هذا ماشفته بالبرنامج والله ماصدقت ان هالحاجات تصير بالسعوديه ...تعالو شوفو البلاووي

جزاكن الله خير على اهتمامكم بالموضوع
والله يصلح الحال يارب

الف شكر

ابشركـــــــــــــن جابوا في البرناامج ان كثير من الناس تبرعولهم

ويقول المذيع انهالت الاتصالات علينا كلهم بيدعموونهم

وانهم اللحين في الرعايه صحيه على مااعتقد ويقدم لهم علاج نفسي وصحي


الحمدلله بغيت ابكي من الفرحه يوم سمعت المذيع يقول هاللكلام

الحمدلله بلادنا ماازال فيهاا الخيــــــــــــــــر واهل الخير

والله يهدي الشابين ويثبتهم

بوادر الخير
جزاك الله خير
والله يبشرك بالجنه وبشووفة وجه الرحمن
من جد فرحتيني كثيرررر
واهل الخير ببلد الخير مايقصرون وهذا اللي تعودنا عليه في بلادنا بلاد الحرمين
الف شكر يالغلااااا
والله يسعدك

محترمة الكل
شكرا على تاييدك لي ..
انا بسراحه فرحت يوم امتدت يد العون لهم لكن حزينه على الايتام الثانين الي يمرون بنفس المعاناه ولا احد داري عنهم ...
فيه وحده نعرف قررت تاخذا هدايا وتروح تزور الايتام في الدار المهم تقول استقبلتني المسؤله استقبال زفت وعرقلت امري وتهاوشنا معها وكانت رافضه نزورهم ونقدم لهم الهدايا الي معنا ياترى لييييييييييييييييه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اكيد خايفه من شي والا المفروض تنبسط وتستانس بان هالضعيفين فيه احد يسال عتهم ويزورهم
المهم انه تهاوشو وكبرت القضيه والبنت حلفت ماتطلع الا بعد ماتزورهم ولاما شافوها مصره بالحسره دخلوها لكن اخذو منها الهدايا ورفضو انها تقدمها لهم وتدرون وش يسوون فيها الله اعلم .. لكن الشي الغريب ان غرفة المسؤله يقولون مليانه هدايا والعاب واشياء حلوه يعني كل ماجاهم احد يصادرون الهدايا الي معاه هل يجوز هذا التصرف شي عجيب تبخلين على يتيم بهديه ...
المهم تقول هذي يوم زرت الايتام ولاهم يقطعون القلب وحالتهم حاله وملابسهم زفت ومبين انه فيه تقصير كبير عليهم حسبي الله ونعم الكيل على كل مسؤل مايخاف الله ومع من مع ايتام ذنبهم في الدنيا انهم ماعندهم اهل هذولا الي المفروض مانقصر عليهم ابد وندلعهم اخر دلع ومانخلي شي ينقصهم مع ان هذا كله مراح يصنع لهم السعاده بسبب وجودهم في هالدنيا بدون اسر .......ارحم من انه يعاني من كل ناحيه . فقر وضياع ووو.........

وماخفي كان اعظم انا من عدة سنوات اشتغلت في دار الحضانه الاجتماعية وشفت العجب 000 بس الله ينتقم من الظالم--- انا بطبيعتي احب الاطفال كثير كان عندي وتحت رعايتي مجموعة اطفال رضع من السنه الاولى الى الالابع سنوات كان فيه طفل مو لقيط كان يتيم ابوه حطه في الحضانه مع اخوه واخته الخرساء كان الطفل عمره سنه وحده واخوه عمره 4 سنوات والبنت عمرها 6 امهم توفت فجأه وجابهم ابوهم الى الحضانه مؤقت كان الطفل اسمه ماجد تعلقت فيه كثير وطول فترة دوامي كان متعلق بي ولما يخلص دوامي كانوا يستلمونه حاضنات مصريات واكون قبلها ملبسته البجاما للنوم ومافيه اي شي ولما اجي استلمه الصباح اشوف جسمه الصغير فيه ضربات وعلامات خضرا وزرقا سالت المديره وكانت سعوديه عن هذي الضربات اللي في جسمه قالت لانه يصحى بالليل يبي الرضاعه والهوانم يبون ينامون يقومون يقرصونه طول الليل 000 انصدمت من كلامها وقلت طيب ليه ماتحاسبيهم قالت احنا محتاجينهم في الليل ماعندنا موضفات بالليل الا هم00 الولد طول النهار متعلق في رقبتي ولا جيت اسلمه لهم تقولين بيغمى عليه من الخوف ينشف ويصفر لونه من كثر البكا
وشفت الاطفال اللقطاء ياعمري يكسرون الخاطر كان اذا راحوا يبون وانتوا بكرامه يروحون الحمام اكثر من مره يعطونهم دواء شراب يمسك بطونهم عشان مايروحون كل مره معهم للحمام
واحيانا يعانون من الامساك يجعون يعطونهم ادويه تلين البطن وتشوفينهم ياعمري صغارمره امساك ومره اسهال وانتوا بكرامه
والاكل طبعا فول وفول وبيض وفول في اغلب الاوقات لان الطباخ ياخذ الاوامر من الهوانم
وشفت الاب اللي متزوج من اجنبيه ولما طلقها سفرها ورمى بنته اللي زي القمر في الدار ونساها تحت رحمة هالحاضنات اللي مايخافون الله كانوا لابكت يضربونها ويقرصونها في اماكن ماتظهر في باطن الفخذ وهي زي القطنه كل شي يبين فيها
والاب اللي رمى بنته وولده عشان مرت ابوهم ماتبيهم رماهم في الدار لارحمهم ولا خلى امهم ترحمهم
والله قصص تدمي القلب
بس مانقول الا حسبي الله ونعم الوكيل على من تسلم مسئووليه وخان ذمته وضميرة وظلم اليتيم اللي
وصى الله ونبيه بالرأفه به