حسبي الله ونعم الوكيل
السلام عليكم خواتي ،،، بقولكم قصتي مع اني ادري ان الكلام ماينفع انا واعوذبالله من كلمت انا بنت بسيطه جميله جداجداجدا وبنت عايله معروفه ولله الحمد كنت مرتاحه بحياتي لين اهو دخل حياتي ماكنت اعرفه شخص عادي متزوج بنت عمه وعنده عيال منها المهم ماطول عليكم حبيته بجنون معاه كنت انسى الدنيا وانسى حتى نفسي بعدين تغير علي وبتعد عني لما سالته شفيك قالي مابي الحرام قلتله حتى انا مابي الحرام خلنا نتزوج قال ماقدر عندي عيال وزوجتي بنت عمي واختي ماخذه اخوها والسالفه متشربكه تركته وابتعدت عنه بس ماقدرت رجعت اتصلت فيه وبعدين زوجته طاحت على مسجاتي بتليفونه ودزت لي مسج تهددني بالفضيحه اذا مابعدت عنه انا بعدت عنه بس اللي قهرني ان اخته وزوجته راحوا وتكلموا عني عند الناس والكل عرف بقصتي معاه حسيت بألم وقهر وتميت ابكي وادعي ربنا بصلاتي ونمت وحلمت بالرسول صل الله عليه وسلم قعدت من النوم مرتاحه وفوضت امري لله مرت سنه ورجع كلمني قلتله انت تركتني واهلك تكلموا فيني جرحتني واهنتني اتركني ابعد عني مابي منك شي قالي انا عمري ماتركتج واموت فيج بس اهي الظروف ضدنا ,,, صدقوني يابنات لاتصدقون الرجال كلهم كذابين هذا الحقير اللي حبيته وضحيت بكل شيس عشانه والله والله ان عيال عوايل كبيره من ديرتي والخليج تقدموا لي ورفضتهم عشانه وبالاخير تركني والمصيبه اني للحين اموت فيه واتمناه زوج لي بس مابيدي حيله اهو تركني ترجيته اول ومانفع والحين ماعندي استعداد اترجاه اكثر اذا لي نصيب معاه بيرجع واذا مارجع يمكنها خيره محد يدري شنو ربنا كاتبله رفيجاتي كلهم يقولون احنا حبينا وتزوجنا اللي نحبه الا انتي مع انه انتي اجمل وحده فينا بس جمالج مانفعج كلامهم وايد ألمني بس ماقول الا حسبي الله ونعم الوكيل الله ياخذ حقي منه اهو مثل ماجاني وفتح عيوني على حب مافيه امل والله ياخذ حقي من اخته وزوجته مثل ماتكلموا فيني قولوا امين والله يفرج لي ويفرج لجميع المسلمين والمسلمات.