بسم الله الرحمن الرحيم
أخواتي في الله
السلام عليكم ورحمة الله وبركاته
أنا عندي طفلة عمرها 4سنوات ودايما تعاند أختها اللي أصغر منها
بصورة مثيرة للأعصاب وتحرق دمها باستمرار بالعناد وذيك الثانية
مسكينة ما تشوفينها إلا تصارخ منها وتبكي لأنها فعلا تحرق أعصابها
وأنا والله أمسك نفسي لكن في الأخير إذا طفح الكيل أضربها مع إنه
ما ودي أضربها لكن هي تحدني على هذا الأمر.أختها أصغر منها بسنة
وأربعة شهور.
وكمان عنيدة للغاية قولي لها يمين تقول شمال , ولايمكن تسوي إلا اللي
براسها أقرب مثال تمشيط الشعر ترفض هذا الأمر بتاتاوتشوفينها حوسه
ولا تهتم تقولين لها علشان تصيرين حلوة مرتبة , ما في فايدة.
ومرات إذا كلمتيها أو أمرتيهابأمر تبلم وتطالع فيك ولا تتحرك
وبس تقضم أظافرها وتطالعك بنظرات حادة. وحليها عاد ذيك الساعة
وأحيانا( تزرجن) فجاة ولا تدرين وش فيها.وفي الفترة الأخيرة صايرة
شقية للغاية ولا تسمع الكلام نهائيا.
والله إنها حيرتني ماني عارفة كيف أتعامل معها. وما كتبت لكم إلا بعد
ما جننتني والله.
آسفة جدا أطلت عليكن لكن أرجو من الله أن أجد عندكن الحل لهذه المشكلة
أو على الأقل تشرن علي باستشارة أحد معين . فما توجيهكن لي
مشكووووووورات.
:34: :11:
الموضوع مغلق
