ااااااااه ياقهري ماني عارفه كيف اتصرف ؟

اللهم آمين ويهدي جميع المسلمين.

لا تقولي شيء الا وانتي متأكده منه .. والاشياء الحسيه مثلا شفتي مسج ولا شفتي طبعه شفايف على ملابسه لا تكفي كأدله..


واشدراك انها وحده؟ ممكن يكون واحد من اصدقائه؟؟!!


وكيف عرفتي هالشي؟؟ لا تقولين إنك بحثتي في موباليه!!



تعوذي من إبليس يا مره واتركي عنك التخيلات والاوهام..
وإذا كان فعلاً في وحده ثانيه ..
لا تكبرين السالفه واجد ..واعرفي كيف تكسبينه ..لان الخطأ منك إنتي ..إي نعم منك إنتي ..
ليـــــــــه إن شاء الله يبحث هنا وهناك عن وحده ثانيه؟؟ هذا معناته إنك مقصره في حقه..

وتحمـــــــــــلي إنك تصارحينه بأنك تعرفين ..
ففي زوجة عرفت ان زوجها انه متزوج عليها فراحت صارحته فقام قال لها دامك بروحك عرفتي ريحتيني ما عرفت كيف اقولك وقام طلعها حطها في شقه وجاب زوجته الجديدة محلها!!!

فتحمـــــــــــــــلي..

والرسول عليه الصلاة والسلام قال: ( كل ابن آدم خطاء وخير الخطائين التوابون )صدق رسول الله

يعني لاتهدمين نفسك وبيتك وحالك على هالسبب! والله غفورٌ رحيم ..

واستري عليه الله يستر عليك دنيا وآخرة لان في اول الامر ولا اخره هو زوجك..
واطلبـــــــي المساعده من المشايخ ..وان شــاء الله بيساعدونك كثير..

لا تتسرعي وتتخذين قرارات وافعال تندمين عليها طول عمرك..

حبيبتي .. سكوتك أكــــــــبر غلـــــــــــط حتى لو تحبينه وما تبين تزعلينه او تضايقينه
واجهيه وشوفي وش يقول والغلط منه هو مو البنت ليش يعطيها وجهه لو ماهي هي كان غيرها
وبنات الحرام ياااااااااااااكثررهم الغلط براس زوجك حاولي تعدلينه هو بالمواجهه منك واذا ما نفع روحي لأهلك وازعلي او دخلي واحد يكون ثقه يحلها ويتفاهم معاهـ
اسأليه وش لاقي عندهم مو لاقيه فيكي ؟؟
شوفي وش ناقصه وعوضيه بالحلال تراكي انتي تذنبين اذا مانعته من شي وياخذه بالطريق الحرام
غيري كل شي بحياتكم فوق تحت غيري الروتين شوفي الغلط الاساسي وين وعدليه
يا بنات ترىوالله الازواج ما يتجهون لهالطريق الا ناقصهم شي ؟؟
مافي شي يحدهم على الحرام ألا ...........

وافضل شي المواجهه بينك وبينه اما البنت لا تبلغين الهيئه ولا شي لان الغلط من زوجك لو ما كلمها راح يكلم غيرها وغيرها لانه مريض نساء ..
وتصرف الهيئه غلط تجيبين المشاكل والكلام لزوجك وبيتك ويكفي اسم زوجك ينحط بالهيئه
مهما صار الموضوع بسريه تامه ومحد يدري لازم يكون له اثر نفسي سلبي على زوجك ..
وغير هذا كله راح تدمرين حياة بنت تحمل اسم عايله لا تقولين تستاهل لا حرام مهما كان تخيلي امها وابوها واهلها تخيلي وش راح يصير فيها لا تبنين سعادتك على تعاسة الغير ..
وترى الرجال ما يكسرهم الخوف بتقولين خاف من الهيئه لا وربي لا يرجع لها الطريق مع غيرها ..
ممكن حل ثاني كلميها هي من غير من يدري وقولي لها انا زوجته واطلبيها بكل هدوء انك تبعد عن زوجك وتروح لغيرهـ ..

حاولي تحلين الموضوع برضا جميع الأطراف وترى هذي المواقف هي اللي تبين حكمة المرأهـ
وحبيت أقولك أنتي للحيم شمووووووخ أمرأهــ << لأن المرأهـ ما يكسر شموخها الرجل مهما كان ^_^

دمتي بحب حبيبتي

حسبي الله ونعم الوكيل فيها ومن بنات الحرااااام

الله يسخر لك زوجك ويهديه ويصرف عنه السوء ويبعد عنه البنات

لا تنسي الدعاء له في جوف الليل

الله المستعان

ماأدري ليه كذا ؟
ليه عندكم الهيئه تتصرف غلط ؟ قسم بالله أكثر من عائله رجعت وأنصلح حالها بسبب الهيئه وبسريه تامه ولو زوجها خايف على سمعته ليه مايترك البنت ؟؟؟ ليه مايتوب ؟؟؟
رجال الهيئه رجال دين ويخافوا على سمعة بنات الناس وبعدين حنا قلنا لها تلجأ للهيئه كحل أخير إذا مانفع النصح لزوجها ولا البنت سمعت كلام الزوجه بأنها تبتعد عن زوجها
وبعدين البنت هذي لو عندها دم كان تعاطفت مع الزوجه المسكينه
أنا وأخواتي اللي ردوا أكيد مانبي لها الفضيحه ... لكن ...
وهنا المشكله ...لكن ... وينها البنت هذي ماقالت لنفسها حرام اهدم حياة عائله
المفروض اللي مثلها يتأدب وإذا بقينا نقول حرام راح نعطيها ولأشكالها عين بإنها تتمادى وهذا غلط

أخت كتكآته تقول لاتبنين سعادتك على تعاسة الغير!!!

طيب حبيبتي البنت هذي اللي تكلم زوجها تعرف إنه متزوج رغم كذا مافكرت بالزوجه المسكينه ولا

بعذابها وفكرت بسعادتها ومافكرت بتعاسة هذي الزوجه المسكينه

هذي ماينفع لها كلام خليها تشوف نتيجة فعلها الحرام وعواقبه وهي مشت برضاها

ولو البنت صدته وعرفت غلطها كان نقول حرام تابت لكن هي لحد الأن معه وبالحرام وماخفي أعظم

تحياتي