حمولتي والهدايا

تحية طيبة لبنات حواء الحبيبات
السلام عليكم ورحمة الله وبركاته

حبيت أستشيركم في موضوع محيرني:( أهل زوجي عموما طيبين معي والنقطة اللي ماتريحني منهم
مومشاكل لا والله الحمدلله بس في أشياء في طباعهم أستغرب منها وتنغص علي
مثلا ممكن مايسلمون علي كلهم لمن أزورهم بالبيت ، اللي بتجي تسلم تجي واللي ماتبي بكيفها مع إن زياراتي مو كثيرة مرة ،بحكم سكني في مدينة ثانية،وحدودي المجلس والمطبخ نادرا جدا أدخله حاولت أمون في البداية بس الصد كان واضح ووباين مايبوني أدخل فيهم معتبريني غريبة عنهم .
وحتىلو غبت فترة الشهور نفس الشي وأحيانا لا والله أحسهم مشتاقين لي بس حكاية السلام هذي مو عاجبتني ابدا مع إني أقول لزوجي بس أبي يكون عنده علم مو إنه يروح يسألهم لا، لأني أقول في نفسي إمكن طفش ؟أو نوم أو ملل أو ما أدري؟؟؟؟؟؟
مرت مناسبات كثيرة عندهم ما يقولون لي يعني وقت ملكة بناتهم مايعزموني حالي حال الناس اللي برا اللهم مرة وحدة ومع ذلك أقوم بالواجب وأتكشخ في الفرح وطبعا الهدية حق العروس صراحة تقدير لزوجي وأمه وكمان هم في الهدايا معي تمام في ولاداتي وزواجي ماقصروا والحق لله
والحين حبيباتي أنا بسافر للخارج فترة معينة عمل، طيب لمن أرد إيش رايكم آخذلهم هدايا ولا لاء
ما أدري ليش مترددة؟؟ وفي نفس الوقت ما أحب أرد من السفر وأدخل بيتهم وإيدي فاضية
ما أدري محتارة حيل ودي أحد يخلصني من الحيرة وماشاء الله هم 6 بنات ومنهم متزوجات
بس إيش الرأي الحين؟مع إن سفرتي مطولة فوق السنة
أتشجع أحيانا وأحيانا أتحبط بس خبركم لو تممت وشريت بيكون لها تقدير في نفوسهم ولا بيقولون ماله داعي؟مع إنهم ممكن مايجون يسلمون علي كلهم :42:
في انتظاركم:26:

14 تعليق 2,167 مشاهدة

شاركي في النقاش

سجلي الدخول لإضافة تعليق.

التعليقات

12
  1. @asaloa_dmy_aan_ghla_amy

    هلا اختي ....الحمدلله ان اهل زوجك طيبين معك ..وهذي اهم نقطه

    بس السلام مافهمت هم بنفس البيت ومايطلعون يسلمو عليك مدري كيف طيبين ومايسلمو

    اصلا" السلام لله

    على العموم خلك كريمه على طول وتذكري اخرتك لان الدنياء زائله والعمل الطيب هو من يبقى لك

    ومن رايي اذا عندك المقدره هاتي لهم هدياء والهدياء تقرب النفوس اكيد يفرحون فيها وبنفس الوقت

    ماتحسي بنفسك انك مقصره ومعروف الانسان اذا مسافر اول شي الهدياء يفكر فيهم الحين اكيد

    تجيبي هداياء لاهلك ..وهذولا اهل زوجك ولهم حق عليكم ..وتعوذي من الشيطان ..تراء هو جالس

    يقولك مايسلمو وتجيبي لهم هديه ..بس وانا اختك كيدي الشيطان واشري لهم هدياء واحتسبيها لله

    لاتخلي يجي منك قصور ..خلك كريمه على طول ..وغلبيهم بطيبك ..وربنا معاكي
  2. @klm_mnsf

    ليه ما يسلمون
    يعني تدخلين عندهم وهم جالسين
    ولا يقومون
    ولا كيف ؟؟
    طيب اذا كذا
    انتي اللى داخله تعالي عندهم وسلمي عادي

    وعن الهدايا الله يردكم سالمين
    انتي الى الان مابعد رحتي واذا رحتي بتطولين
    يعني الله يحييناااااااااا حياة طيبه

    واشور عليك اذا رجعتي جيبي معك هدايا
    حلو الوحده ترجع من السفر ومعها هداياها
  3. @aaros_mn_thhb

    دامهم طيبين وماشفتي شي يزعلك ولا يضايقك فالحمدلله يستاهلون

    تشوفين وشلون قصص البنات مع أهالي ازوجهن في النت وفي غيره

    والرسول اللهم صلي وسلم عليه يقول :<تهادوا تحابوا>

    وحلوا انك دايم تهديهم .. هذا شي لصالحك وماينسنه لك لو مقالوه مهما كانت الهدايا بسيطه لها وقع في القلب .. أما من ناحية انهم مايسلمون عليك ليش انتي ماتلمحين للي ماتسلم عليك ولا تقولي شي بطريقة ضحك حتى يفطنوا..
  4. قال عليه أفضل الصلاة والسلام"تهادو تحابوا"
    والهديه زينه ووقعها في النفس له أثر طيب وأنصحت أنك تجيبين لهم وبكيفهم سلمو ولا ماسلمو
    بس أتوقع كذا طبعهم..
    وإذا جبتي لهم وحرصتي على ذلك صدقيني راح يحس زوجك أنك تحبين أهله وحريصه عليهم
  5. @ghsn_15

    انا مافهمت ليش تبين يجون يسلمون عليك
    الواجب انتي تروحين البيت الكبير وتشوفينهم هناك
    اما لو عندك ظرف ولادة او مرض شي زي هنا يصير الحق لك يجون يسلمون عليك يباركون لك او يطمنون عليك
    بس بالايام العاديه معروف انهم ماراح يجون لك الا اذا عزمتيهم
    كذا عاداتنا
    وماشا الله هم كثار ودايم العايله الكبيرة كذا
    ااتمنى اني اكون فهمتك صح

    والهدايا سنه موشويه
    احسن تجيبي لهم
    والله يعينك على الاختيار

تابعي تجارب أخرى من هذا القسم.