موضوع جديد لتلقى الاسئلة للدكتورة راندة فخر الدين> ارجو الانتقال الى موضوع جديد

دكتورة عملت تحليل وأنا حامل في الشهر السادس ووجدت بعد التحليل إن عندي جرثومة في المعدة ووصفت لي الدكتورة مضاد حيوي وحبوب للغثيان فكيف اتخلص منها نهائيا ؟ وكذلك عندي انخفاض في السكر والضغط وقالت ممنوعة من السفر لمناطق مرتفعة جدا لأن ممكن يخفض الضغط أكثر من ذلك

دكتورة عندي سؤال
انا حامل بالشهر الثالث وابي استخدم ماكينة براون لنزع الشعر وبستخدمها للرجلين واليدين فقط وسمعت البنات في المنتديات اقولون انها مضرة فبغيت اسالج هل عادي استخدمها اثناء الحمل وسواء كانت الاجابة بالنفي او الايجاب لو سمحتي اشرحي لي السبب علشان اقتنع
ودمتي سالمة

لو سمحتي دكتورة انا لاحظت ان الاسبوع اللي قبل الدورة يعني من اليوم 21 من الدورة احس بخمول وحرارة في يديني ورجليني وانام كثير واكل كثير
وكمان يصير عندي كراهية ونفور من كل اعمال البيت خاصة اللي فيها روايح مزعجة مثل منظفات الحمام وغيره
وحتى مايصير لي نفس اتزين ولا رغبة في زوجي وكل شي كارهته
كان وحدة تتوحم
سؤالي هو هل هذا شي طبيعي؟؟؟؟؟؟؟؟؟يعني بسبب تغير الهرمونات قبل الدورة؟؟؟؟؟؟؟؟
وهل له علاقة بتاخر الحمل والا لا؟؟؟؟؟؟؟؟؟؟
علما باني صار لي8 سنوات متزوجة وللان ما حصل حمل مع اني انا وزوجي سليمين ولله الحمد
وجزاك الله خير

اسأل الله ان يعطيك الصحه والعافيه يادكتوره
بخصوص حبوب ياسمين قلتي لي ان احيانا الحبوب ماتناسب
دورتي س5 ايام واليوم صار لي 10 ايام شفت دم احمر قليل وبنفس الوقت شفت الطهر
فهل استطيع ان اكمل العلبه ام انه في ضرر علي ؟ وهل هذا الدم بسبب البوثايل ؟ لان من اليوم السادس وضعت واليوم الثامن وضعت ايضا ام انه دم من بعد الولاده متجمع ومانزل لاني والده صار لي 6 شهور وماتنفست عدل وعندي سؤال دكتوره هل اللي ماتتنفس عدل او يدخلها برد ماينزل الدم منها ويتجمع ؟ واذا صار هذا الشي هل ينزل الدم القديم مع الولاده الثانيه ؟ وهل يبين في السونار الدم؟ و احس فيني هوا كيف يطلع ؟ هل يطلع مع الولاده الثانيه ! ام انها من علامات فساد الرحم مثل مايقولون ومايتصلح هالشي
معليش كثرت عليك بالاسئله
دمتي سالمه

دكتوره الله يعطيك الف عافيه ويوفقك ويخليك لااولادك لانك دايم تجاوبينا برحابه صدر!

دكتوره انا ادرس بالغربه في الجامعه وقررو لي ولاده قيصريه بعد اسبوع والجو عندنا شتاء والبلد بارد
وانا قررت اواصل الدراسه بعد 20يوم من الولاده هل هذا كويس ولا امدد الاجازه كمان والافضل امتى استأنف الدراسه؟ لاني خايفه ع الجرح

وهل يادكتوره تشطيف المهبل بالمويه البارده بعد العمليه له اضرار؟

وحبيت اسألك كمان مايجب ان افعله في فتره النفاس وخصوصا انها شتاء قارس في بلد اجنبي لتلافي اي مشاكل لاقدر الله؟

الله يجعله في موازين حسناتك يادكتوره!