السلام عليكم اخواتي
بنات البحرين ابي اعرف عن عادات اهل البحرين بالزواج
خاصه العائلات الكبيره من قبائل البحرين المعروفة بالنسب والسلطة كيف
عندهم مراسيم الخطبة و الزواج ؟
والموضوع بأختصار انه لي اخ لله الحمد ماعليه قصور ومقتدر ماديا
وخاطبين له من احدى هالعائلات وتقريبا موافقين وباقي نروح نحدد وقت
الملكة ونتفق على التفاصيل ومحتاجين نعرف بحدود كم مهورهم وايش
كمان ممكن نقدمه مع المهر غير الشبكة وكيف طريقة تقديم الشبكة وكيف
مراسيم حفل الزواج .... !! لانه خبركم العادات تختلف من منطقة للثانيه
وانا من السعودية وماسبق
تعرفنا على عائلات بحرينيه وماعندنا فكرة عن عادات الزواج عندهم
ابي اعرف كل ماله علاقة بالموضوع وخاصه المهور ومايتقدم معاها ؟؟
شاركي في النقاش
سجلي الدخول لإضافة تعليق.
التعليقات
39- الله يجزاك خير اخت نونو
بس الي يهمني حاليا هو بحدود كم مهور بنات العائلات القبيلية الكبيره بالبحرين
وايش المتعارف عليه عندهم بتقديم الشبكه هل يقدم معاها اشياء ثانية ؟ - الله يبارك لكم
- مرحبا اختي
بحاول اساعدك بلي اعرفه
اول شي بخصوص المهر بصراحه يختلف بس الي اعرفه يعني من معارفنا انه في ناس تعطي 9000 او 10000دينار وفي ناس اكثر ويختلف من عيله لثانيه وهو كله يعتمد على الخاطب نفسه اهو وكرمه لانه اهل العروس على حد علمي مايطلبون وبالنسبه ايش يقدر ياخذ معاه اام هدايا يعني لام العروس وللعروس نفسها ذهب مجوهرات ساعات عطور بشكل عام هدايا يعني وكيف يقدمون المهر هذا الله يحفظك اغلب الي اعرفه ياخذونه لمحل التغليف ويطلبون منهم يغلفونه ويقدمونه لاهل العروس قبل الملكه بكم يوم
وبالنسبه للاشياء الثانيه يعتمد على اهل العروس وعاداتهم
ان شاء الله اكون فدتك - المفروض اختي تسالينهم هم ...أو حد مقرب منهم عن مهور بناتهم علشان ما يطلع منكم قصور
ومبروك مقدما - الله يجزاكم خير خواتي
احنا مانعرف احد من اهلهم او مقربين منهم لانه مالنا علاقات بالبحرين
وشئ ثاني احراج لو نسألهم كم تبون مهر لانه ماعتقد بيقولون نبي المبلغ الفلاني
مواضيع مشابهة
تابعي تجارب أخرى من هذا القسم.