شاركي في النقاش

سجلي الدخول لإضافة تعليق.

التعليقات

20
  1. @ot_1

    السلام عليكم
    مشكلتها من زمان من قبل 11سنه(غيره يمكن)
    1-هي كم ترتيبها بين أخواتها أو أخوانها؟


    2-المعلومات من وين حصلتوا عليها؟ إلي يسألها الشاب إنتي أيش لابسة ووينك فيه؟ عن طريقها ولا تجسس عليها؟ وإذا تجسس أعرفت إنكم تدرون بيومها ؟


    3-أمها حاسه إنها ماتهتم فيها؟مو اهتمام توجيهي(ارشادات وأوامر وطلبات)؟

    4-كبرت البنت وهي تغلط مدلعه اخر دلع ماهي محكوره ابدا لاب توب واي بود وكميرات وتصوير وموبايل وماركات من كل شي تيشرتات اكسسورات حتى في البيت تلبسهم (طبعا محد قدر عليها لازم تسوي كذا والا تعصب وفي اي مناسبه سواء صغيره او كبيره او حتى جمعه عائليه عند المشغل استشوار وتركيب اظافرفي اليدين والارجل ومناكير احمر) من عمرها 15
    طيب ايش المانع من الأشياء هذي ماعدى لاب توب والموبايل المفروض يتصلح وضعها وتهدونها لها؟
    غير كذا كيف يعني محد قدر عليها؟ يعني تطلع بلغصب غصب عن الوالدين ولا الوالدين متساهلين ولا مو حولها ولا الوالدين خايفين من تمردها؟البنت ماشاء الله من النوع إلي تهتم بزياده عن اللزوم في المناسبات العائلية هل هو حب ظهور....ولاشيء شيء ثاني؟



    5-اختها الكبيره حاسه ان البنت مو مضبوطه وتهاوشت مرات كثير مع ابوها وامها بسبب هالمراهقه اهلها يقولون لا تتدخلين احنا اهلها ونربيها ماعليك
    اختها الكبيرة إذا كانت عاقله فاشيء طبيعي تكون حاسة بلمسؤولية وتحاول تصلح بقدر إستطاعتها لأنها فرد من العائلة مضرت أختها من مضرتها والسمعه إذا مارأت تجاوب من الأبوين فاتحاول إنها تضغط عليها أو عليهم سؤالي مو مضبوطة بإيش أو أذكري الأمثلة؟


    6-اكثر من مره يحرموها من الجوال بسبب مكالمات ؟؟ مع ذلك تجيب جوالات من برا
    طبعا سببت لامها مشاكل مع قريبتها بسبب ولدهم لان البنت كانت تعرفه وتستهبل تجي لامها تقول يبيني ارجع له صديقتي تقول انه يبيك جت امها وتهاوشت مع الناس ابعدوا ولدكم عننا
    خلاص بدام درت البنت إنكم تدرون عن المكالمات زالت الرهبه والخوف من إنكم تدرون وبتاخذ راحتها وتتمادى وبلنسبة للولد قريبها يمكن هو أو هم أحد الأسباب إلي تخليها تتكشخ من يوم كان عمرها15
    والولد ماينفع تتهاوشون من الأهل المفروض ينصلب عند مركز الشرطة راح تكون إيجابياتها كثيرة لكم وللبنت ولأهل الولد بس تساهلتوا بلموضوع ولا هي فضيحه لأن البنت بتبقا في البيت بس الولد بينجر عند المركز...



    7-بعدها بفتره بسيطه تهاوشت مع امها ليش ماتعطوني الجوال ليش لازم احد يوديني ويجيبني من المدرسه قالت لها امها انا احميك من نفسك قالت والله لو ماوثقتوا فيني والله لا انتحر والله لاافضحكم
    وبالمناسبه اكثر من مره تاخذ حبوب بداعي الانتحار؟؟؟؟؟؟؟؟
    هنا تطورت المشكلة صارت تجاهر لأنكم تدرون وكملتها بلتهديد لأن ماعندكم شيء بلنسبة لها تقدرون تسوونه لها يعني هي ضامنه وضعها سالفة الحبوب انتي قلتيها بداعي الانتحار مو الإنتحار الفعلي
    حتى الطريقة بدائية كثرت أفلام الله يهديها لاتهزكم البنت بهذا الكلام انتبهوا والله والله بتصير كله تضغط عليكم بهذا الفعل...



    8-وتستهر في امها وتناظرها نظرات المهم في هذاك اليوم سحبت تلفون البيت وراحت لمكان في البيت وكلمت منه وبعدها طلعت من البيت وامها تطل من الشباك وقالت البنت لامها من الحوش شفتي والله لا افضحكم؟؟؟؟؟؟؟؟(والله امها فيها صبر غير طبيعي) طلعت البنت من البيت امها تقول انا قلت لالا بس بتخوفني متخبيه من هنا والا من هنا الام كلمت ابوها وقالت بنتك طلعت الابو عصب على الام ومسك الطريق راجع من عمله الام طلعت مع سواقها تدور على البنت شافتها بالصدفه تركب مع ولد؟؟؟؟؟يابنات البنت عمرها 17سنه المهم البنت رجعت للبيت مااعرف كيف ضربوها ضرب ضرب ضرب لكن مافي فايده لو تدرون وش تقول لابوها(تقول انا مااستغني عن المكالمات انا على الاقل لازم اكلم مره في الاسبوع؟؟؟؟؟؟؟؟؟؟؟؟
    لاتعليق لأني متوقع أكثرر

    9-الابو بعد الضرب فكر مع نفسه قال انا بصير هادي عشان تقول له كل شي
    يابنات اهلها مره تعبانين وش الحل برايكم؟؟؟
    الأبو لايبين إنه ضعيف قدام بنته أو لايبين لها إنها نجحت في اعنادها



    نجي للمهم ولي إنشالله يكون الحل لها
    البنت مثل ماعرفت من كلامك أمور كثيرة حصلت في حياتها يمكن بدت بغيره أو البنت من النوع إلي تحب تجرب كل شيء حتى لو كان غلط الأبوين من البداية كانوا لازم يحلون المشكلة بس اعتقد تساهلوا بلموضوع وماأعطوه حقة لمن كبر وأصحب بهذا الشكل
    البنت يمكن تتعدل بأشياء كصدمة بحياتها سواء من الجانب السلبي أو الإيجابي واحنا نطمح للإيجابي
    أو ممكن بلدعاء ربي يهديها
    هذا فرضيه
    البنت ماصارت تتقبل أي شيء من الأهل فانبحث عن البديل
    إننا ندور بنت تثقون فيها حتى النخاع(وشخصيتها قوية) تكون بعمرها او اكبر منها بشوي ويفضل بعمرها
    البنت إنشالله تكون الجسر بينكم وبين بنتكم من غير ماتدري بنتكم تعطون البنت التعليمات وتكون صداقتها مع بنتكم كأي صداقة عادية تجاريها بأمورها وتبدا إنها تحثها على تغيير المدرسة بأي طريقة
    طريقة تذكر مساوؤها أي شيء مو حلوه..مغامره تغيير...إن غيرت المدرسة بإذن الله بتقوى علاقتها بصديقتها الجديده وبتكون تركت شلت الدشير إلي كانوا معاها ولي غيروا كثير من طبايعها وأخلاقها وخلوها تتمادى
    بنتكم ماخذه مقلب إنها الفله والوناسة وسعة الصدر بلأمور إلي كانت تسويها وغيرها لا لأ طبع الانسان ميال للي يحبه او يرتاحله...
    الحين نحاول إننا نستفيد من الغيرة وتحاول تغير من طباعها تكون صديقتها مجموعه او قروب من البنات المحترمات راح تنجبر البنت وغصبن عنها راح تتغير بنتكم للأفضل إنشالله كنوع من المجارات
    هذا حل من ألوف الحلول إلي تصلح بإذن الله لبنتكم
    وطبعاً كل هذا فرضيات للكلام إلي قريته انتظر الاجوبة علشان الحل بإذن الله
  2. @klbo_ana

    صاحبة الموضوع
    O.t
    كم دخلهم الشهري 5000 -15000-30000-60000أكثر..؟
    -ترتيبها السادسه
    -المعلومات حصلنا عليها منها هي شخصيا لانها كانت صغيره وتخاف
    -لا طبعا هي تمل الارشادات اهتمام طلعات وبصراحه مافهمت بالضبط ايش تقصد لان امهم ماهي مقصره نهائيا (الام تهاوش الاخت اذا تدخلت بموضوع لبس او حاجة زي كذا)
    -انا اقولك المانع الكميرا تصور عمرها وتحط في الاب توب وفي المسنجر صورها تطبع صورها هي وصديقاتها غرفتها كلها صور وطبعا يوم بحصوا اهلها في غرفتها لقوا صوره رجال,الاب توب مايحتاج انت عارفه مشاكله,الاي بود خلينا نكون واقعين البنت 24 ساعه اغاني حتى الله يعزك في الحمام حاطه شرايط ومسجل؟؟؟؟التلفزيون اغاني غرفتها اغاني حمامها اغاني السياره اغاني وكمان لما تطلع بالسوق اغااني؟؟؟؟للمشغل اغاني ياساتر وش موتة القلب هذي,موبايل اهلها مايبون يعطونها بس بكاها صحباتي عندهم انا بس اللي ماعندي؟؟؟
    -مااعرف ايش اقول بس ايه يجيها وقت يضرررررب مخها والله ماتعرف امها هي عدوه والا امها اللي تعبت عليها تصير عدوانيه امها تقول هذي بذره سيئه ومااعرف ليه التضبط الزايد ايام الجمعات العائليه لدرجه انه شكلها يكون اوفر شوي ماله داعي وحده بعمرها كانها رايحه عزيمه؟؟خلاص من دلع امها البنت ماتبغى تسوي اي شي غير برا ماتعرف تضبط شعرها مع انه بعمرها المفروض يكون ملموم واللبس لبس بنوتات نعوم واشياء زي كذا , شكلها يعطي اكبر من عمرها والسبب هالاشياء
    -يوضح على البنت اذا هي مضبوطه او لا
    -الولد قريبهم صايع وضايع المشكله هي ماتعرفه بس هو تعرف غيره كثير

    -صدقني اخذت حبوب اكثر من مره بكميات كبيره وبعدين ياخذونها للمستشفى
    -الابو للاسف منهار ماعرف كيف يتصرف معاها وانا اعذره جرب كل شي مانفع
    -في حاجه مهمه حصلت بالموضوع وهي:انه اختها الكبيره لها فتره ماتكلمها والسبب انها ماقدرت عليها واهلها يقولون لا تتدخلي فصارت ماتعتبرها بالبيت نهائيا تقول: انها دخلت عليها ولقتها تعبانه وترجع الله يعزكم قالت لها وش فيك البنت قامت تبكي وحضنتها وقالت انتم كلكم ماتحبوني؟؟؟؟
    الكبيره قالت لها احنا نحبك بس مانحب تصرفاتك المهم اخذتها للمستشفى لانها صار لها يومين ماكلت ومن يومها وهي متقربه لها بس المشكله انها تقول انا ابي اجيب لي اي بود ابي لاب توب مازالت تبي وتبي وتبي ماتابت وياليتها تبي اشياء كويسه الكبيره تنصحها وهي تسمع وتقول ايه ايه ايه متقبله نوعا ما لكن سبحان الله امها ماتبي تسمع كلمه امها وتحب تطفش امها طلعوني سوا لي ....الخ
    -

تابعي تجارب أخرى من هذا القسم.