~: : :OoO «-.¸¸,.-~*تجمع أحلى صحبه ,,,بنات ليبيا "التجمع الثانى" *~-.,¸¸.-..OoO: : :~

السلام عليكم

كيف حالك يا بنات وشنو اخباركم

مستاحشتكم هلبه
النت كاين عندنا تاعب شوية والمنتدى حتى هو

تسلم عليكم حياه جميعا

ام محد
مبروك نجاح راجلك ومبروك السيارة والاهم الحمد لله على سلامتك وان شاء الله ربي يسلمك
اما الجو ربي يخفف عليكم وعلينا
هنا الحرارة نقصت عالايام الي فاتت من اول امس لكن الرطوبة عالية قالوا من 65 الى 75 %
اما الايام اللي فاتت من السخونة حتى المكيفات تحسيهم ماعاد يأثروا في الجو

ام منال والاء
مبروك عليك العربي وان شاء الله ربي يقومك بالسلامة

مشيمشة
كيف حالك يا غالية وشنو اخبارك ... تعرفي ربي يكون في عونك مافيش ليبين قريبين عليك

امواج
كيف حالك يا غالية .. وان شاء الله تمشي وترجعي لنا بالسلامة

امل
كيف حالك وشنو اخبارك شنو مازال مش جاية للبلاد

سلفية
كيف حالك وشنو اخبارك .. شنو رايك في الجو اللي عندنا ... اليوم شفت الاحوال الجوية قالوا بترجع السخونة يوم الاثنين ربي يكون في عوننا

نجيمة يا غالية
كيف حالك وكيف حال بنتك توا

وسطية
كيف حالكم وكيف حال وشنو صار فيه تعوّد عالكوب والا لا


وسلامات لكل الحبوبات

السلام عليكم
كيف حالكم ياحلوات ياليبيات، اني حالي الحمد لله والجو اليوم باهي اتفكينا من النو شوية ،وسبحان الله علي جو هالبلاد يوم نو ويوم عاصفة ومطر ويوم برودة الفصول الاربعة في شهر ، اليوم راجلي روح من تورونتو طالع من الساعة اربعة ووصل اقريب الساعة تسعة لين انشغلت عليه والمسافة بينا وبين تورونتو ساعتين اقريب ،قالي الطريق السريع كانت فيه مظاهرة للسكان الاصلين(الهنود الحمر)امسكرين الطريق والشرطة تتفرج وبس ماتقدرش تتدخل ماتبيش تتعقد الامور (حسرة علينا وعلي شرطتنا).شكلي خشيت في الغريق.:42:
ام محمد - ربي يبارك فيكم مسبقا علي الزردة وهلبة هنايا قالوهالي (ما شاء الله عليهم حتي امشوا ومانسوناش فيهم الخير والله ) الكلام حرفيا، بالله عليك لو تبي ايتها حاجة تتصلي ونجيبها معاي ان شاء الله ومغسي بكو مرة ثانية.:)
امواج - صحيتي علي الوصفة متاع الحليب والنسكويك .اعطيتهوله شرب جغمة واحدة وبعدين قالي يفتحلك ربي ،وجربت تخليط الحليب بالعصير الطبيعي لكن سليمته امسكر راسه ،نصبرعليه شوية بالك يولي للحليب،ايه بنسالك كيف حال ام نضال ان شاء الله باهي ولما قريت الوصفة اللي كاتبتها غادة قلت ياريت مكوناتها عند امواج كنهادا اديرهولهاوان شاء الله فيها الشفي، عالعموم سلمينا عليها واهويلنا عليها.
سلفية - كيف حالك وحال صغيويرتك ان شاء الله امبحبحين.عجبتني كلمتك بنت اشكون ومعطية والا لا شن رايك معطية والا لاخخخ خخ.:)
ام الاء-مبروك عليك الكتيبة بالعربي وان شاء الله انباركولك لما تجيبي وربي يعطيك اللي في بالك قادر ياكريم.
انجيمة - شن مازال المرواحة اكيد اماليك علي نار وقاعدين ايحسبوفي الايام باش تجيهم اعطاك ربي وعقبالنا كلنا الي يبي واللي مايبيش خخ خخخ
باقي الحلوات : مشيميشة، امل ، حياة ، ليبيا قلبي، مدام علي ، لوشا ، ليبية مية مية، ام تقي، غادة ،عيوني،تقربصتي، كوكم، الليبو والتحنو والمشواش،اطفالي حياتي، تجويد، مشتاقة لبلادي، مرام، اريام، هناء،قود لايف، مرت راجلها،ورور،ام عبد المعين،ام دانية ،روًي الحسناء،احلي دلع، اعتزلت الغرام، ام مودي. ان شاء الله احوالكم واخباركم تمام وربي يسمعنا عليكم الاخبار الطيبة ، وان شاء الله ما نسيت حد.
استودعكم الله الذي لاتضيع ودائعه

السلام عليكم كيف حالكم اليوم ان شاء الله طيبين وصحيحين واموركم تمام اكيد مشغولين بالعطلة ما نبيش نطول عليكم لاني مشغولة عندي ضيفة جايتني اليوم ومشغولة في الحوش وتجهيز الاكل وتوابعه وغدي الراجل والصغار قلت نسلم عليكم بسرعة ونطلع بالسلامة ونشوفكم بخير

:26: :26:

السلام عليكم ورحمة الله وبركاته

كيف حالكم يا بنات كلكم

عيوني ... ام محمد ... امويجة .. سلفية ...غادة ... اريام الحنين .... تقربصتي ... حياة حلوه .....هناء ... مرت راجلها ... ام مودي وميمي .. good life ... مرام ... ذات الهمّة ... مدام علي .... ام ءالاء.... ام تقى الدين ... وسطية ... كوكم ... ور ور ... تجويد ... الليبيو والتحنو ....ام دانية ... اعتزلت الغرام
... اطفالي حياتي ... امل حياتي .... نجيمة .... ام منال .... لوشا .... رؤى الحسناء ..... ام عبدالمعين .... ليبيا قلبي ... ليبية مية مية



ان شاء الله بخير او ما بيكمش انتم والعويلة



يا بنات والله كتبت سبعة ردود او ما تمشيش مش عارفة علاش :( والمشكلة انها طويلة واني مع هبوط الضغط ما نحكيلكمش اعييت

من الكتيبة , المهم ان شاء الله كلكم ما بيكمش وبخير او بارك الله

فيكم علي السؤال