيد وصريح
ياخسارة عصر الحب انتهى وفات
وضاعت معاه الامنيات
ضاعت احلامنا الجميله
وقتلنا الحب بايديه
بقينا فى زمن غدار
كلمه الحب بقت فيه ستار
فين التضحيه فين العهود
مش لاقيه منها مثل موجود
نسينا كمان نعسه وايوب
نعسه اللى ضحت بتاج جمالها
عشان الحب وماسقتش دلالها
تهنا وضاعت امانينا
والفرحه فى قلوبنا بقت حزينه
ليه الناس بقت غداره
فاكرين الخداع والغش شطاره
وشبابنا اليوم حاجه تحير
تحب وتنسى وتتغير
وبناتنا عايشه ايامها
تزيد وتكتر اوهامها
اقول ايه ولا ايه
كل شى مجنى عليه
ياخالق الكون دبرنا
وعلى الزمن القاسى صبرنا
ودى معادله بسيطه
مش كلام تاريخ ولا خريطه
امثالها قدامى مرئيه
والرأى ليك مش ليا