شاركي في النقاش

سجلي الدخول لإضافة تعليق.

التعليقات

16
  1. مكان خاص
    لا اختي مب كراهيه ابد و لله الحمد انا اصلا مضايجه من نفسي حيل عشان اني ما احبها مثل اول بس لا الله يبعد الكراهيه بس يمكن كلامك صح يمكن انصدمت في بعض الحركات وادعي ربي انه يصفي قلبي
    امين يارب وترجعون زي اول واحلى..
    اهم شي الفترة اللي قضيتها عندهم انسيها او تناسيها وتذكري فقط ايامك الحلوة وتعوذي من ابليس .. ترى هذا اهي فرصته بالتفريق بين الناس.. الله يحمينا منه يارب:angry2:
  2. مكان خاص عجبني منطقك ! وعجبتني شخصيتك !
    وكمان عجبني انتقادك ! مهما كان دواخله بس برضو محترمه بانتقادك !
    تجاهلي الامور الي ماتعجبك في ام زوجك انتي سكنتي اسبوع لانك مضطره !
    منتي عايشه معاها كل العمر جاملي هالفتره وتجاهلي الاشيا الي ماتعجبك !
    وتناسيها وحطي في بالك مافيه احد كامل مهما كان
    كل احد فيه عيوووب ماليته !
    بس كل واحد تختلف عيوبه عن الثاني !
    وادعي لها ان الله يهديها
  3. @bnt_alnas_3

    ياعمري اي شخص اذا عاشرتيه بتكتشفين فيه عيووب

    محد خالي ولاحد كامل بس لأنك تمرين بظروف منتي متحمله بس ياما شفنا احسن شي طنشي

    واذا قدرتي تبتعدين عنها فتره لين يهدا خاطرك يكون احسن ..
  4. @mkan_khas

    صاحبة الموضوع
    جزاكم الله خير خواتي على الردود

    تصدقون احس اني نفسيه ارتحت او تقدرون تقولون ماني شايله نفس الهم مثل اول لاني قدرت اتكلم

    مثل ما ذكرت قبل انا ما اقدر اقول هالشي لاحد اعرفه يمون علي او ما يمون

    لاني في النهايه ما ابي اشوه صورتها جدام الناس مهما كان هي امه

    والله اني ما ارضاها على امي بس يمكن كنت محتاجه اني اصرح عن مشاعري عشان ارتاح

    ويخف الضغط الي كان بصدري

    الحمد الله رب العالمين

    وانا فعلا ابتعدت هالكم يوم عشان نفسي تهدى و ما اغلط على المره حتى لو بدون قصد

    تدرون ابليس شاطر اعوذ بالله منه

    الله يسر امور كل من رده علي و كل من مره على مشاركتي و ما ردت

    و يسر اموري معاكم

تابعي تجارب أخرى من هذا القسم.