السلام عليكم ورحمة الله وبركاته..
الصراحة أنا عندي مشكلة وأبي أدش في الموضوع على طول..وأتمني أنكم ما تبخلون علي بآرائكم ..
لا تلوموني ..أبي أنتـــــــــقم..
طبعا تعرفون أن زوجي توفى من فترة قصيرة إثر أزمة قلبية (الله يرحمه ويغمد روحه الجنة ) وتقريبا الحين
باقي لي شهر وأطلع من العدة ..وأهل زوجي_ حسبي الله عليهم _كان لهم دور البطولة في مرض زوجي
وحرماني من أجمل أيام عمري ..الخ.
وللعلم أنا عندي ولد واحد من المرحوم عمره سنتين ونصف ..والحين بعد ما تدمرت حياتي وخسرت كل شئ..جايين يطلبون ولدي ..طبعا للمظاهر أمام الناس..يبون ياخذونه عندهم ساعتين ثلاث وبعدين يردونه لي بعد ما يفرونه صوبهم ..وهذا الشئ مستحيل ..على حياة زوجي ما فكروا فيه ولا في ولده وذوقوه الويل غير الضرب والتهديد والشتم ..فالمرحوم كان دائما يوصيني على ولده ويقول لي لا تفكرين يوم من الأيام أنج تخلينه بروحه مع أهلي تراهم وحوش إذا ما ارحموا ولدهم بيرحمون ولد ولدهم؟؟
وطبعا أنا الحين أبي أنتقم منهم..أبي آخذ حق كل يوم كل دمعة كل آه..والله أنهم وحوش بمعنى الكلمة..
لا تقولون لي أنت غلطانة وأنت لازم تودينه ..هم أهله ..أرجوكم ما أبي أرجع لهم ولا أبي ولدي يكبر في أحضانهم ..مو بعيدة يحرضون ولدي علي ويتهموني أني أنا اللي ذبحت أبوه..ناهيكم عن العادات السيئة اللي راح يغرسونها فيه..وبعدين مصلحتي ومصلحة ولدي في ابتعادي عنهم والعكس صحيح ..
أدري أني طولت عليكم ..لا تلوموني والله ..أنا ما أبي أحسسهم أني ضعيفة ..بالعربي أبي أحرم ولدي منهم على طول ..إش رايكم؟
في إنتظار الردود..
شاركي في النقاش
سجلي الدخول لإضافة تعليق.
التعليقات
38- اختي لا حول ولا قوة الا بالله العلى العظيم
استهدي بالله
ما الذي ستجنيه من هذا الانتقام
انني اقدر مشاعرك واقدر حالتك النفسيه
بيت الجد من حقهم ان يروا حفيدهم شرعا وقانونا
ضعي اهلك مكان اهل زوجك هل ترضي بهذا لهم
هل ترضي ان ياتي احد ويحرم اهلك من رؤية حفيدهم
دعيهم يروا الولد برضاك دون اللجوء الى المحاكم
ضع لهم وقت محدد ويوم محدد لكي يروا حفيدهم
وفقك الله - اولا الله يرحم زوجك ويغمد روحة جنة الفردوس....
الله يصبرك ويعوضك ان شاء الله في ولدك....
انا صراحة ماعندي فكرة بس حاولت اواسيك والدنيا فانية ..... - أختي الغاليةmona1988
أنا لا أعارض كلامك ..ولكن كيف أترك إبني معهم؟ بعدين تقولين خلي نفسك مكانهم..أنا ما أعتقد أني أنا وأهلي قلوبنا قاسية لدرجة الضرب والشتم ..!أنا كل اللي أبيه أن ولدي يكون معاي حتى لو واح عندهم وهذا الشئ هم ما يبونه يبون ولدي بروحه وهذا الشئ مستحيل ..وفي نفس الوقت إشلون أروح بيتهم؟وخصوصا أن وضعي حرج جدا وبيتهم كله شباب !! - شوشو 12
أختي الغالية جوزيت خيرا على المشاركة. - الله يجمعك بزوج في الجنه يارب
ويخليلك ولدك
ولا تفرطين فى ولدك ابداااا حتى لو كانو اهله كويسين خلي ولده يعيش فى حضنك ويحن عليك اذا كبر
مواضيع مشابهة
تابعي تجارب أخرى من هذا القسم.