شاركي في النقاش

سجلي الدخول لإضافة تعليق.

التعليقات

1,859

  1. سلفية 1
    :icon28: ماششششششششششششششششششششاء الله بنيت شكون وشنى معطيه والا لا اجابة نمودجية ومعها خفة دم واكثر شى حسسنى انك فعلا قارية كويس فى اجابتك هى الفقرة هادى( الزواج) الله الله عليك وفعلا كندا هى العنصر الثالث المشترك واااااااااااااااااا…
    يا فرقة الحال مع الرجل والصغار :(

  2. سلفية 1
    :icon28: ماششششششششششششششششششششاء الله بنيت شكون وشنى معطيه والا لا اجابة نمودجية ومعها خفة دم واكثر شى حسسنى انك فعلا قارية كويس فى اجابتك هى الفقرة هادى( الزواج) الله الله عليك وفعلا كندا هى العنصر الثالث المشترك واااااااااااااااااا…
    فرقة الحال مع الرجل والصغار يا وخيتي وخصوصا التالت لما يجي يستر الله تعرفي لتو مش معروف ولد والا بنت الصينين يبسولي ريقي ما يبوش يقولولي لان عندهم ممنوع يقولو خايفين تطيحي البيبي كان بنت لان الحكومة مانعتهم من انجاب اكتر من بيبي واحد فما يقولوش عليه بكل مفاجاة ونراجو فيها بفارغ الصبر راجلي قالي مادام مصكرين راسهم معناها بنت قلنا اللي يجيبه ربنا باهي المهم صحته كويسة يارب

  3. @em_mohamed

    صاحبة الموضوع
    السلام عليك ورحمة الله وبركاته

    شنو حالكن وحوالكن يا حناتى وشنو الجو ؟
    نحن اليومين اللى فاتن اشفشفنا من الحمو
    الحراره 35 ومع الرطوبه وصلت الاربعينات ...
    وشوفن عاد حمل وحمو (جو يجيب المرض أستغفر الله )
    والمكيف امتاعن صارت له مشكله امس النهار كله ونحن انكلموا فى الشركه بيش ايجوا ايصلحوه وعطونا موعد بكرا وزياده بياخذو 150 دولار على الكشف ...
    يا حناتى الله يرحم امتاعين التبريد والتكييف فى بلادنا تمشى وتشرى اجدعها مكيف ال جى وألا الربيع ب 400 دينار وايسقع الحوش كله
    هذا طيح مزالهم داير روحه تكييف مركزى ويدره الكبد ...
    الحصيله انى متضايقه من الحمو ...

    وزايدها الموقع ما يفتحش وكان فتح بطيئ
    توا انعدل مشاركاتكن اللى متكرره لما يسرع الموقع اشوى ...

    المهم شنو حالكن كلكن ..

    عيونى
    شنو حالك
    والف مبروك على راجلك النجاح العقبه للزماله يارب
    تعرفى كلمتك كم مره ما نكش قاعده
    المهم بيش اتفضلوا على الزرده فى لندن
    المعلومات كلها عند صاحبكم فى لندن عن المكان والتوقيت خلونا انشوفوكم
    وحتى عيت عمك ايجوا ايهدرزوا ويتعرفوا على ليبيين كندا (الا كانهم مالين من الليبيين بس وراهم وراهم خخخ)
    خلينا نسمعوا صوتك كانك قاعده فى هاملتون .

    سلفيه شنو اخبارك؟
    وخساره قررتوا تغيير البلاد
    أن شاء الله فيها خيره لكم وربى يسخر لكم الخير
    ومعليش الابتلاءات هذين نعمه من رب العالمين الصحابه كانوا يشكوا كان ما حدش صارت له مصيبه لفتره ....
    ان شاء الله مصابك يكون فى ميزان حسناتك
    توا تمتعى فى ربوع الوطن وامشى للبحر وخوذى كم غطسه وقولى هذه لبنات كندا المحرومات من الميه المالحه
    خاطرى توا فى اتبلبيطه فى بحر بوفاخره فى بنغازى خير من الدنيا وما فيها

    وسطيه
    شنو حالك وحال اوليدك ؟
    وياحنا كان سخر ربى الاحد الزرده لكن انا ما نعرف شيئ كله تنسيق بين الرجاله
    حتى مكانها ما نعرفش وين ؟
    بس حنجوا للندن من يوم السبت ونباتوا غادى وأن شاء الله نتلاقوا وانهدرزوا وانسمع لك الحفظ ...
    ويا بنات كلكن بيش تتفضلن على الزرده
    الدعوه عامه لكل الليبيين راهى اشوايات وبعدها يبوا ايبكبكوا مكرونه فى البارك
    ومناسبتها تخرج زوجى وسلامتى والحمد لله .
    وشرينا سياره جديده العقبه لكم يارب
    تعرفن السياره فيها الملاح الالكترونى (نافيقيتر) تاريته فعلاً العلم نور ...
    المهم امس ونحن ماشيين بيها حطينالها العنوان وقعدت تسأل شنو تبوا ؟
    لما نحكوا لها الكمبيوتر ايرد معذره ما فهمتكمش (خخخخخخ)
    كل ما انرددوا الامر اتقول اسفه ما فهمتكمش
    راجلى قال مش بعيد السياره تتصل بالدار امتاعها اللى شريناها منها
    واتقول لهم انا دخيلتكم ردونى ...
    انشوفوكم على خير ان شاء الله .

    امواج
    شنو حالك يا حنا
    اليوم اخر يوم فى المدرسه وربى يعين الجميع
    وأن شاء الله تنسجموا فى رحلتكم لفانكوفر ...

    ام منال
    مبروك عليك العربى وأخيراً
    وأن شاء الله ربى يسهل عليك حملك وتولدى بالسلامه وأن شاء الله اوليد كامل الخلقه يارب
    كثرى من الدعاء وربى يستجيب لك ان شاء الله
    حتى انا توا فى السابع وما قالوليش راهو حكاية الاهتمام بجنس الجنيين ما فيش الا فى بلاداتنا
    عندنا الدكتور يهتم بالبيبى ولد وألا بنت لكن ما يهتمش بالتشوهات الخلقيه
    وهنا العكس اهم شيئ انهم يكتشفوا البيبى طبيعى وألا لا
    ونوع الجنين عندهم حاجه ثانويه مش ضرورى ايخبروك عليه ...

    امشيمشه
    شنو اخبارك وشنو حال الصغار والدكتور ؟ وشنو عيت زهر جوا جاوروكم وألا مازال ؟
    بيش اتقوليلهم يبعثوا لنا رقمهم الجديد
    وخطرها على الدوخه والضعف حتى انا اول امس داروا لى تحليل وعندى نقص فى الحديد والمشكله لا ناكل فى اللحم ولا فى الفيتامينات وحاله وخلاص.

    ليبيا قلبى
    ان شاء الله ربى يطمنكم على بنت اختك وتكبر واتزيد واتعيش فى رغيد (شعر)

    غاده
    شنو اخباركن ؟
    وكيف معش طلعتوا زرادى ؟
    وين الصور الحلوه اللى ديما اتحطى فيهن
    ليبيا وحشتنا وحتى الصور توا تكفينا ...

    وياحنا لما اتخش وحده من البنات اتقول ما عنديش نيه نكتب كل البنات تنتقل لهن العدوى ويقولن ما عندناش نيه
    ليش هكى يا بنات ؟
    نعرف اللى يمل من حاجه معناها كارهها ...
    وأظن لمتنا ولله الحمد مجتمعين فيها على الخير وننشدوا على بعضنا وانتعارفوا يعنى ما فيهش ما ايخليكن اتملن وتكرهن النت
    وحكاية انكن مشغولات كلنا مشغولات وربى عالم
    بس المهم الواحد ايواصل احبابه وينشد
    وبعدين فكنا من جو القلق والكساد خصوصاً البنيات الشابات
    شنو هذا اللطف
    استبشرن وافرحن بعماركن واستمتعن باوقاتكن قبل ما تزيد مسئولياتكن ويجيكن الف سبب اتخممن فيه ...

    باقى البنات شنو حالكن وحوالكن وان شاء الله كلكن طيبات .
    فى امان الله توا

  4. @mshymsh

    السلام عليكم ورحمة الله وبركاته

    كيف حالكم يا بنات كلكم ان شاء الله ما بيكمش وبخير انتم والصغيويرة

    مش عارفة خيره المنتدى , ليه ثلاثة ايام ما يفتحش عندي

    او توا كاتبة الرد او مانبيش انطول بنشوفه بيمشي والا بيطير :(


    بيش نرجع وانهدرز عليكم مرة ثانية يا غاليات :)

  5. @aaml_hyaty

    مشيمشة
    السلام عليكم ورحمة الله وبركاته كيف حالكم يا بنات كلكم ان شاء الله ما بيكمش وبخير انتم والصغيويرة مش عارفة خيره المنتدى , ليه ثلاثة ايام ما يفتحش عندي او توا كاتبة الرد او مانبيش انطول بنشوفه بيمشي والا بيطير :( بيش نرجع وانهدرز …
    السلام عليكم
    تعرفوا ليا ثلاثة ايام ما ينفتحش المنتدى وكان افتح بطئ لين يدراهلي كبدي انسكره المهم استاحشتكم وكيف حالكم تقول كنت مقطوعة على العالم هههههههه
    الف مبروك ام محمد على السيارة ان شاء الله تبيدوها بالهناء حتى راجلي عنده النافيقيتر تعرفي لما نبدأ راكبة معاه لين ينشفلي راسي
    شكرا على العزومة كأنها كليناها
    ان شاء الله تكونوا كلكم بخير

تابعي تجارب أخرى من هذا القسم.