انا قصتي متزوجه من 9سنوات وفي بداية الزواج ماكنا مخططين للحمل سبحان الله الواحد مايدري عن نفسه المهم مرت السنه الاولى وبديت احاتي ان ماصار حمل ورحت المستشفى وسويت تحاليل والحمد لله سليمه وقالت الدكتوره لازم الزوج يفحص
وقلت لزوجي وسوى التحاليل ولقو عنده الدوالي وضعف وتشوه وقلة الحيوانات المنويه طبعا زوجي انصدم وتأزمت نفسيته ومن دكتور لدكتور وسوى عملية الدوالي وراح لألمانيا وعطوه كلوميد وحبوب ثانيه
ومرت السنه الثانيه من دون حمل
ونهاية السنه الثالثه كنا ساكنبن مع اهل زوجي ونقلنا لشقه ولهيت مع النقل جاتني الدوره اول مانقلت وكنت فرحانه بالبيت ونسيت الحمل وجا موعد الدوره الثاني ولاجت وكنت حاطه في بالي انه عادي تتأخر وتنزل ويومها كانت عندي عزيمه والدوره تأخرت اسبوع وقلت اول مايطلعون باحلل بالبيت وجاب زوجي التحليل وطلع حمل ماكنت مصدقه نفسي حتى ماعرفت اشلون افرح وزوجي مسكين انهبل
وبعد اسبوع حسيت بغص ورحت للحمام اكرمكم الله وشفت سائل بني ورحت للمستشفى وامسكوني عندهم وقعدت اربع ايام والنزيف مازال مستمر بس خفيف ورحت بيت اهلي علشان ارتاح ومن بكره حسيت بألام شديده وطلق لمدة ساعتين وبعدين رحت للحمام اول ماقعدت على الكرسي نزل مني وحسيت روحي نزلت معاه وقمت اصرخ وجتني امي وجا زوجي وعلطول للمستشفى كنت بالاسبوع السادس ودعيت ان الله يعوضني خير
ومرت السنه الرابعه
ونص السنه الخامسه زوجي راح لمستشفى سعد وراح عند دكتور غدد صماء وكانت الهرمونات عنده مرتفعه المهم عطاه 3ادويه والشهر الثالث من اخذه الأدويه صادف رمضان وكنت بالعشر الأواخر ادعي واستغفر مع قيام الليل وبالعيد سافرت ورجعت ونسيت ان الدوره المفروض تجيني وتأخرت اسبوع وحللت دم والحمد لله صار حمل وبشرت زوجي ومسكين كان يصيح من الفرحه
ومرت شهور الحمل بسلام ولدت وجبت بنوته قمر الله يخليها لي وعمرها الحين 3سنوات
وان شاالله احمل مره ثانيه وياكم يارب
لكل من عانت من تاخر الانجاب ومن عليها الكريم بالحمل اخبرينا عن تجربتك
متابعة النقاش، صفحة 43