كل وحده منكم تكتب تجربتها لرائحة الفم

بالضبط يا حبيبتي الله يجزيكي خير العناية بهاللاربع نقط تريحك من كل الروائح و ان شاء الله ما يكون ابو الشباب الا راضي :42:

مافي افضل واخف من شرايح النعناع الل بعلب صغيره قبل النوم واول ماتصحين
ويازين النظافه
ومشكووووورين

انا مع الاخت لمار خاصة كان عندي شغالة ريحة فمها جدا سيئة اللهم لا شماتة ونا من النوع الي اوسوس ف نظافة الاسنان لدرجة اذا ما استخدمت خيط الاسنان الصبح اشيلو للعمل و الكل يضحك عليا ونا استخدمو.

ع العموم تعبت جدا اتخلص من ريحة فم الشغالة رحت فيها لطبيبة الاسنان وسوت لها تنظيف و قالت لي اسناهنا مرا فيها تنخر و بلاك و نصحتها تفرشها و تغرغر ديما بس مكان فيه فايدة صبايا و رحت فيها للدكتورة مراجعة عشان ضرسها اخيرا قالت الدكتورة ان عندها مشكلة التهاب اللثة نفسها وانها منتفخة وحمرا وتعبانة جدا و ان علاجها حيكون صعب جدا و طويل لانها في مرحلة متقدمة. لما سالت الدكتورة و ربي حبيت اسوي في الشغالة خير لانها كانت عن جد شغيلة وكل شي فيها كويس الا ريحة فمها واسنانها. المهم قالت الدكتورة ان علاجها يبغا لو غسيل داخلي للثة بطريقة خاصة يسووها؟؟ المهم مرت الفترة و سافرت من عندي الشغالة وساعدتها بالي اقدر عليه الله لا يحرمنا اجرو و ما حبيت اقول تجربتها سراحة بس الا عشان سؤال الاخت .

فتاكدي من نوع الريحة اولا. اذا كانت من نخر الاسنان و الا التهاب اللثة والا تراكم البلاك.او اسباب باطنية زي المعدة لان وحدة من صديقاتي مسكينة كان عندها المشكلة وعانت منها كتير. وبالنسبة ليا انا عندي حساسية انف و صدر وكل انواع الحساسيات ههههه بس الحمد لله ع كل حال مافي فمي ريحة ابدا و استخدم مضادات الهيستامين و التهاب الحلق عندي متكرر جدا عشان الحساسية فمقاطعة شرب البارد جدا واتغرغر ديما بمويا دافيا و ملح ومافي ريحة و لله الحمد.
وانا الحمد لله محد يشوف اسناني الا يسالني اذا مسوية تقويم او تبييض والحمد لله مشالله تبارك الله طبيعي.
دايما اغسلها 3 مرات في اليوم بالفرشة والمعجون. الفرشة تاخدي اورال بي احسها احسن نوع يدوي او بروان الكهربائية والكهربائية احسن لانها متضغط عالسنان ولازم تكون سوفت احسن شي ارق والطف عاللثة عشان ما تدفع اللثة للاسفل.
ايضا نوعي وغيري بين كل شهرين تلاتة في نوع معجون الاسنان عشان متتعود عليه بكتيريا الفم و يسير مينفع.
و بعد الفرشة انا باستخدم السواك بلطف شديد عشان ايضا اللثة ما تتاثر و تنزل مع الوقت لاسفل. وكل صباح ومساء بعد تفريش الاسنان دايما استخدمي خيط الاسنان بالواكس وحاولي تدخليه شويا لتحت اللثة ونتي تدخليه بين الاسنان عشان يشيل البلاك و البقايا كويس انا باحط علبة خيط اسنان دايما في شنطة اليد ههه في حال طلعت من البيت سوق عزومة طلعة ونا ما نظفتها اتسلى فيها متعة الشغلة صراحة خخخخ.
وانا سالت الدكتورة عن غسول غرغرة و مضمضة للفم قالت اذا مكان الانسان عندو مرض او شي يستدعيه ياخدو ما انصح فيه لانو بياثر ع بكتيريا الفم و تركيز الاحماض والقلويا فيه بس نصحتني من فترة و التانية افرش ببيكربونات الصودا الي هيا البكنغ بودر و الدكتورة دي مرا كويسة واثق فيها واداوم ع زيارتها بانتظام خاصة خلال الحمل اعمل تنظيف اسنان وجلسة فلورايد.

وانشالله دايما اسنان صحية و سليمة و تلمع للجميع:42: زي الي فالصورة دي بالزبط:42:

موضوع رائع

الله يجزاكم خير

بنات اكتبو لنا التجارب الجيدة والاشياء الالي جربتوها وكان لها اثر جيد على الناس اللي حواليكم




للرفع

حبوب فلاجيل روووووووووووووعه اتعب واقول

روعه تقطع الريحه نهائيا حتي لو كنتي صايمه

ورخيصه يمكن ب9 ريال

بالبدايه خوذي قوه 500 لمده خمسه ايام

وبعدين خوذي حق الاطفال مرتين بالاسبوع
وماراح يضر ****لله

وممكن تتركينه وترجعيله اذا احتجتيه بس