على قولتهم
"مركب الشرايج عبر
ومركب السلايف طبع"
انا سلايفي 3
وحدة كذ ابة وشكاية " كل حجيها ما عندنا ودفعنا فلوس واجد للشغلة الفلانية واتخزبقت ميزانيتنا وفلسنا وبنتي مرضت وولدي طاح وسيارتي اندعمت و الخ ...يسعني بس تذكر السوالف اللي مو زينه واذا طلعت واستانست والا شرت ما تقول جنها عايشة حياة مزريه واهي الحمدلله بخير و نعمة ...ما دجري تخاف من العين والا هذي طبيعتها
وبالنسبة للجذب فحدث ولا حرج فهي سوت وحطت وشرت وبالنهاية نكتشف ان ولا شي من اللي ذكرتهم صار "
ووحدة نقالة حجي ونمامة " الله يقطع هالطبع الخايس ويهديها ...اذا راحت مكان لازم ترجع واتقول تقرير مفصل عن كل اللي سمعته وفلانه قالت جذي عن فلانة و...و...الله يهديها"
والثالثة ان شا الله زينه
والحمدلله ما نشوف بعض واجد يعني كل اسبوعين مرة وكنت دايما فاتحة قلبي وما اكذب وما اضايق احد
لكن الايام تكشف للشخص معادن الناس وكذبهم من صدقهم
فقررت بعد ان انجرحت اني اعاملهم بطريقة عادية وما اكثر السوالف معاهم
واقلل لقاءاتي فيهم
والله يهدي الجميع
**ســـلـفـتـي وســـلـفـتـك**
متابعة النقاش، صفحة 7