الموضوع جريء ...مشكله حقيقية

لا حول و لا قوة الا بالله

الله يكافينا الشر! انصحيها يا اختي

الله يهديها ويصلحها.......

لى عــــــــــــــــوده

الله يجزاك خير على إهتمامك بقريبتك يا أختي .. و ليت كل الناس زيك قلوبهم على اللي حواليهم ..
الله لا يحرمك الأجر يا رب ..

هذه القضيه لها عدة عوامل .. التفكك الأسري لا عب دور كبير فيها .. المرحله العمريه .. و الحاجه للحب و الحنان " و لا تنسين الفيديو كليبات و المسلسلات " .. كلها مجتمعه ..


البنيه بحاجه لأحد يهتم فيها و يحافظ عليها .. و طالما إنك قلتي إن الأب و زوجة الأم ما عندهم إحساس بالموسؤوليه .. فبصراحه و ضع البنت بيصير مره صعب و خطير من جد و خصوصاً بهالسن ..

أول شي الدعاء .. دائماً دخليها في دعائك و لاتنسينها ..إدعي لها بالصلاح والرفقه الصالحه و الستر و الزوج الصالح و التوفيق ..

و الملائكه بترد عليك " ولك بالمثل " ..

حاولوا تكونين قريبه منها .. بالسواليف .. بالهدايا .. خليها تحبك ..إحكي مره و هي تكون موجوده بس بدون ما تحس إنك تقصدين تسمّعينها .. كأنك تسولفين مع أحد ثاني .. عن قصص بنات تعرضوا للإغواء من الشيطان و كيف إنتهت قصصهم .. و كيف إن الشذوذ بدأ ينتشر و كيف بنات وقعوا فيه من غير ما يدرون لأن البدايه كانت مجرد إعجاب و حب زايد لبعض .. و إن مكان البحر الميت هو مكان قوم لوط عليه السلام اللي رب العالمين أنزل عليهم غضبه و عقابه سبحانه و جعل عاليها سافلها .. بسبب الشذوذ ..

ترى ممكن جداً تكون جاهله .. ما تكون مدركه وش الشي اللي تسويه .. أو ما تدري بالضبط وش هو الشذوذ ..

إحكي كيف الأغاني الفيديو كليب و المسلسلات تخلي بعض البنات و الشباب يتخيلوا خيالات و حب و هيام ما تجي إلا .. في الأحلام .. و الأفلام ..

وإنهم لما يحسون بحاجه لمشاعر الحب و العشق .. يجربونه بين بعضهم .. من نفس الجنس

وهنا الخطر .. يعني هي لازم تفهم هذي النقطه ..

أنا اتذكر قصص مره حلوه للبنات اللي في سنها .. و بأسلوب مره حلو ورائع و غير مباشر .. عن الحب و المشاعر هذي .. في الأعداد القديمه من مجلة حياة للفتيات .. حاولي تشترينها و تهدينها لها .. أو اهديها إشتراك في المجله ..


و الله يوفقك و يسهل أمرك و يهدي قريبتك و يحفظها .. و بنات المسلمين .. آمين

.
.
.
.