النظره الشرعيه الله يسعدكم يامتزوجات تجاربكم

هلا اختى رساله خاصه والف مبروك مقدماا والله يكتبلج اللي فيه الخير يارب...
اما عن النظره الشرعيه شوفي ياحبيبتى اذا كاان ناوي الزواااج يحق له يشوفج من غير شيله اماا اذا كاان نااوي بس يشوووفج ولانيته الزوااج لا حراام البسي شيله وخلي معااج محرم ((اخوج _ابوج_..الخ))
وثانياا حاولي تكونين واثقه من نفسج وخليج حياويه شوويه ولاتحاولين اطالعينه وايد ترى في ريايل اعوذ بلله منهم ... واولى شي تسوينه اقرى سوره الكرسي والمعوذااات وبعد الشووفه استخيرري وادعي والله يكتبلج الله فيه الخيــرر يارب:)

بالنسبه هو ناوي الا ناوي عالزواج بس هو ملزم عالنظره الشرعيه
والله ما ادري بس شكلي بحط شيله على راسي
من ناحيه الحيا وربي اني خجوله مرررره ما ادري شلون بسوي احس لو ناظرته بيغمي علي الله يمرر
هاليله على خير:(
الله يستر ان شاء الله بقرء سوره الكرسي والمعوذات يمكن تريحني شوي.
الله يسعدك ويوفقك ويرزقك ماتتمني اللهم امين
اسعدتيني بردك علي الاقل عبرتيني
والله يجيب الخير..
واكيد الاستخاره لابد منها......
دعواتك
الف شكر.....

الف مبروك والله يتمم عليك بخير ..

بس من جد وش سالفة الشيله ترى يجوز يشوف كل شي عادي ..

وحطي كحل وجلوس خفيف واستشوري شعرك والبسي تنوره وشي يخدم جسمك واختاري لون حلو عليك ..

الله يوفقك .. وعقبالي :)

مبروك مقدما والله يوفقك :icon28:
اذا بغيتي تدخلين اقري المعوذات وآيه الكرسي ..وانا (مع شايله هموم)
وعقبالك بعد يا (شايله هموم) الله يرزقك ولد الحلال الي يصونك ويسعدك:26:

عليكم السلام ورحمة الله وبركاته..

هلا فيك يا اختي العزيزة مبروك والله يكتب كل ما فيه الخير ان شاء الله..

والله يفرح اهللك وشوفونك عروس ان شاء الله ..

واحنـــا بعد عندنا نفس الحاله ..الله يستر ان شاء الله ويعدي الليله علينا وعليج على خير ياربي..

وان شاء الله ..الله يرزقنا واياج وكل المسلمين بالذريه الصالحه..

واتمنى من باقي البنات يفيدونا ..

وبارك الله فيكم..