زوجي مدمن ماني عارفه شاسوي معاه ؟؟امانه ردو جعل ربي يرزقكم ما تتمنونه

أم عبووود...
لقد تنفست الصعداء بعد أن قرأت مضمون كلام...
والحمد لله أن لم يرتكب حماقة كبرى، بيد أنها نزوة وحركات شبابية
ستنجلي مع مرور الزّمن ، ولله الحمد هو محافظ على صلواته ...ويحبك..
هذا بحد ذاته يشفع له....عليك بالدعاء.....وأقسم لك إن الغناء والميوزك سيكرهها
الإنسان مع مرور الزّمن......عليك بالصبر والهيه بالحديث وسولفي معه واضحكي
وقولي نكتا عليها تفرج عنه هذه المصيبة....


أختك //عسيرية2

اعوذ با لله الله يبعدنا عنها ويصبرك عليه

ذكرتيني انا قبل كم سنه اخوي دق علي من الظهر وقلي اليوم عازمك على العشاء قلت اوكي ومر علي على الساعه 8 وماشي على طريق العزيزيه قلتله فتح مطعم جديد هناك قال لا المهم وصلنا شاليهات النخيل والسكرتيه اخذ البطاقات ودخلنا كاننا داخلين قاعات زواجات ومختلطه وبوفيه العشاء على جنب والفرقه هات يادق عود واورق ورقص الشباب والبنات ورجال كبار ممكن في الخمسين متكي وماسك يد واحده وعلى وحده ونص اول مره اشوف كذا بصراحه قعدت زي الهبله

اختي انت و هو غلطانين .. ثنينتكم تسمعون اغاني .. مثل ما هو عايرج ، قالج تروحين اعراس فيها اغاني عشان جي هو بعد يبا يسير حفلات فيها اغاني
يمكن انتي لو بادرتي بترك ها الشي .. اعتزلتي الاعراس الي فيها اغاني هو بيحس على دمه و بيترك الموسيقى باذن الله
و بالنسبه للحفله و الله ما ادري شو اقولج .. انا اعطيج حل لأساس المشكله
الله يهديه

يقول الأخوات إمنعيه وأنا أقول بعد إمنعيه بس خلي بينك وبينه شعرة معاوية بدون طلب طلاق ومندون خروج من المنزل حاولي بإسلوب.أخاف تتركينه يتردى حاله أكثر وأكثر ويتدخلون اللي ما يخافون من الله من الأصدقاء اللي اليوم هم سبب أكثر حالات الطلاق إزعلي ببيتك برقة ورفق ونعومة الحريم يصبرن على الله وأكبر هذي مشكله إن شاء الله تنحل (((مو معنى كلامي إن المشكله بسيطه من ناحية الشرع حنا عارفين الحكم))).....إستغلي يوم يتعب أو يوم تتعب بنتك بعيد الشر قولي أنا خايفه يكون عقاب ......أخاف وإنت تسمع موسيقى يجي أجلك بعيد الشر وتكون خاتمتك قشرى تبعث يوم القيامة على هذه المعصية .....تخيل يا قلبي وش ترد على رب العالمين ......ولكن تكون النصيحة متباعده وبمناسبات متباعده جداً حتى ما يملك من كثر القرقه ومن خلال كلامك ما شاء الله لا قوة إلا بالله يحبك ويعمل لك حساب زعلتي المره الأولى وما راح لو واحد ثاني كان راح وقال طقي راسك بالجدار بس عاملك حساب وهذي لحالها تستاهل تحملينه وتدارينه .....إشغلي وقته بالسوالف وباللعب مع بنته ....شجعيه يسجل نادي ......خليه يسمع لك قرآن ....بس والله من خلال تجربه الرجال ما يحب يسمع النصيحة من زوجته إذا فيه لك أخ أو زوج صديقة يقدر ينصحة مندون ما يدري إن لك دخل يكون أفضل ....الله ييسر امورك....