بنات تكفون ساعدوني ما ادري هو يبيني والا لا... نتزوج والا لا؟؟؟؟؟

اتوقع والله اعلم انه بيتغير بعد الزواج هذه افكار واذا جرب الزواج والاستقرار وغمرتيه بحبك ومعاملتك الحسنة المتوازنة بدون افراط ولاتفريط راح ينسى هذا الكلام
والله يكتب لك الخير ومافيه ..

انا راح ابين لك وجهت نظري على شرط لاتسوين شيء إلا انتي مقتنعه منه

تدرين وش ابي اقولك وانا اقرأ كلامك كانك تتكلمين عن اولدي ابو عشر سنوات امعقدني أي شيء يبيه يتعبنا بكثرة التفكير حتى لو يبي يشتري فشار مثلاً يقعد بالبقاله ويطول طيب ليش ابسرعه يقول لأ أخاف ما يعجبني واخسر افلوس اي احسن اغبي الفلوس واجمع واشتري شيء ثاني نبي نطلع يقول متى نبي نروح ويشغلنا من يدري يعني لو يدري بالليل اننا نبي نطلع بكره يتعذب ويسال الف سؤال متى نبي نروح ومتى نبي نرجع ومين يبي يروح ومتى نرجع واخاف ما انبسط يعني يحط اسوأ الأحتمالات ودائماً يفكر ويحلل مية مره الصراحه عذاب×عذاب يعني اي شيء لازم يدقر عنده أحس ان الي يبي يتزوجها راح تتعب والنوع هذا حتى لا اتخذ قرار يتحسف يحس لو انه متخذ غيره كان احسن يحسون ان فيه شيء لو اتخذه وسواه راح يكون 100×100 صح مادرو ان مافيه شيء إلا له سلبيات وإيجابيات حتى الاغلاط الي نغلطها راح نطلع فيها بتجربه جديده تفيدنا

الله يعينك ويسهل امووووورك يارب..

خليك ثقيلة
ومادام ماصاااااارت ملكة رسمية ليش تكلمينه
لما تصير الملكة كلميه لكن بحدود واثقلي
الرجل مثل الظل اذا تبعتيه هررررررب منك

تبين رايي لا تاخذين بكل كلامه الحين لان كل شي بيتغير بعد الزواج حتى طريقه تفكيره
اللي الواضح انه متعقد مره من المشاكل بين الازواج والشي اولا واخيرا بيد رب العالمين
اذا الله كتب لكم انه يتم راح يتم سواء تزوجتوا الحين والا الصيف الجاي
حاولي انتي ماتكثرين مكالماتك له قبل الملكه ..
وحلو انه طلب منك انكم تفهمون بعض اكثر عشان ماتنصدمين فيه بعدين
من تجربتي - كان عندي احساس مدري ايش وكنت وقتها متملكه
وكم مره قلت له افرض مايتم الزواج وفي الاخير فعلا ماتم !!
بس الغريب في خطيبك انه مو متحمس لتعجيل الزواج مثل اغلب العرسان
عيشي يومك ولاتكثرين افكار .. يظل لكل انسان شخصيته و طريقة تفكيره
والله يكتب لك اللي فيه الخير ويوفقك