ولله يا بنات عالم حواء خصوصا قسم المشاكل هنا صرت اتنرفز لما ادخل هذا المجلس من بعض كلامكم !!!
عن جد يا بنات خليتوا العنوسة ولا قضية الشرق الاوسط!!
بلله شوفوا كم موضوع هنا وكم وحده رابطه راسها وقاعده تندب حظها لانها ماتزوجت
انا ما انكر انه تأخر الزواج مشكلة وربي يفرجها علينا. بس انتوا خليتوها مصيبة مالها أول ولا تالي
يا حبيباتي لا توقفوا حياتكم علي مسألة الزواج. لا تعيشوا في هم وغم ونكد علشان حاجة مهي بيدكم.
الزواج هذا رزق لله كاتبه لكم من قبل ماتولدوا. يعني مسألة النواح وقهر الذات للي بتسووها ماتقدم ولا تأخر. بل بـ العكس ح تخلوا غيركم يشفق عليكم!!
ح تقولوا للي يده في المويه مش زي للي يده في النار .......طيب ..انا عمري ثلاثين وماتزوجت, قضاء ربي الحمدلله ايش نقول؟ هل هذا يعني اني ماأعيش وأقفل علي عمري الباب وأجيب أكتئاب لكل للي حولي. ....مايصير ياجماعة.
وحده أعرفها ..تقولي انها أعتزلت الحياة الاجتماعية لانها ماتستحمل تلميحات الحريم لمايسألوها ليه مااتزوجت ؟؟ قلت لها مع احترامي بس عن جد انتِ بقره!!!!!!!!!!! ليه تخلي شوية حريم غبيات, زواجهم هو اكبر انجاز عملوه في حياتهم, يتحكموا فيكِ !!!!!!!!!!
وحده تانيه , أذكر قالت لي انها مره اشتريت قميص نوم حريري حلو قامت وحده وبأبتسامه خبيثة قالت لها " ها يا فلانة, تجهزين نفسك علشان تتأهلي؟؟"قامت ردت عليها بأبتسامة أخبث منها " ولله يافلانه يحق لك تستغربي, لانك ماتعرفي طعم الوحده لما تدلع نفسها بفلوس غير فلوس زوجها"!!!!
يابنات كفاية هم وحزن وكأنها نهاية العالم شوفوا نعم لله عليكم الكثيره ليه بس تشوفون الشيء اللي ناقصكم بس. والاهم يا بنات لازم الحياء يمنعكم من المجاهر بهذا الموضوع .
ولله مره وحده ماكملت 23 كانت تقول في قعدة حريم أدعولي اتزوج !! انصدمت!! ياهوو فين الحياء والخجل ....
سامحوني يا بنات كنت متضايقة وشبيت عليكم زي الكبريت
لله يفرج هم كل ذي هم.
شاركي في النقاش
سجلي الدخول لإضافة تعليق.
التعليقات
36- شوفي حبيبتي
كلامك صحيح
لكن بقولك شغله
للاسف فيه بنات خلوا هالموضوع اكبر اهتمامتهم
انا ماانكر اتمنى اليوم قبل بكرا اتزوج وافتح بيت
لكن لدرجة اعتزل الناس عشان هالسبب مستحيللل
لسبب
لان نعم هدفي الزواج ويمكن الاول لكن مدامه ماصار الاول انزله لكم مرتبه واخلي اهداف ثانيه تجي مكانه دام الوضع مو بيدي
ادور الشئ الي ناقصني احاول اكمله قبل ماتجي مسئوليه تشغلني
سمينه انحف نحيفه اسمن ببالي دورات اخذها عندي مهارات انميها اهتمي ببشرتي بشعري باي شئ تميلين له
شئ ثاني
انا اشوف البنات هم الي وثقوا مصطلح العنوسه لمتى كان الزواج له عمر
صدقوني يابنات كلمه مني خذوها
لو كنتي تنتظرين الزواج بدال مايكون يجيك بعد سنه بالتفكير والحرص عليه بيكون كانه جاك بعد 10سنين
انسيه ويجيك
واحنا في رجى رب العباد
لكن فيه شغله قهرتني ببعض البنات
تجي تقول
انا لي قريبه متزوجه لااحلى مني واقل مني مستوى بكل شئ وانا لسى ماتزوجت
اولا انتي تعترضين على كتبة ربي ثانيا كل واحد فيه ميزه تميزه عن الثاني وربي وضعها فيها وحبب الناس وجذبهم لهاولاتقول انا ادعي ربي ومااستجاب لي سواء بزواج ولاغيره
ربي يسمعك احن عليك من نفسك هل ممكن ربي يظلمك يحرمك اسئلي نفسك هالسؤال
وتاكدي لو الزواج لك فيه خير كان تزوجتي اليوم قبل بكرا
واهم شئ ان الواحد يدعي وهذا من حقك بس بدون استعجال
دعوتك اما تحصل الحين او بعدين
او تدفع بها شر عنك
او يدخرها ربي لك
ثقوا بالله وادعي وانتي محسنه الظن
انا عند حسن ظني عبدي بي
يمكن تقولون اكيد ماهي راغبه ولامهتمه
حبيباتي مرات ابكى على سجادتي واسئل ربي الفرج
لكن عمري مااسئت الظن بربي
اواستعجلته
اعذريني اختي طولت بالكلام
بس موضوعك خلاني شوي افضفض بكلام من زمان بقلبي - مادري معقول وحده تتعتزل الدنيا مشان الزواج....مشكلة عن جد
انا عمري 27 وما تزوجت ومو اكبر همي ما اقولكم ما في عرسان وما اقولك عدي واغلطي تقريبا "23 عريس" بس النصيب...وانا على يقين ان الله كاتب لي من الخير اكثر من اللي استاهله.
بس المشكله في هموم البنات بالنسبة لي
يعني الضغط الاجتما عي
معاملة اهلك لك يعني زي ما قلت عمري 27 وامي وابوي يعاملوني كان عمري 12
دايما عندي احساس بالتبعيه ممل...من طريقة معاملتهم
عمرهم ما راح يصدقون انه يعتمد عليك لين يصير عندك صك زواج
غير المواقف البايخه اللي تضطرين تتعاملين معها
عاد تصدقون بنات...احيانا افكر " من واقع احتكاكي مع البنات" انو في بنات اكمل من انهم يتزوجوا
طبعا الكمال لله بس جد احس انها فكرة تقنعني كثير واخاف اقولها للي حولي بعدين اسمع من الكلام
اللا ذع مالم يقل ويدل...
بس سبحان الله في بنات عندهم استقرار داخلي جميل يمكن حياتها الزوجيه ما توفرة لهم لو صار..
اذا الله ريحها من ضغط المجتمع وكانت عايشه في بيئه يتقبلون فيها المرأة العازبة
وهي متقبله واقعها"" بجد بجد البنت هذي معرفه شخصية وهي جميلة جدا وعمرها 34"
وموظفه وقد حالها
واهلها علموها تعتمد على نفسها ومو على المساعدة او الدعم الفوري اللي اهلنا مربينا عليه
اسالكم بالله......حياتها مو مستقرة والبنت سعيده ومبسوطه حمدلله
احيانا تمر بمواقف بايخة من ناس بايخه بس بشكل عام هي مرتاحة.
الغرض من الكلام الزواج مو هم بس اغلب البنات محتاجه تنحل همومها ويمكن شا يفين الزواج الحل بس صدقوني مو الحل. دانة بوسط محارة شوفي حبيبتي كلامك صحيح لكن بقولك شغله للاسف فيه بنات خلوا هالموضوع اكبر اهتمامتهم انا ماانكر اتمنى اليوم قبل بكرا اتزوج وافتح بيت لكن لدرجة اعتزل الناس عشان هالسبب مستحيللل لسبب لان نعم هدفي الزواج ويمكن الاول لكن مدامه ماصار الاول انزله …
هلا اختي فوزية
صح لسانك وأنا أتفق معاك جملة و تفصيلا
مايخالف الوحدة تبغى تتزوج بس مو على حساب أهدفها ونظرتها للحياة
لأنها بتشاؤمها هذا حتعجز قبل أوانها..دانة بوسط محارة شوفي حبيبتي كلامك صحيح لكن بقولك شغله للاسف فيه بنات خلوا هالموضوع اكبر اهتمامتهم انا ماانكر اتمنى اليوم قبل بكرا اتزوج وافتح بيت لكن لدرجة اعتزل الناس عشان هالسبب مستحيللل لسبب لان نعم هدفي الزواج ويمكن الاول لكن مدامه ماصار الاول انزله …
:biggrin2: << عاصبه راسها :42:
صادقه الزواج مو اكبر هم البنت والمفروض الوحده تعيش حياتها الحياة مره وحده ليه تعيش بهم ونكد
واذا ربي كتب لها الزواج راح يجي غصبن عنها ومالها الى الصبر والدعاء ولاستغفار وتوكل على الله بس
وانصحها تعيش حياتها وتنبسط وتخلي التفكير والهم لاحقه عليه :angry:- عليك بالصلاة والانكسار والاستغفار لله الجبار سبحانه وتعالى
------------------------ قصيدة -----------------------------
لكل فتاة .. نزعت الحجاب ,, او تفكر في نزع الحجاب في السفر
اترككم مع القصيــدة
(( خافي ربك ))
يابنت خافي ربك وطاري الموت
قبل الممات وقبل يوم الحسابي
الصوت ماينفع ليا فاتك الفوت
والوقت بيدك لاتقولي غزابي
لحْد وظلامن فيه ماينسمع صوت
ماغير صوت نعال ربعك ، يهابي
المشكلة نتبع ثقافات سربوت
نتبع طريقه ، والنتيجة خرابي
قالت حضارة مابها شي ممقوت
قلت الحضارة تنزعين الحجابي !!
المسألة ماهيب راي ٍعلى النوت
والا مشورة بين سلبي / ايجابي
ترضين بالمر وتعافي التوت
غريب امرك ، تطردين السرابي !
بتموت كل الناس يابنت ونموت
يارب يوم العرض يمّن كتابي
ردي حجابك قبل لاتدمر بيوت
كوني مصونة من نياب الذيابي
البنت لو تتسلح وتتركه قوت
بحجابها مافيها شيّن يعابي
يا مسلمة بإيديك جمره وياقوت
واختاري مابين الفرح والعذابي
مواضيع مشابهة
تابعي تجارب أخرى من هذا القسم.