كيف اعتني بنظافة جدتي؟؟؟

الله يبارك فيك لوتس 23 ويكثر من امثالك يا رب ..

وجزاك الله كل خير على رعايتك بجدتك الله يحفظها ....

والله انهم بركه البيت ونوره ووجودهم يخلي البيت جنه حتى لو كانوا عصبيين ..

انا تجربتي مع الوالده الغاليه رحمها الله ..كانت كبيره بالسن ومريضه بنفس الوقت ..


جدتك تحتاج طقوس خاصه وروتينيه لازم تسوينها كل يوم لما تتعودين عليها :

1- الاستحمام مره بالاسبوع كافيه ..لانهم مايتحركون وايد ..ولا تعذبينها بالاستحمام كثيرا لانه يتعبها ..ونكتفي بالعنايه اليوميه ..والافضل استخدام ( الصابون السائل من ديتول ) ريحته منعشه
وخفيفه اضافه ان جدتك تستحم لوحدها وهذا الصابون يقضى على البكتريا حتى بالاماكن اللي ما توصل ايدها لها ..

2- كل يوم صباحا اول ما تقعد من النوم لازم اللي يعتني فيها انت او الوالده قبل ما تروح الدوام
تقعد مبكر وتجابلها ) او حتى الخادمه ...
طبعا قلت انها ما تحب احد يدش معاها الحمام ..مو مشكله المهم بعد ما تطلع تكونون مجهزين لها غيارات نظيفه و بودره للجسم (بودره الطفال افضل شي ) وبعد ما تلبس تدلكين يدها ورجلها
بلوشن او كريم فازلين ...ولا تنسين القدم لها عنايه خاصه ..ادهنيها بفازلين ...
ومشطي شعرها بس بلطف شوي شوي ...
وحطي لها دهن عود خفيف او اي عطر اسفل اذنيها .. ما شاء الله تطلع عروس ....لما تحطين طرحتها على راسها ..

3 - بالليل طبعا قبل ما تنام نفس الشي ...

4 - بالنسبه للاكل بالعكس اذا كانت تقدر تاكل بروحها خليها تعتمد على نفسها حتى تقوي ايدها
و لاتنسين تحطين فوطه صغيره على ملابسها ..
بعد ما تخلص الاكل يمكن ما لها خلق تقوم تغسل ايدها ...احضري لها الماء والصابون عندها
وهي قاعده ( مثل الناس قبل ) والله ما فيها شي وبتفرح وانتوا تحاولون تريحونها ..



والله يجزيك كل خير على برك بجدتك الله يحفظها ...

الله يجزاك خير ويوفقك ويرزقك كل ماتتمنين ويخليلك جدتك ويمتعها بالصحه والعافيه ....والله الموضوع رووووعة بس ماعندي خبرة لكن البنات ماقصروا الله يعطيهم العافية..

موضوع رائع جزاكم الله خيرا


والله يساعدنا ان نقدم مساعدتنا لكبار السن ورحم الله جدتنا واجدادننا

يا حبي للكبار
الله يرحم امي رحمة تسع السماوات والارض
يوم مرضت كنت أنا اللي اقوم برعايتها وماتخلي احد يدخل معاها الحمام غيري واروشها وازينها والله عروس
طبعا يا اختي لو على انها لما تاكل توسخ ثيابها لبسيا مريله زي حقت المطبخ بس لوقت الاكل
والحمام لو ممكن يتم تغييره علشان يناسبها يعني عند الكبانيه الله يكرمك يكون في مسكاة في الجدار علشان يعينهها يوم تقوم وتقعد وصح الفرشه المشمع حق الحمام علشان ما تزلق
الاكل الكبار يحبونه لين يعني الرز مو نثر لأ طري شوي ويكون معاه مرق خضار احسن لهم في الهضم
او جريش
انا كنت اطعمها واهرشه لها بالشوكه زي اكل الاطفال والله تفرح مني وتقول لأخواتي سمارا تسوي لي كذا وكذا مو انتم
النظافه بره جنب سريرها الكلينكس المبلل من ديتول علشان يسهل عليها وعليكم مسح ادينها وجهها
الشور جل أحسن لها ريحته حلوه ويرغي
ممكن علشان المنطقه الخاصه غسول صدقيني مهم
الحناء لو هي يضايقها الشعر الابيض في الصيف بس لأنه يبرد الرأس عني جبت لها صبغه بلون الحناء لأنها ما بتضر رأسها وتعطي نتيجة الحناء
وكنت أحني لها أظافر ايدينها ورجلينها والحين لقيت شئ بالسوبر ماركت اصبح حناء هنديه للأظافر نفس لون الحناءوما ياخذ وقت ولا يلعوز رهيب مره
يمكن تستغربون سالفة الحناء بس الانسان قد ما يكبر يحب الزينه
وكريم للشعر وتمشطينه لا من تحت لفوق علشان لو فيه عقد تنفك
ودهن العود تدهنين شعرها وتظفرينه لها وبودرة الاطفال حول رقبتها واباطها وثناياها وتلبس اللبس البارد أرواب قطن مو جلابيات ثقيله علشان لا يحرها
تدهنين رجولها بكريم زي دوف رههههيب الايدين والساق والركيبات والايدين من الجفاف وبوسيها برجولها وبمفرق راسها وبوسيها عني وربي يقدرنا نبرهم ويقبل منننا ويرحمهما كماربياني صغيرا
وخف تلبسه وتمشي فيه أو شبشب

قبل كل شي الله يجزيك خيرا على هذا البر العظيم لجدتك
نصيحتي لك اخيه :

1- لا تحاولي تأكليها اذا هي قادره على الاكل كي لا تشعريها بالعجز فهذا يدمر كبار السن
2-باستمرار دخني ملابسها باللبان فكبار السن يحبونه كما انه معقم جيد
3- ادهني رجيها كل ليلة بكريم مرطب واعملي لها مساج خفيف على قدميها فستسر بهذا كثيرا
4- بدلي لها ملابسها مرة بالصباح ومرة بالليل
5- قلمي اظافرها
6- اذا كانت تستطيع دخول دورة المياه بنفسها هذه نعمة عظيمة احمدي الله عليها

اخيرا كتب الله لك الاجر والمثوبة