البنات اللي نصحوج فيه كله صح انج تكسبين الولد
مثلاً تقولين له شو ايك هذي هدية أنا أعطيها للأولاد الشطار اللي يقولون الكلام المعسول
إذا هذا الأسبوع ما شتمت عندي لك هدية أحلى
وتمشين معه بهذ الطريقة أو شي كل اسبوع وتجيبين له شي بسيط وبعدها كل شهر وجذي يمشي احال وإذا ما مشى حاله اتركيه
والشي الثاني إنج تكلمينها لكن مب بأسلوب المتذمر أنا حسيت في اسلوبك وكأنج معصبه متذمرة كثير وما ألومج لأن الموقف كبير وماينسكت عنه
لأني في البيت إذا سمعت أحد من أحفادنا يقول للثاني غبي أو عبيط أخلي الدنيا تقوم وتقعد على راسهم
مب بس أنا كلنا هذا اسلوبنا في البيت فالمساكين ما يتجرأون
لكن الهون أبرك ما يكون فهونيها وتهون
لو كلمتيها بابتسامه وكتمتي غيضج أضن كان الموضوع كان ممكن يجيب نتيجة لأن الناس من نوعية سلفتج يبغيلهم سياسه لأن مايحبون الناس تغالطهم
فأنا بعطيج أمثله للكلام اللي قلتيه واللي لو استبدلتيه بجمل ثانية كيف ممكن يكون الوضع وانتي احكمي
واخاف يشوف ولد عمه يتكلم زي كده ويردد وراه الكلمه
ما أحب الناس باجر يتكلمون على الولد ويقولون كلمة في حقة مب حلوة لأني أحسبه حسبة ولدي
وإللى يمسه يمسني لأن معزته من معزة بناتي
هو المصدر بيجيب كلام من بره وبيعلم البنات
وقلت لها مو معقول نجلس نتفرج عليه
لازم نشوف الولد من اللي يعلمه هذا الكلام ونتخذ موقف (يعني حسسيها إن إنتي حامله الهم معاها فكلميها بصيغة الجمه)
والله اللي انا شايفته انك ما تكلميه لأنه لو كنتي تخاصميه كان ما أتجرأ ويسب قدامك
أنا عارفه إنج تكلمينه بس الطفل في هذا العمر يكون شوي عنيد فخلينا ندور على طريقة نرجع الولد لطبيعة المحبوبة
لو على بناتي فهذي من المدرسة اللي عندك
وهذي المشكلة الثانية إن الأطفال قاموا يعلمون بعض
فشو رايج نتخذ موقف ونعاقبهم عشان نوقفهم عند حدهم لأن هذا الشي يأثر عليهم في لمستقبل ومن ناحية ثانية يخليهم غير محبوبين بين الناس
وشو يسوى الطفل إذا الناس ماحبته؟؟
مع انه زوجي وجدته قالولي اضربيه لكن ما حبيت
هذي الجملة ما تنقال أبد عشان ما تصير حساسية بينهم وبينها
وبينتهي الحوار بهذ الطريقة
وإذا ما جاب نتيجة إنتي مب ملزومة تجلسين في مكان ولدها فيه
ووصي بناتج يتجنبونة
وفهميهم إن الكلام إللي يقوله غلط و إن الله سبحانة والناس ما يحبون الإنسان إللي يشتم
وتحملي اتدخلين زوجج أو عمتج طرف في الموضوع
بس خليج كاسبة ودهم وخليهم دايماً في الصورة وعارفين الموضوع بس بطريقة غير مباشرة
وإذا بغوا يتدخلون قولي لا أخاف الأبو يحط في خاطره إذا تدخلتوا وأنا ما أبغي اتسبب في حساسيات بين الام وولدها والأخ وأخوه
حتى إنتي بتكبيرن في عينهم
وقولي هذا طفل وأنا بحاول أكسبه واكيد يجي يوم ويعقل فيه
وآسفه مره ثانية إذا كلامي يضايقج
سمعت كلامكم يا بنات حواء , كلمت سلفتي على ولدها , بس تعالوا شوفوا ايش صااار؟
متابعة النقاش، صفحة 3