فايتة سلم عالسريع كيفكم يا أحلى بنوتات .....انا ما عم اقدر اكتب لانه رقبتي و ايدي عم توجعني و ما بقدر طول عالكمبيوتر...
سلامة قلبك هنودة و ما ع قلبك شر .... إن شاء الله صرتي أحسن ... و بكرا بترتاحي من النظارات إنشاالله....
و بطوطة ألف ألف مبروك الحمل و الله يقومك بالسلامة انت و كل الحوامل نور و دانية و مزون و نايس و مين كمان نسيت ....
سرالورود كيفك جارتنا شو الهيئة انت اول وحدة رح ترتاحي من شوبات الامارات.... الحمدلله على كل الاحوال .... و الله متل ما قلتي يا ايه شو بدنا نعمل كل يوم خميس و جمعة نفس السؤال و مافي و لا محل بتقدري تروحي حاسة فيك لانه عندي نفس المشكلة ... و ما طمنتينا كيف بنتك و التنظيف انشاالله مشي الحال .....
سوسو خانم .... كيفك و كيف الامامير ... و الله زعلتيني سلامة قلبك و انشالله هلأ احسن؟؟؟
و مشي حالك مع ماسة خانم و لا شو؟؟؟بعدين شو مشان البرد هلأ عندكم برد لسا؟؟؟
مزون كيفك و كيف الحمل طمنينا .... ايمتى نازلة اجازة ....؟؟؟
نور كيفك... و كيف البنوتات و الحمل .... انا كمان اجت ع بالي المسقعة مع انه ما بحب البيتنجان ....
مين كمان نسيت ؟؟؟
صح دانية كيفك و الحمدلله متل ما قالت نور شكلك متفائلة و مرتاحة ... و الله ييسرلك امورك و يجمعك بأهلك عن قريب ... بس مو تنزلي و تبطلي ترجعي؟؟؟؟ههههههههههه
لانه حرام هالرجال اللي ما بيقدر يقعد من دونك..... و الله ضحكتيني بحكياتك الحلوين .....
فتاة زعلتيني طولي بالك و لا تفكري ...و الله ييسرلك امورك .... انت بأي بلد؟؟؟؟
كتير انبسطت لما لقيت كل هالصفحات بغيابي خليكم دايما هيك ....
يلا سلام
مجلس السوريات الجديد عامر بذكر الله عزوجل
متابعة النقاش، صفحة 222