حياكم الله جميعا ياأخواتي
وصلتني رسائل كثيرة على الخاص ف رجعت للموضوع وقلت انزلها على العام عشان الكل يستفيد
السر في الكيكة الاسفنجية هو الدقيق يعني نفس نوعية الدقيق
فيه دقيق بروتين عالي وهذا النوع ماينفع للكيك لأنه ثقيل مايرتفع مع البيض لكن هو الأفضل للمعجنات
وفيه نوع يحتوي بروتين قليل وهوه الأفضل للكيك يكون خفيف
وفيه دقيق يكون مخصص للكيك ينباع في السوبر ماركات طبعا البروتين فيه قليل
النوع اللي استخدمه هوه الدقيق السعودي المتعدد الاستعمالات والبروتين فيه عالي وعشان اقلل البروتين فيه استخدم معاه النشا وموضروري أنخل الدقيق في هذي الوصفه
المقادير:
6 بيضات
1 كوب سكر بودرة
3/4 كوب دقيق سعودي
نص كوب نشا
ملعقة طعام باكنج بودر
ملعقة صغيرة فانيليا
الطريقة:
1- اخلطي الدقيق والنشا والباكنج بودر مع بعض في اناء وجهزي الصينية (ممكن تضعي ورق زبدة لكن موضروري وهذا الشي يعتمد على القالب، يعني الكيك الاسفنجي الأفضل يكون في قالب دائري أما باقي القوالب الأفض يكون كيك زبدة عشان يطلع معاك بس بصراحة ماقد جربت الكيك الاسفنجي في غير القالب الدائري)
2- اخفقي البيض بالمضرب الكهربائي على سرعة عالية مع الفانيليا حتى يتكون رغوة ثم اضيفي السكر واستمري بالخفق حتى يتكون قوام كريمه
3- جهزي الفرن على درجة 180 مئوي من اسفل
4- اضيفي خليط الدقيق على دفعات واستمري بالخفق على سرعة عالية (هذي الخطوة تاخذ وقت)
5- صبي الخليط في الصينية (اللي استخدمها تيفال) وحطيها في وسط الفرن تقريبا ربع ساعة بس انتي انتبهي لها لما تقرب تنشف افتحي الحرارة من فوق ومن اسفل ولما تحمر الاطراف يصير تفتحي الحرارة من فوق لغاية ماتتحمر بس لاتفتحي الفرن
طبعا بعد ماتستوي وتفتحي الفرن رح تشمي ريحة بيض بس مايبان في الطعم بعد ما تقطعيها وتمسحيها بالشيرة وتزينيها ابدا مافيها طعم بيض
جربوها بالتوفي واللوز ورح تدعو لي
وألف صحة وعافيه
لما تسووها بشروني وأي استفسار انا حاضرة
انا والكيكة الاسفنجية حرب لا يوقف
متابعة النقاش، صفحة 2