حلو الموضوع ,,, ويني عنه من زمان ؟؟؟ بصراحه فيه ابيات كثيره عجبتني و محتفظه فيها ط
° يهون الموت في قلبي ولا أشوفك تخليني .. يهون الدمع في عيني ولا أشوفك مع غيري °
......................................................................................................................
•لي عزيز غاب عن سمعي وشوفي ماهقيت ان الزمن يعسر عليه كلمة شلونك !!
......................................................................................................................
شفت المقفي وربي ما اتبعه لو خطوتين ..!!
أصبعي وهو اصبعي إذا غدرني أقطعه
ابسألك سؤال واحد والجواب بكلمتين
لاصار قدرك والهوى خصمين من تاقف معه ؟
ياخي العزه كرامه وانت دايم مستهين
ياخي ضرسك لو وجعك بذمتك ماتقلعه ....؟!
......................................................................................................................
مانيب قايله لك عسى الله يهنيك
عسى الله يحرمك كل ماكان هناك
وعسى العمر ياخاين العهد يعميك
فوق الغرور اللي عن الأرض غطاك
وعساك ماتفرح وتكثر بلاويك
و أمــــك تشق الجيب من عظم بلواك
......................................................................................................................
للصمت في بعض المواضــيع حكمه ..*.. وما للحـــكي في بعض الاحيان داعـــــي
......................................................................................................................
وفيه قصيده ودايم احب ارددها ,,,, هي قديمه جدا يقولون انها للشاعر نمر بن عدوان قالها بعد ما توفت زوجته وهي في نفاسها ,,,,
البارحة يوم الخلايق نياما بيحت من كثر البكا كل مكنون
قمت اتوجد له وانثر الماء على ما من موق عين دمعها كان مخزون
ولي ونة من سمعها مايناما كني صويب بين الأضلاع مطعون
وإلا كما ونة كسير السلاما خلوه ربعه للمعادين مديون
وإلا كما ونة راعبية حماما غاد ذكرها والقوانيص يرمون
تسمع لها بين الجرايد حطاما من نوحها تدعي المواليف يبكون
وإلا رضيع جرعوه الفطاما امه غدت قبل اربعينه يتمون
جاها القضاء من بعد شهر الصياما صافي الجبين بثاني العيد مدفون
حطوا عليه من الخرق ثوب خاما وقاموا عليه من الترايب يهلون
راحوا بها حزه صلاة الاماما عند الدفن قاموا لها الله يدعون
رضاه والجنه وحسن الختام ودموع عيني فوق خدي يهلون
يا قبر يسقي ثراك الغماما مزن من الرحمة عليها يصبون
ياليت اغصان النفل والخزاما ينبت على قبر به اليوم مدفون
مرحوم يالي ما مشي بالملاما جيران بيته راح ما منه يشكون
يا وسع عذري وأن هجرت المناما ورافقت من عقب العقل كل مجنون
أخذت أنا وياه عشره اعواما مع مثلهن في كيف مالها لون
والله كنة يا عرب صرف عاما يا عونة الله صرف الأيام وشلون
وأكبر اهمومي من بزور يتاما وإن شفتهم قدام وجهي يبكون
وأن قلت لا تبكون قالوا علاما نبكي ويبكي مثلنا كل محزون
قلت السبب تبكون ؟ قالو يتاما قلت اليتيم انا وانتم تسجون
مع البزورو الكل جرح يلاما الا جروح في ضامري ما يطيبون
قمت اتشكا عند ربع اعدامــا وجوني على فرقا خليلي يعزون
قالوا تزوج وانس لامه بلاما ترى العذارى عن بعضهم يسلون
ما ظنتي تلقون مثله حراما ايضا ولا فيهن على السر مامون
أخاف أنا من غاديات الذماما اللي على ضيم الدهر ما يتاقون
أ و خبله ما عقلها بالتماما تضحك وهي تلذغ على الكبد بالهون
توذي عيالي بالنهر والكلاما وانا تجرعني من المــــر بصحون
والله لولا هالبزور اليتاما خايف عليهم من السكه يضيعون
لقول كل البيض عقبة حراما واصبر كما يصبر على الحبس مسجون
عليه مني كل يوم سلاما عدة حجيج البيت واللي يطوفون
وصلوا على سيد جميع الاناما على النبي يللى حضرتوا تصلون
,,,,,,,,,,,,,,,,,,,,,,,,,,,,,,,
**اكتبي أجمل وأروع وأحلى بيت مر عليك **
متابعة النقاش، صفحة 29